Ịjọọnụ 2:2 - IWE ỌNỊNỊ

² Â hị́ Ijeesu ọnịrị ezirẹma anị nọ ịzị a yà aa nyị ọnẹẹ aanị.

Ịjọọnụ 2:2 Referans Kwoze

Anikorasi 3:17

Ịnị avaba ịsị ụ wàa mẹ ọnịrị ịnị avaba ịrẹyị ọnị ụ wàa kà, waa mẹẹ anka ọza Ijeesu Ananyị yị. Waa kụ́ Ohomorihi Ada ayị avọ ini oze Ijeesu.

1 Anịkọrịntị 7:39

Ọnẹẹ ọnị ọva anị ọ̀ọ yị yàra, ọda ọ yị zẹ ẹ ka ọ̀ kụkụ na va ọnọrụ ọsa. Ama ọva anị òo wusu, óo re oze na va ọza ene zé eyi anka Ohomorihi mè sì ọọ.

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

1 Anịkọrịntị 10:31

Ịzẹyịza yọ, tamayị kẹnẹ ka wàaa rị, wèee hụ́, ịsa tụra ịsa ọnị ụ wàa mẹ, re ka ộ sị ụbanyị yị Ohomorihi!

Imatiwu 25:45

Ịjọnọọ dị Ohinọyị tụ́ wa ohi ka: ‘Ịzẹyịza mị kà wụ nịnị nị, ụ wẹ̀ yị mẹ mẹ̀ ẹ yị ene weyi hu ịnị aza ẹnẹnị aanị, ẹmị ụ wẹ̀ yị rẹ mẹ̀ ẹ yị nịnị avọọ nị.’

Imatiwu 25:40

Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Imatiwu 12:19

Ọ yị vaa nyị ahankata, o yi vee nowu, ọ yị rẹ vaa kụ́ ịrẹka ini orere.

Ẹtore 3:20

Re, mị jẹẹ enoze, maa sị ụvọọ ká na. Di mee pee rị ịsa, dị oni ree pe mii rị ịsa.

Ịjọọnụ 2:3

Ịjị eche ana aza ee hú mẹ ta, dị ọnyị Ijeesu kà a yọ ka, “Eche ẹnịnị ộ ta, ọ!”

Ịjọọnụ 2:12

Ịrẹma ọsọnị, Ijeesu ọnịrị ọnyị anị beri ẹyịnyara anị ẹnịrị ezirẹma anị ê chí nọ Ikapanawumi. Dị ẹnịnị yà ịzọọ mẹ ẹkụhị chee kẹnẹ nị.

Ịjọọnụ 2:17

Dị ezirẹma anị sị tamayị ịrẹyị ana a vịdị chẹrẹ tụ́ ini Iwe Ohomorihi ka, “Oyisì ọnị mị nyị yị irehi Ohomorihi, ọ vaa wụ̀ mị nị.”

Ịjọọnụ 2:22

Ụmẹ oni Ijeesu va sị ha hụụnị isu, dị ezirẹma anị va tamayị ka ọ́ vịdị vavọọ kà nị. Dị ẹnịnị dọ Iwe Ohomorihi wụ́ ọnịrị ịrẹyị oni Ijeesu kà nị.

Ịjọọnụ 3:22

Ẹkụhị ọnya Ijeesu ọnịrị ezirẹma anị ệ zị nọ ịnị ẹtẹ Ijudiya. Ijeesu ộ yà ịzọọ dị aa mẹ ọyịhwenyii yị aza nị.

Ịjọọnụ 4:2

Àa ka à ka, Ijeesu ọnị ụvọta ọ yị mẹ̀ ọyịhwọzenyi yị aza; ezirẹma anị kẹnẹ aa mẹ ọyịhwenyii yị aza nị.

Ịjọọnụ 4:8

Ịjọnọọ, ezirẹma Ijeesu e si hu aa naa hị́ ịsọyịrị ini ubooro.

Ịjọọnụ 4:33

Dị ezirẹma anị aa họ̀ ẹngụ use ka, “Ẹwáá ka vị a nyị ọza ana sị ịsọyịrị va yọ nị?”

Ịjọọnụ 6:8

Dị ozirẹma anị ọnya ana aā hị́ Andụrụ, ọyịnyara Ịsayịmọnị Ipita, kà a yị Ijeesu ka:

Ịjọọnụ 6:12

Ịjị ịnẹ sị wa há, dị Ijeesu kà a yị ezirẹma anị ka, “Kụ́ ana vọ gụ nịnị, agụvị asị a nyị ene du ha!”

Ịjọọnụ 6:16

Ịjị oruva si tù, dị ezirẹma Ijeesu ee chíi nọ ini irehu nị.

Ịjọọnụ 6:60

Ezirẹma Ijeesu ọrụrụ-ọrụrụ ệ wụ́ ịrẹyị ẹnẹẹ, dị ẹ ka, “Ịrẹyị ẹnẹnị ẹ sị katẹngụ, ẹnẹ vana zụ wụ́ ẹngụ ịrẹyị ẹnẹnị da?”

Ịjọọnụ 6:66

Agụvị ịrẹyị ọnọnị, ezirẹma anị ọrụrụ-ọrụrụ ẹ sị và, ẹ yị kụkụ zẹẹ ka ẹnị ẹ̀ kụkụụ dụ ọọ zị.

Ịjọọnụ 6:67

Dị Ijeesu va kà a yị ezirẹma anị ẹwụrẹva ana vọ ka, “Vị ẹwụ nịnị wáá rẹ ka ẹwụ nịnị raa na nị?”

Ịjọọnụ 6:70

Dị Ijeesu tụ́ ohi, dị ọ ka, “Wâ yẹ ka ẹma nyị ẹwụ nịnị ẹwụrẹva nị. Ama ọza ịnyara awụ nịnị vị echu.”

Ịjọọnụ 6:71

Ịjọnọọ, Ijeesu aa kà ịrẹyị Ijudasi Isikarịyọtị, ana vị ozi Ịsayịmọnị; agụvị ka ịzẹyịza, Ijudasi vị ọnya ini ezirẹma ẹwụrẹva, ama ọnị ọ vaa sị Ijeesu chire ọnịvị anị ụvọ nị.

Ịjọọnụ 7:3

Dị ẹyịnyara Ijeesu kà a yọ ka, “Hụụ ịzẹnị, dị ụ wa nọ Ijudiya, di ezirẹma awụ ene hi ịzọọ ẹ̀ nyẹngụ re ụkọrọ ọnị ụ waa mẹ!

Odeyi 11:26

O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 11:29

Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.