Ịjọọnụ 21:15 - IWE ỌNỊNỊ

¹⁵ Ịjị ẹ sị ịsa rị, dị Ijeesu kà a yị Ịsayịmọnị Ipita ka, “Ịsayịmọnị, ozi Ijona, wéé sì ịrẹyị amị huna ẹsẹnị?” Dị Ịsayịmọnị ka, “Hịịn, Ananyị yị, wâ yẹ ka mê sì ịrẹyị awụ de.” Dị Ijeesu kà a yọ ka, “Waa tẹsị ezi atẹmẹ amị o!” (Ọnọọ vị ka ‘aza Ohomorihi’.)

Ịjọọnụ 21:15 Referans Kwoze

Aniroomi 15:1

 vọrọ ka ẹyị ẹnẹ ẹdọwụ anị katẹngụ, òo ro ịrẹyị aza ẹnẹ ẹdọwụ ẹnịnị ẹ̀yị vavọọ katẹngụ! Asa ahịka ịsị e zé yi eyi kẹnẹ, ị yaa mẹ nị!

1 Ịjọọnụ 4:19

Yée sì ịrẹyị Ohomorihi agụvị ka ọnị ọ vịdị sì ịrẹyị ayị nị.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

1Ipita 1:8

Wẹẹ̀ yị daka sị eyi awụ nịnị re Ijeesu Ikirisiti da, ama we yi sì ịrẹyị anị nịnị. We yi si eyi ree nịnị booro aanị, ama wáa sị ayị tụra a nịnị, ana ahịka ayị awụ nịnị ee hine ẹtẹẹtẹrẹ oni irenu ọ̀ yị zụ kà.

Anẹhwẹsọsị 6:24

Ohomorihi ọ̀ mẹ ọyịza yị avaba aza ene sì ịrẹyị Ijeesu Ikirisiti Ananyị yị pooro zịna-zịna.

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.

Ịjọọnụ 16:27

Ada amị ọnị ụvọta ô sì ịrẹyị awụ nịnị, agụvị ka wê sì ịrẹyị amị nịnị, dị ụ rẹ dọ wụ́ nịnị ka ịdị Ohomorihi mị hụrẹ vẹ nị.

Ijeremaya 3:15

Ọ kà ọnị vaa sị ẹngụ ọza ana vaa wụ́ chire ọnịị yị wụ nịnị ene vee sere wụ nịnị anka oseratẹmẹ avọọ. Ọza ọnọọ vaa sị ịrẹyọyẹẹ pá wụ nịnị.

Ezikẹẹrị 34:23

Ọnị vaa nyị oseratẹmẹ ọnya, ene vee sere wa anka ozi ahụ anị Idevidi, dị aa tẹsị ẹnịnị.

1Ipita 2:25

Vị ụ vịdị sị mẹẹ anka atẹmẹ ene vú nịnị avọọ nị, ama booro aanị wa zị vavẹ ịdị Ọza ene ee sere wu nịnị, dị ọ raa tẹsị awụ nịnị.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

Iruuku 22:32

Ama ma raà mẹ̀ aduwa yị wụ ka asị ẹdọwụ awụ jị wụ ụvọ. Ịjị ụ wàa sị và ká mị vẹ, dị ụ waa sị ụkataa yị ẹyịnyara awụ ana vọ!”

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

Aniroomi 14:1

Àa nyị ọza ẹnẹ ẹdọwụ anị ọ̀ yị katẹngụ, dọ ọ pe ẹngụ nịnị! Asị u beri ọọ nyị ahankata ini oze ịsa ọnị ọnị òo ro, ọ̀ọ daka jị áawụ nịnị nyee.

Imatiwu 16:17

Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Ijeremaya 23:4

Ọnị vaa nyị ohinọyịị yị wa ana vaa tẹsị ẹnịnị. Aza anị ẹ yị kụkụ vee hí angwa, ayị ẹ yị kụkụ vaa hụrẹ wa ịnẹ. Ọ kà ọnị ẹ yị kụkụ vaa sị ụyaa rị wa.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

1Ipita 2:2

Ama waa mẹ nịnị anka ozi ọwọọwa eneē sì ịrẹva oyi hú. Ẹwụ nịnị ọ̀ rẹ vavọọ sì ịrẹyị Ohomorihi ọ̀yị wụ́, agụvị dị ụ waa vịraa tụ́ ịnị ẹdọha nịnị,

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Ịjọọnụ 21:12

Dị Ijeesu kà a yị wa ka, “Va rị ịsa nịnị!” Ẹ yị nyị ọnya ini ezirẹma anị ana nyayịnẹ ẹ họ̀ ọ ka ẹnẹ ọ vị, agụvị ka ẹnịnị ệ yẹ ka Ananyị yịị yọ nị.

Ịjọọnụ 21:7

Di ozirẹma oni Ijeesu sì ịrẹyị anị kà a yị Ipita ka, “Ananyị yịị yọ nọ!” Ịjị Ịsayịmọnị Ipita wụ́ ka Ananyị yịị yọ nị, ộ sị ịta anị, dị ọ sị sụ ọtẹ, di o ji ngụ enyi nị.

Imatiwu 18:10

“Asị ụ zẹẹ ka wa sị eyi oweyi re ezi eweyi ẹnẹnị! Dị ma kà a wụ nịnị ka anggẹẹrị ẹnịnị ẹbẹẹba vị eneē re eyi Ada amị ẹbẹẹba.

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

1 Anịkọrịntị 8:11

Ịjọnọọ dị ịrẹyọyẹ ẹwụ raà mẹ ka ọnọhụva awụ ọnị ohinọyị oni Ohomorihi nyị ka ọ̀ dọ yị há sú yị, ò vu ẹtẹ.

Ịjọọnụ 8:42

Dị Ijeesu kà a yị wa ka, “Àa vị Ohomorihi ọ yaanị vị Ada awụ nịnị nị, ụ yaanị sì ịrẹyị amị nịnị, agụvị ka ịdị Ohomorihi mị hụrẹ vẹ ịzẹnị nị. Ẹ yị vị ẹmị ụvọta ọ tụ́ ẹngụ amị vẹ; ọnị ọ tụ́ mị vẹ ẹhẹ nị.

Ịmaakị 14:29

Dị Ipita kà a yọ ka, “Avaba aza ẹ̀ẹ daka zwe hụrẹ wụ ẹngụ, emi e yi vee zwe!”

Iruuku 12:32

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.

Oyinyima 33:13

Di Ijekọvụ ka: Eyiye de, ộ yẹ ka ezi ẹnịnị ệ yị nyị ụkata. Ịsụpa ẹnẹnị ana aa ká ozi ịrẹva aanị rẹ vị ụgẹnggẹnẹ. Ẹ̀ẹ zị ụsẹ baaba ẹkụhị ọnya, vị avaba ẹnịnị ee sú nị.

Imatiwu 10:37

Ọza ene èe sì ịrẹyị ada anị, àa vị ọnyị anị huna mị, ọ yị hụ ọ vị áamị. Ọza ene èe re sì ịrẹyị ozi ọnọrụ anị, àa vị ozi ọnẹẹ anị huna mị, ọ yị rẹ hụ ọọ vị áamị.

2 Ohinọyị 20:3

Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ sụ ùnè ẹtẹẹtẹrẹ nị.

2 Ịsamụwẹrị 7:20

Sị mị vị ana zụ kà a wụ booro aanị? Ẹnẹyịmavara Ochẹtẹẹngụ, wâ yẹ ẹmị ozi ahụ awụ.

Ịjọọnụ 13:37

Dị Ipita ka, “Ananyị yị, sị ẹ vẹ dị mẹ̀ yị zụ dụ wụ vẹ booro aanị? Mê tenyi ẹngụ ka me sú agụvị awụ.”

Ịjọọnụ 1:42

Dị Andụrụ sị Ipita vẹ ịdị Ijeesu nị. Ịjị Ijeesu re e, dị ọ kà a yọ ka, “Ẹ wa vị Ịsayịmọnị ozi Ịjọọnụ nị. Ẹwa kụkụ rẹ vaa rị Ikehwasi nị.” (Iruvo “Ikehwasi” ọ vị “ịrẹta” nị.)

Imatiwu 26:35

Dị Ipita ka, “Àa daka aa wụ mịị beri ewu, mẹ yị vaa kà a ka mẹ yị yẹ wụ.” Dị ezirẹma ana vọ ẹnị rẹ vavọọ sị irenu tọ̀ ọnya nị.

Imatiwu 26:33

Dị Ipita kà a yọ ka, “Avaba aza ẹ̀ẹ daka zwe hụrẹ wụ ẹngụ, emi e yi vee zwe.”

Odeyi 20:29

Mâ yẹ ka mèe si hu, aza edivi anka akatapooro nịnị vaa ngụ ịnị akakana awụ nịnị. Ẹ yị vaa navọ ẹwụ nịnị ana yà anka atẹmẹ avọọ hẹẹ.

Ezikẹẹrị 46:24

Ezikẹẹrị ka ọza ọnọnị ộ kà a yị ọnị ka, ẹsẹnị ẹ vị ịzị aza anaa mẹ̀ ụkọrọ ịnị irehi Ohomorihi vaa yaa chịnẹ uye ana aza sị va mẹ̀ ịsọvọ nị o.