Ịjọọnụ 20:16 - IWE ỌNỊNỊ

¹⁶ Dị Ijeesu va kà a yọ ka, “Imeri!” Di Imeri kana eyi, dị ọ kà a ịnị ẹkụra Ihiburu ka, “Iraboni” (iruvo anị ọ vị “Iticha” à vị “Ọzwọzịsa”).

Ịjọọnụ 20:16 Referans Kwoze

Ịjọọnụ 10:3

Ẹngụ ọza ọnọọ, ọza ene ee sere oze vaa na oze yọ. Atẹmẹ nịnị vaa wụ́ ọngwẹ anị, ọ màa hị́ wa ịrẹha, dị aa kụ́ waa nọ ẹhẹ.

Ịjọọnụ 1:38

Dị Ijeesu kana eyi, di o re ka ẹyaa dụ ọnịị vẹ nị. Ộ họ̀ wa ka, “Si u wee sì nịnị?” Dị ẹnịnị ka, “Iraabi, ịzị ụ ra?” (Iruvo “Iraabi” ọ vị “Iticha”.)

Odeyi 10:3

Ẹkụhị ọnya ịnị ụmẹ agogo ẹẹta ọọdụ, ô re ẹtẹ. Di o re anggẹẹrị Ohomorihi, dị ọ ngụ eehi ve tù ọọ, dị ọ hị́ ọọ ka, “Ịkọnẹrịyọsị!”

Odeyi 9:4

Dị ọ hyẹdụ nya ẹtẹ, dị ọ wụ́ ọngwẹ ana kà a yọ ka, “Ịsọọrụ, Ịsọọrụ, sị ẹ vẹ dị ụ waa sị ụyaa rị mị?”

Ịjọọnụ 6:25

Ịjị aza ẹnẹẹ si Ijeesu re ákẹnẹ irehu, dị ẹ kà a yọ ka, “Ho! Ọga, ye re ụmẹ ọnị ụ sị vẹ ịzẹnị?”

Ayịsaya 43:1

Isirẹrị, Ẹnẹyịmavara ana tụ́ wụ ka, “Asị ụ hí angwa ka mị vaa dọ wụ ha. Ma raà sị ịrẹha awụ hị́ wụ, áamị ụ vị nị.

Oyinyima 22:11

Ama di anggẹẹrị Ẹnẹyịmavara vana yà ẹbẹẹba dị ọ hị́ Abụrahamị dị ọ ka, “Abụrahamị, Abụrahamị.” Di Abụrahamị ka, “Hèé, ụ mẹ ka?”

Ịjọọnụ 20:28

Dị Ịtọmọsị tụ́ ọọ ohi, dị ọ ka, “Ananyị yị, Ohomorihi amị!”

Ịjọọnụ 13:13

Ụụ̄ hị́ mị ọga ọnịrị Ananyị yị nịnị; wâ kà a ẹtẹẹrẹ nịnị, agụvị ka ịsị mị vị ọ vị ọnọọ nị.

Ịjọọnụ 11:28

Ịjị Ịmata vavọọ sị kà, di o si hu aa na nị. Di o were na hị́ Imeri ọhụva anị, dị ọ kà a yọ ka, “Ọga ộ vẹ, aa hị́ wụ.”

Ịjọọnụ 5:2

 nyị adagu ọnya aanị, ana gụrị Oze Atẹmẹ Íjerusarẹmị. Aā hị́ adagu ọnọọ Ịbẹtịsata ịnị ẹkụra Anihiburu nịnị. Ajẹngụ ẹẹhị e hi ịzọọ nị.

Ịjọọnụ 3:2

Ịrahụ ẹkụhị ọnya dị ọ vẹ ịdị Ijeesu nị. Dị ọ va kà a yị Ijeesu ka, “Ọga, yâ yẹ ka ọzwọzịsa oni Ohomorihi tụ́ vẹ ẹhẹ ọnọnị ụ vị nị. Ẹ yị nyị ọza ịnya ana zụ mẹ ẹngụ apọtẹrẹwa ọnị ụ waa mẹ aanị, ẹ̀ yị vị ka vị Ohomorihi yà beri ọ nị.”

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Iruuku 10:41

Dị Ijeesu tụ́ ohi, dị ọ kà a yọ ka, “Ịmata, Ịmata, ayị awụ ọ yị nẹtẹ, wee ro ịrẹyị ịsa ọrụrụ-ọrụrụ.

Imatiwu 14:27

Dị Ijeesu wụsẹ kà ịrẹyị yị wa nị, dị ọ ka, “Và ayị nẹtẹ nịnị! Ẹmịị yọ nị, asị u hí angwa nịnị!”

Ahẹ Isoromọnị 5:2

M maa sụ̀ ara, mâ ra ụra ka ọza ọnị mị maanị sì ịrẹyị anị aa sị ụvọọ ka oze nị. Na oze mi de, ẹwụ ọnị mị maanị sị̀ ịrẹyị anị, anaā sịị mị ayịị hine, ẹwụ ọnị mee zi eyi. Eguhi me chire ku mi, ịrẹsụ amị o si horo. Ẹyị ịnị ịrẹsụ amị vị o yi hunẹnẹ.

Ahẹ Isoromọnị 3:4

Ẹmịrị wa mẹ maanị yị para ẹngụ hu kẹnẹ, dị mị na gẹrị ọza ọnị mị maanị sì ịrẹyị anị nị. Mâ ta a ku, mẹ yị kụkụ zẹ ka ọ̀ na. Dị mị sị́ ọ va ngụ ịnị aku ọnyị amị ịzị a ya ma mị nị.

1 Ịsamụwẹrị 3:10

Dị Ẹnẹyịmavara rẹ vẹ anka ọ mẹ̀ vịdịị vẹ, dị ọ jẹẹ dị ọ rẹ vavọọ hị́ Ịsamụwẹrị dị ọ ka, “Ịsamụwẹrị! Ịsamụwẹrị!” Di Ịsamụwẹrị kà, “Nda, wa kà ịrẹyị awụ ka ozida awụ aa wụ́.”

1 Ịsamụwẹrị 3:6

Dị Ẹnẹyịmavara rẹ hị́ Ịsamụwẹrị, dị Ịsamụwẹrị rẹ kwẹẹtẹ, di o ne tù Eri dị ọ ka, “Ẹmị yị, a vị u waa hị́ mị”. Di Eri rẹ ka, “Ozi emi, mẹ yị hị́ wụ ọ! Varẹma na hụtụ.”

Ọyịkụra 33:17

Dị Ẹnẹyịmavara kà a yị Imosiisi dị ọ ka, “Ịsị wàa ka ma mẹ, mị vaa mẹ̀ ẹ, agụvị ka mâ yẹ wụ ẹtẹẹtẹrẹ, di ebira awụ re zee mi eyi nị.”

Ọyịkụra 3:4

Ẹnẹyịmavara mè re ka Imosiisi aa kà a pè e ka oni ò ne re e, dị ọ vana yà ịnị ọchị ọnọọ dị ọ hị́ ọ nị. Dị ọ ka, “Imosiisi, Imosiisi!” Di Imosiisi ka hèé nị.

Oyinyima 45:12

Di Ijosẹẹhụ rẹ ka, “Ẹnị ụvọta ee re e, Ịbẹnjamịnị ọyịnyara anị ọnị ree re e bẹẹ ka ọnị Ijosẹẹhụ aa kà ịrẹyịị yị wa aanị nị.

Oyinyima 22:1

Ộ dà kù che ẹnị ẹ maanị hị́ eku yị ẹngụ, di Ohomorihi va zama Abụrahamị re ịnị ụmẹ ọnya nị. Di Ohomorihi hị́ Abụrahamị, di Abụrahamị ka, “Hèé, ụmẹ ka.”

Ịmaakị 10:51

Dị Ijeesu ka, “Si u wee sì ka ma mẹ yị wụ?” Di ogweyi ọnọọ ka, “Ọga amị, mị ka mee re ẹtẹ nọ.”