Ịjọọnụ 20:19 - IWE ỌNỊNỊ

¹⁹ Oruva ịhị ọnọọ gẹdẹ-gẹdẹ ana vị ẹkụhị ọsẹ, dị ezirẹma Ijeesu kụ́ gụ hi ini eehi, di e chire oze hi ẹngụ nị, agụvị ka angwa Aniju nịnị ee hí wa. Dị Ijeesu vana va jẹẹ ịnị akakana ẹnịnị, dị ọ kụ́ wa ka, “Ẹngwọọrọ ọ̀ vị awụ nịnị!”

Ịjọọnụ 20:19 Referans Kwoze

Ịjọọnụ 20:26

Ịrẹma ẹkụhị ịhịnta para hu, di ezirẹma Ijeesu rẹ kụ́ gụ hi ini eehi nị. Ịtọmọsị kụkụ yà ịzọọ pe wa. Oze vị vị oyichire, dị Ijeesu rẹ vana va jẹẹ ịnị akakana ẹnịnị nị. Dị ọ rẹ kụ́ wa ka, “Ẹngwọọrọ ọ̀ vị awụ nịnị!”

Ịjọọnụ 14:27

“Maa mẹ ka wa nyị ẹngwọọrọ nịnị; ẹngụ ẹngwọọrọ ọnị mị nyị m maa mẹ̀ ka wa nyị nịnị nị. Ẹ yị vị ẹngụ ẹngwọọrọ ọnị ẹhẹ sịị yị ọza m maa mẹ̀ ka wa nyị nịnị. Asị ụ zẹẹ ka ayị awụ nịnị ò du; asị u re hí angwa nịnị!

Ịjọọnụ 20:21

Dị Ijeesu rẹ kụ́ wa ka, “Ẹngwọọrọ ọ̀ vị awụ nịnị!” Dị ọ ka, “Áda amị mẹ̀ tụ́ mị vẹ ẹhẹ, avọọ ẹ́mị mẹ̀ rẹ tụ́ ẹwụ nịnị aa nọ ẹhẹ nị.”

Anẹhwẹsọsị 2:14

Ijeesu Ikirisiti ọnị ụvọta ọ vị ẹngwọọrọ ayị nị. Ọ raà và Aniju ọnịrị aza ẹnẹ ẹ̀yị vị Aniju bẹ. Ẹngụ anị ọ sị gara ịsa ana vịdị há ẹyịrị wa hi anka ugene avọọ, ana mẹ ka ya vị ọnịvị ẹngụ nị.

2 Anịtẹsaronika 3:16

Ananyị yị ụvọta anaā sịị ẹngwọọrọọ yị, ọ̀ sị ẹngwọọrọ wụ nịnị ịnị avaba ụmẹ ọnịrị ini oze tụra oze! Ananyị yị ọ̀ yà pe avaba awụ nịnị!

Ịjọọnụ 7:13

Ama ẹ yị nyị ọza ana nyayịnẹ kà ịrẹyị anị tụ́ ẹhẹ, agụvị ka eyee hí angwa ọdọvịdị Aniju nịnị.

Ịmaakị 16:14

Ịrẹma ọnọọ, dị Ijeesu rẹ sị ẹngụ zụ̀ ezirẹma anị ẹwụrọnya, ẹ́nịnị màa rị ịsa nị. Ộ tụ́ wa ohuvọ, agụvị ka ẹnịnị ẹ yị dọ ọnị wụ́, ayị ẹnịnị ọ sị katẹngụ, agụvị ka ẹnịnị ẹ yị dọ aza ene re ọnị ka ọnị ộ ha hụụnị isu wụ́.

Ẹtore 1:4

Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.

1 Anịkọrịntị 15:5

Ipita ô re e, dị ẹnị ẹwụrẹva re re e nị.

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Anihiburu 7:2

Dị Abụrahamị sị agẹẹwụ ịsa ọnị ọ dọ yọ nị. Ịpaapa, iruvo ịrẹha Imerikizẹdẹkị ọ vị Ohinọyị Ọnịzẹyịza; ohinọyị Ịsarẹmị ọ vị nị, agụvị avọọ, dị a rẹẹ̄ hị́ ọ ohinọyị ẹngwọọrọ nị.

Anihwiripi 1:2

Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ nịnị, dị ẹ rẹ sị ẹngwọọrọ yị wụ nịnị.

Anẹhwẹsọsị 6:23

Ohomorihi Ada ayị ọnịrị Ijeesu Ikirisiti Ananyị yị ẹ̀ sị ẹngwọọrọ yị avaba anịragụ anị, dị ẹ̀ rẹ mẹ ka ẹ̀ẹ sị ayịị tụra Ohomorihi; ọ̀ rẹ navọ ẹnịnị èe sì ịrẹyị ẹngụ!

Aniroomi 15:33

Ohomorihi anaā sịị ẹngwọọrọọ yị, ọ̀ yà pe avaba awụ nịnị Aamị.

Ịjọọnụ 16:22

Ayị awụ nịnị o si du booro aanị, ama mị vanaa vẹ vee hee wu nịnị; ịjọnọọ ayị awụ nịnị vee hine ẹtẹẹtẹrẹ. Ẹ yị nyị ọza ana va zụụ dọ wụ nịnị ẹngụ ayohine ọnọọ.

Imatiwu 18:20

Agụvị ka ịzị aza ẹnị ẹẹva, àa vị ẹẹta kụ́ ẹngụ gụ ịnị ịrẹha amị, mị vaa yà ịnị akakana ẹnịnị.”

Imatiwu 10:13

Anineehi ọnọọ ẹ̀ẹ dọ wụ nịnị ọzọga, ẹngwọọrọ awụ nịnị ọ̀ yà pe wa. Ama ẹnịnị ẹ̀ yị dọ wụ nịnị ọzọga, dị ẹngwọọrọ awụ nịnị ọ̀ và ká wụ nịnị vẹ.

Ahẹ Ụgama 122:8

Mị vaa hụ agụvị ẹyịnyara amị ọnịrị ọta amịị mẹ̀ aduwa ka ẹngwọọrọ ọ̀ yà ịnị ẹkụra Ijerusarẹmị.

Ịjọọnụ 21:1

Ọ mẹ̀ rẹ da kù chee, Ijeesu ọ rẹ sị ẹngụ anị zụ̀ ezirẹma anị ụtọ irehu Itiberiyasi. Aanị ọ mẹmẹ sị ẹngụ zụ̀ wa nị:

Ịjọọnụ 21:14

Ọnọọ ọ tụ́ ọọ ụpẹ ọhụta oni Ijeesu sị ẹngụ zụ̀ ezirẹma anị, ọ mẹ̀ ha hụụnị isu nị.

Odeyi 1:3

Ị́rẹma isu anị, ộ vana sị ẹngụ zụ̀ ezirẹma anị ụmẹ ọrụrụ-ọrụrụ, ọ mẹ̀ ha hụụnị isu. Ê re e mẹ ẹkụhị ẹbẹẹva ini oze ana ahịka ọza ọ yị zụ jị ọọ ịrẹka ka ọ yàra. Ộ kà a yị wa ịjọva Ohomorihi mẹmẹ yà.

3 Ịjọọnụ 1:14

Mée rò ka mee vee hee wu, òo kù chee, dị ye dudu kà ịrẹyị eyi gẹrị eyi.