Ịjọọnụ 2:24 - IWE ỌNỊNỊ

²⁴ Ama Ijeesu ọ yị sị ayị tụra wa, agụvị ka ộ yẹ ayị avaba aza.

Ịjọọnụ 2:24 Referans Kwoze

Ịjọọnụ 6:64

Ama â nyị aza ẹnyị awụ nịnị, ẹnẹ ẹ̀ yị dọ wụ́.” Ijeesu ộ vịdị sị yẹ hụrẹ ụmọrụmọ aza ẹnẹ ẹ̀ yị dọ ọnị wụ́ ọnịrị ọza ana vaa sị ọnịị chire ọnịvị anị ụvọ.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

Odeyi 1:24

Dị odeyi nịnị mẹ̀ aduwa dị ẹ ka, “Ananyị yị, wâ yẹ ayị avaba aza. Agụvị avọọ sị zụ̀ yị ọza ọnị ụ wàa nyị ịnị ẹnị ẹyịva ẹnẹnị

Imatiwu 9:4

Ijeesu ộ yẹ ịsị eyee ro; dị ọ ka, “Sị ẹ vẹ di u wee ro ịsa odivi ịnị ayị awụ nịnị?

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

Ịjọọnụ 16:30

Ya sị yẹ booro aanị ka wâ yẹ avaba ịsa, ẹ yị kụkụ nyị ka ọza ọ̀ọ họ̀ wụ use ịrẹyị. Ọsọnị ộ mẹ̀ ka ya dọ wụ́ ka ịdị Ohomorihi ụ hụrẹ vẹ nị.”

Ịjọọnụ 5:42

Mâ yẹ wụ nịnị, mâ yẹ ka we yi sì ịrẹyị Ohomorihi ịnị ayị awụ nịnị.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

Ịmaakị 2:8

Obooboro ọnọọ Ijeesu ọ sị yẹ ịsị eyee ro ịnị ayị ẹnịnị. Agụvị avọọ dị ọ kà a yị wa ka, “Sị ẹ vẹ dị ẹwụ nịnị vavọọ ee ro ẹngụ ịsa ẹnẹnị ịnị ayị awụ nịnị?

1 Ịtọpa 29:17

Máa yẹ ka ụụ̄ zama ayị avaba azaa re; ayị awụụ̄ hinee tù aza ene ebira ẹnịnị vọrọ. Ịzẹyịza mị sị avaba ịsa ẹnẹnị va wụ nị. Mê re avaba aza awụ ana wara gụ anị mee hine ayị ka ẹnị ệ sị ẹyịza va wụ.

Ịjọọnụ 6:15

Ijeesu ọ sị yẹ ka ẹyaa vaa sị ụkataa za ọnị ka ọnị ọ̀ vị ohinọyị ẹnịnị; dị ọ hụụ ịzọọ, dị ọnị ịnyara raa nọ ịnị ataba nị.

Ịjọọnụ 1:42

Dị Andụrụ sị Ipita vẹ ịdị Ijeesu nị. Ịjị Ijeesu re e, dị ọ kà a yọ ka, “Ẹ wa vị Ịsayịmọnị ozi Ịjọọnụ nị. Ẹwa kụkụ rẹ vaa rị Ikehwasi nị.” (Iruvo “Ikehwasi” ọ vị “ịrẹta” nị.)

Iwe Ọhụhị Imosiisi ana aa hị́ Ọyịvatụrọda 31:21

Ịjị ọnị ịrẹyị odivi-odivi ee tù wa, a vaa jị ahẹ ọnọnị ana vaa vị ivenu tụra wa ịrẹsụ. Evere ẹnịnị e yi vee hi ayị anị, Ẹnẹyịmavara kà ọnị ọ yẹ ịsị ẹ sị ayị tụ́ ka ẹnị vaa mẹ̀, dị ọnị hyakụ vaa kụ wa vẹ ịnị ẹtẹ ọnị ọnị wo oto anị ka ọnị aa sị yị wa.

1 Ohinọyị 8:39

navọ kwogwo we batọ hụrẹ ẹbẹẹba ịzị ụ yà, dị wa vagu aza awụ. Navọ à nyị ịsị ụ mẹ. Ịsị waa yẹ ka ọzọza ô sì ịnị ayị anị, navọ dị wa mẹ̀ ẹ yọ anka oze ọzọza mẹ̀ yà. Ẹwụ nya kẹnẹ ọ yẹ ayị avaba aza nị.

Odeyi 15:8

Ohomorihi ana yẹ ayị ọza, ộ sị zụ̀ ka ọnị ộ dọ Anigiriki nịnị, agụvị ka ộ sị Ụhwẹ Ọnịnị yị wa, anka ọ mẹ̀ rẹ sị yị ẹyị.

Ịjọọnụ 4:16

Dị Ijeesu kà a yọ ka, “Na hị́ ọva awụ vẹ ịzẹnị!”