Ịjọọnụ 2:6 - IWE ỌNỊNỊ

⁶ Â nyị odu ịhịnọnyị ene hi ịzọọ. Odu ẹnẹẹ Aniju nịnịị̄ sịị nyịna ẹngụ nị. Ọnya-ọnya ộ dọ ẹhụụ enyi ịgarụwa ẹẹhị na ngụ ịhịmba avọọ.

Ịjọọnụ 2:6 Referans Kwoze

Ịjọọnụ 3:25

Ụmẹ ọnya, dị ezirẹma Ịjọọnụ ọnịrị Aniju ọnya aa nyị ahankata ịrẹyị ẹngụ ọyịnyịna nị.

Anihiburu 9:10

Ịsa ẹnẹnị vị ịrẹyị ịsọyịrị ọnịrị ịsa oyihú ne beri ẹngụ irenyi-irenyi ọyịnyịna. Avaba ẹnẹẹ vị ịsa ịnị ẹhẹ ọnọnị kẹnẹ, ana ahịka ụmẹ chee ẹ jẹẹ yị nị, dị Ohomorihi ọ̀ va vara avaba ịsa ọwọọwa.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Anihiburu 9:19

Ịpaapa, Imosiisi ộ vịdị kà a yị avaba aza ẹnẹẹ avaba ịsa a vọrọ ka ẹ̀ mẹ anka ọda Ohomorihi. Dị ọ va sị anya ozi imaaru ọnịrị ịdẹ beri enyi, dị ọ sị avị ana aā hị́ ihisopu ọnịrị ẹyị atẹmẹ ana a jị ngụ azọnọ ovivi, dị ọ jị ọọ ngụ anya ọnọọ ọnịrị enyi, di o chee sẹ́ iwe ọda ọnịrị aza ẹnẹẹ nị.

Anihiburu 6:2

Ẹ́ yị nyị ka ye re ne nyima dị yaa zụ̀ wụ nịnị ịrẹyị ọyịhwọzenyi, ọnịrị a mẹmẹẹ̄ sị ụvọọ tụra ọza ịrẹsụ, beri ịrẹyị oku ọyị ha hụụnị isu, ọnịrị ọkarẹyị anaa vẹ ụmẹ ọdịrẹma.

Iruuku 16:6

Dị ọnọọ ka ọnị ộ rị ọ ụta angwẹ ịgarụwa ịrẹka nị. Dị ozi ahụ ọnọọ kà a yọ ka ọ̀ dọ iwe anị dị ọ̀ wụsẹ yaayịtẹ, dị ọ̀ chẹrẹ ịgarụwa ẹchẹhị tụ́ ọọ.

Ịjọọnụ 2:7

Dị Ijeesu kà a yị ezida ẹnẹẹ ka ẹ̀ dà enyi hi ini odu ẹnẹẹ, di è hí nị. Ịzẹyịza, dị ẹ dà enyi hi wa ohihi kẹkẹrẹkẹẹ nị.