Ịjọọnụ 20:25 - IWE ỌNỊNỊ

²⁵ Di ezirẹma ana vọ kà a yị Ịtọmọsị ka, “Ya sị Ananyị yị re, ọ!” Dị Ịtọmọsị kà a yị wa ka, “Ẹ̀ yị vị mi re apịtahụ iso ịnị ụvọ anị, dị ma jị igege amị ngụ ọọ, dị ma rẹ jị ụvọ ngụ akaha anị, mẹ yị vaa dọ ọ wụ́.”

Ịjọọnụ 20:25 Referans Kwoze

Ịjọọnụ 6:30

Dị ẹnịnị tụ́ ohi, dị ẹ ka, “Sị ẹ vị apọtẹrẹwa ọnị ụ nyẹngụ sị zụ̀ yị, di ye re e, dị ya rẹ dọ wụ wụ́? Sị ụ vaa mẹ?

Ịmaakị 16:11

Ịjị ẹnịnị wụ́ kẹnẹ ka Ijeesu rẹ yàra ọnịrị ka Imeri ô re e bẹẹ, ẹnịnị ẹ yị dọ wụ́.

Anihiburu 3:18

Ene Ohomorihi rẹ hị́ eku ka ẹ yị vaa ngụ ịdị anị vaa tụ́? Aza ẹnẹ ẹ̀ yị rẹ sị ayị tụraa yọ nị.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Ịjọọnụ 21:7

Di ozirẹma oni Ijeesu sì ịrẹyị anị kà a yị Ipita ka, “Ananyị yịị yọ nọ!” Ịjị Ịsayịmọnị Ipita wụ́ ka Ananyị yịị yọ nị, ộ sị ịta anị, dị ọ sị sụ ọtẹ, di o ji ngụ enyi nị.

Ịjọọnụ 1:41

Andụrụ ộ vịdị ne sì Ịsayịmọnị ọyịnyara anị. Dị ọ kà a yọ ka, “Ya sị Imesaya ọnọọ re, ọ!” Iruvo Imesaya ọ vị Ikirisiti nị.

Iruuku 24:25

Dị Ijeesu va aa kà a yị wa ka, “Ho! Wâ vị ọnụra nịnị, oo! Wa mā hụra dọ avaba ịrẹyị ọnị ọnịsẹ nịnị kà wụ́ụ?

Imatiwu 27:42

“Ọọ̄ dọ aza ẹnẹsa há, ama ọ yị zụ dọ ẹngụ anị há. Ọ kà ọnị ọ vị Ohinọyị Anisirẹrị nị; ò chí hụrẹ ịrẹsụ apavahị vẹ booro aanị kẹ, di yee re e, dị ya dọ ọ wụ́.

Ahẹ Ụgama 78:32

Dị avaba ịsa ẹnẹnị maanị mị mẹ aanị, ẹnịnị vị ana aa mịị̄ mẹ̀ ebira odivii hi Ohomorihi. Ẹnịnị ê re avaba ịvọpa ẹnịnị, ama ẹ yị sị sị ayị tụra Ohomorihi.

Ijoovu 9:16

Ohomorihi ọ daka kà a ka ọnị ọ kụ irenu anị, ọ yị vaa dọ ịsị ọnị ọọ ka.

Ahẹ Ụgama 22:16

Aza edivi ana ahịka vị ẹ sị mẹẹ anka irezi avọọ vị ana gụ kara mị Ẹnịnị aa na ụvọ amị ọnịrị ahụ amị anka idu mẹ̀ẹ na uyee rị avọọ.

Ịmaakị 16:13

Dị ẹ varẹma, dị ẹ na kà a yị aza ana vọ nị. Ẹnịnị ẹ yị dọ wa wụ́ bẹẹ.

Ịmaakị 16:14

Ịrẹma ọnọọ, dị Ijeesu rẹ sị ẹngụ zụ̀ ezirẹma anị ẹwụrọnya, ẹ́nịnị màa rị ịsa nị. Ộ tụ́ wa ohuvọ, agụvị ka ẹnịnị ẹ yị dọ ọnị wụ́, ayị ẹnịnị ọ sị katẹngụ, agụvị ka ẹnịnị ẹ yị dọ aza ene re ọnị ka ọnị ộ ha hụụnị isu wụ́.

Ịjọọnụ 20:27

Dị Ijeesu kà a yị Ịtọmọsị ka, “Sị igege awụ tụ́ ịzẹnị, di u we re ụvọ amị! Rẹ tana ụvọ awụ, dị ụ wa sị tụ́ ịnị akaha amị! Asị ụ rẹ̀ kụkụ mẹ ayị ẹẹva, waa dọ ọ wụ́!”