Ịjọọnụ 20:23 - IWE ỌNỊNỊ

²³ Wàa vagu ọza ịnị ịvị anị nịnị, vị Ohomorihi rẹ vagu ọza ọnọọ avọọ nị. Wàa kà a ka ịvị ọza yị yà ịnị ịrẹsụ anị nịnị, vị aa yà ịnị ịrẹsụ anị nị.”

Ịjọọnụ 20:23 Referans Kwoze

Imatiwu 18:18

Ịzẹyịza m maa kà a wụ nị, ịsị ụ wàa sụ́ nịnị ịnị ẹhẹ, a rẹ vaa sụ́ ọọ ẹ́bẹẹba. Ịsị ụ wàa ngwa nịnị ịnị ẹhẹ, a rẹ vaa ngwa a ẹ́bẹẹba.

Imatiwu 16:19

Mị vaa sị ụkọkọrọ ẹbẹẹba yị wụ. Ịsị ụ wàa sụ́ ịnị ẹhẹ, a rẹ vaa sụ́ ọ ẹ́bẹẹba; ịsị ụ wàa ngwa ẹ́hẹ, a rẹ vaa ngwaa ẹ́bẹẹba.”

1 Itimoti 1:20

Ihimenawusi ọnịrị Arẹkịsanda yà ịnị ẹngụ aza ẹnẹẹ. Ma raà sị wa chire Echu ụvọ, agụvị ẹ̀ zụ yẹ ka ẹ yị vọrọ ka ẹnị ẹ̀ẹ kà ịrẹyị odivi hi Ohomorihi.

Odeyi 10:43

Avaba ọnịsẹ ệ kà ịrẹyị anị ka ọza tụra ọza ana àa sị ayị tụra a, ọ vaa vagu wa ịnị ịvị ẹnịnị ịnị ụkata ịrẹha anị.”

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

1 Anịkọrịntị 5:4

Kụ́ gụ nịnị ịnị ịrẹha Ijeesu Ananyị yị, ka ayị amị vaa yà ịdị awụ nịnị, dị ụ wa sị ụkata Ijeesu Ananyị yị,

Anẹhwẹsọsị 2:20

Ẹwụ nịnị rẹ yà ini irehi ọnọọ ana odeyi nịnị ọnịrị ọnịsẹ nịnị ká ẹtẹ. Ijeesu Ikirisiti ọnị ụvọta ọ vị ohyẹtẹ irehi ọnọọ nị.

Ịjọọnụ 20:22

Ịjị ọ vavọọ sị kà, dị ọ tụ́ ụhwẹ kú wa nị, dị ọ ka, “Dọ Ụhwẹ Ọnịnị nịnị!