Ịjọọnụ 21:18 - IWE ỌNỊNỊ

¹⁸ Ịzẹyịza m maa kà a wụ nị, ịjị ụ vị ozweyi, ụụ̄ sị ịsaa sụ́ ọtẹ, dị ụ waa nọ ịzị èe zé wu eyi. Ama Ịjị u wèe si bo, ụ vaa tana ụvọ awụ, dị ọza ẹnẹsa sụ́ wụ, dị ọ sị wụ aa nọ ịzị ụ wẹ̀ yị yaanị sì ka wa nọ.”

Ịjọọnụ 21:18 Referans Kwoze

Ịjọọnụ 13:36

Di Ịsayịmọnị Ipita họ̀ ọ ka, “Ananyị yị, ịzị ụ waa nọ kẹ?” Dị Ijeesu ka, “Ịzị maa nọ aanị, wẹ yị zụ dụ mị vẹ booro aanị; ama ụ vaa dụ mịị vẹ, òo kù chee.”

Odeyi 21:11

O mè ve tù yi, dị ọ sị ịbanụ Ịpọọrụ, dị ọ sị sụ́ ahụ anị ọnịrị ụvọ anị nị. Dị ọ ka, “Ụhwẹ Ọnịnị ka aanị Ániju nịnị ene hi Ijerusarẹmị mẹ̀ vaa sụ́ ọza ana nyị ịbanụ ọnọnị nị, dị a sị ọọ chire Anigiriki nịnị ụvọ.”

2 Anịkọrịntị 5:4

Ị mẹ̀ yị yà ịnị ọchẹngụ ayị ọnọnị booro aanị, yee ti agụvị ka ẹnya ẹngụ anaā zị yị ọ sị ngụ yị. A yị vị ka vi yee sì ka à sị ọchẹngụ ayị ẹhẹ ọnọnị kwooze nị, ama yee sì ka à sị ẹ́ẹbẹẹba ku yi ẹngụ, agụvị dị à sị ọchẹngụ ene èe mē sú dọ ịrẹsụ ọchẹngụ ayị eneē sú anịị yị.

Iruuku 12:37

Ezida ọnị ọga ẹnịnị ọ̀ọ vavọọ vẹ, di o ve tù wa ka ệ ha, eyee zí ọnị nị, ẹ vaa daa jẹ. Dị ma kà a wụ nịnị, ka vị ọga ọnọọ ee tenyi obo anịị sụ́ ọtẹ, dị ọ ka ezida ẹnẹẹ ẹ̀ yaayịtẹ, dị ọnị ụvọta aa sị ịsaa yị wa nị.

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

Ịjọọnụ 21:19

Ịrẹyị ọnọọ vị oni Ijeesu kà, dị aa sịị zụ̀ ẹngụ isu oni Ipita vee sú, dị ọ̀ sị sị igirima yị Ohomorihi. Ịjị Ijeesu vavọọ sị kà, dị ọ rẹ ka, “Waa dụ mị ịrẹma!”