Ịjọọnụ 21:12 - IWE ỌNỊNỊ

¹² Dị Ijeesu kà a yị wa ka, “Va rị ịsa nịnị!” Ẹ yị nyị ọnya ini ezirẹma anị ana nyayịnẹ ẹ họ̀ ọ ka ẹnẹ ọ vị, agụvị ka ẹnịnị ệ yẹ ka Ananyị yịị yọ nị.

Ịjọọnụ 21:12 Referans Kwoze

Odeyi 10:41

Ẹ yị vị avaba aza ọ sị ẹngụ zụ̀, ẹ̀ yị vị onivenu oni Ohomorihi vịdị sị nyị. Ẹyị rẹ yà ini onivenu ẹnẹẹ. Ẹyịrị ọ ộ rị, yê hú, ọ mẹ̀ sị ha hụụnị isu.

Ịjọọnụ 16:19

Ijeesu ọ sị yẹ ka eyee sì ka ẹnị ẹ̀ họ̀ ọnị use ịrẹyị. Dị ọ kà a yị wa ka, “Mị ka òo kù chee, we yi kuku vee re mi nịnị, òo re ne kù chee, u re vee re mi nịnị. Ịsị ụ waa họ̀ ẹngụ awụ nịnị use anị ọ́ọ́ vị ọnọọ nị?

Ịjọọnụ 21:15

Ịjị ẹ sị ịsa rị, dị Ijeesu kà a yị Ịsayịmọnị Ipita ka, “Ịsayịmọnị, ozi Ijona, wéé sì ịrẹyị amị huna ẹsẹnị?” Dị Ịsayịmọnị ka, “Hịịn, Ananyị yị, wâ yẹ ka mê sì ịrẹyị awụ de.” Dị Ijeesu kà a yọ ka, “Waa tẹsị ezi atẹmẹ amị o!” (Ọnọọ vị ka ‘aza Ohomorihi’.)

Ịmaakị 9:32

Ama ẹnịnị ẹ yị yẹ ịsa aa kà; angwa ee hí wa, ọ yị họ̀ ọ use.

Ịjọọnụ 4:27

Ịnị ọsọnị ẹ yà aa kà, di ezirẹma Ijeesu vẹ nị. Ô hí wa irenu ka ọnịrị ọnẹẹ aa kà ịrẹyị; ama ẹ yị nyị ọza ẹnịnị ana họ̀ ọnẹẹ ọnọọ use ka si ee sì, ẹ yị rẹ họ̀ Ijeesu ka sị ẹ vẹ di ee pee kà ịrẹyị.

Iruuku 9:45

Ama ẹnịnị ẹ yị yẹ iruvo ịrẹyị ọnọnị, agụvị ka a raà sị iruvo anị tẹ yị wa, agụvị asị ẹ yẹ. Angwa ee hí wa ọyịhọ Ijeesu ini oze ịrẹyị ọnọọ.

Imatiwu 22:46

Ẹ yị nyị ọza ene zụ tụ́ ọọ ohi ịrẹyị ikonya. Hụrẹ ịhị ọnọọ, ẹ yị nyị ọza ana vana nyayịnẹ họ̀ ọ use ịrẹyị ọnyọọnyị.

Ịjọọnụ 21:11

Dị Ịsayịmọnị Ipita nọ ịnị ẹpa, di o ne tura ọha ohihi ivovo ẹbanyị-ẹbanyị va tụ́ ụtọ irehu nị. Ivovo ene hi ịnị anị vị ẹchịhịmba tụra ẹwụrẹta (153); dị ẹ daka vavọọ yị rụrụ, ọha ọnọọ ọ yị yị na.