Ịjọọnụ 20:21 - IWE ỌNỊNỊ

²¹ Dị Ijeesu rẹ kụ́ wa ka, “Ẹngwọọrọ ọ̀ vị awụ nịnị!” Dị ọ ka, “Áda amị mẹ̀ tụ́ mị vẹ ẹhẹ, avọọ ẹ́mị mẹ̀ rẹ tụ́ ẹwụ nịnị aa nọ ẹhẹ nị.”

Ịjọọnụ 20:21 Referans Kwoze

Ịjọọnụ 13:20

Ịzẹyịza m maa kà a wụ nịnị nị, ọza tụra ọza ana àa dọ ọza ọnị mị tụ́ ụtụ, ẹmị ọ rẹ dọ avọọ nị. Ọza ana àa dọ mị, ọ rẹ dọ Ọza ana tụ́ mị vẹ ẹhẹ.”

Ịjọọnụ 3:17

Ẹ yị vị Ohomorihi tụ́ Ozi anị vẹ ẹhẹ ka ọ̀ va jị ịvị yị anẹhẹ. Vị ọ ka ọ̀ va dọ anẹhẹ há nị.

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

2 Itimoti 2:2

Wâ wụ́ ịrẹyị ọnị mị raà sị zụ̀ aza eyi aza ọrụrụ-ọrụrụ. Ẹ̀wà rẹ sị ịrẹyị ọnọọ, dị u we si chire aza ana á zụ sị ayị tụra ụvọ, dị ẹ́ rẹ yẹ, a mẹ̀ vọrọ ka ẹ̀ sịị zụ̀ aza ẹnẹsa.

Imatiwu 10:40

“Ọza ana àa dọ wụ nịnị ọzọga, ẹmị ọ rẹ dọ ọzọga avọọ nị. Ọza ana àa dọ mị ọzọga, Ohomorihi ana tụ́ mị, ọ dọ ọzọga avọọ nị.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Ịjọọnụ 14:27

“Maa mẹ ka wa nyị ẹngwọọrọ nịnị; ẹngụ ẹngwọọrọ ọnị mị nyị m maa mẹ̀ ka wa nyị nịnị nị. Ẹ yị vị ẹngụ ẹngwọọrọ ọnị ẹhẹ sịị yị ọza m maa mẹ̀ ka wa nyị nịnị. Asị ụ zẹẹ ka ayị awụ nịnị ò du; asị u re hí angwa nịnị!

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

Ịjọọnụ 20:19

Oruva ịhị ọnọọ gẹdẹ-gẹdẹ ana vị ẹkụhị ọsẹ, dị ezirẹma Ijeesu kụ́ gụ hi ini eehi, di e chire oze hi ẹngụ nị, agụvị ka angwa Aniju nịnị ee hí wa. Dị Ijeesu vana va jẹẹ ịnị akakana ẹnịnị, dị ọ kụ́ wa ka, “Ẹngwọọrọ ọ̀ vị awụ nịnị!”

Iruuku 24:36

Ẹ mẹ̀ maanị aa kà ịrẹyị ẹnẹnị kẹnẹ, di Ijeesu ọnị ụvọta vana jẹẹ ịnị akakana ẹnịnị, dị ọ kụ́ wa ka, “Ẹngwọọrọ ọ̀ vị áawụ nịnị!”

Ịjọọnụ 20:22

Ịjị ọ vavọọ sị kà, dị ọ tụ́ ụhwẹ kú wa nị, dị ọ ka, “Dọ Ụhwẹ Ọnịnị nịnị!

Ịjọọnụ 20:26

Ịrẹma ẹkụhị ịhịnta para hu, di ezirẹma Ijeesu rẹ kụ́ gụ hi ini eehi nị. Ịtọmọsị kụkụ yà ịzọọ pe wa. Oze vị vị oyichire, dị Ijeesu rẹ vana va jẹẹ ịnị akakana ẹnịnị nị. Dị ọ rẹ kụ́ wa ka, “Ẹngwọọrọ ọ̀ vị awụ nịnị!”

Odeyi 1:2

pooro ne tù ẹkụhị ana a va sị sị ọọ nọ ẹbẹẹba ịdị Ohomorihi. Dị a va sị ọọ nọ ẹbẹẹba, ộ sị ụkata Ụhwẹ Ọnịnị mẹ ọda yị odeyi anị ọnị ọ nyị.

3 Ịjọọnụ 1:14

Mée rò ka mee vee hee wu, òo kù chee, dị ye dudu kà ịrẹyị eyi gẹrị eyi.