Ịjọọnụ 2:19 - IWE ỌNỊNỊ

¹⁹ Dị Ijeesu tụ́ wa ohi, dị ọ ka, “Wèe wú irehi Ohomorihi ọnọnị và hi ẹtẹ nịnị, ịhyẹgwẹta anị, mi vee tenyi ọọ dà.”

Ịjọọnụ 2:19 Referans Kwoze

Ịmaakị 14:58

“Yâ wụ́ ka ộ kà a ka oni vee wú irehi Ohomorihi ọnọnị ana a sị ụvọ dà aanị; ịnị ịhyẹgwẹta anị ọnị rẹ vaa dà ọsa ẹnẹ ẹ̀ yị vị ụvọ a sị dà a.”

Ịmaakị 15:29

Dị aza ẹnyị ana aa parahu aa kụ̀ Ijeesu ụhụ nị; di eyee mi ịrẹsụ, dị ẹ ka, “Ịhịịn, ewu ene vee wú irehi Ohomorihi, di u re tenyi ọọ dà ịhyẹgwẹta anị.

Imatiwu 27:40

Dị ẹ ka, “Ẹwụ ene vee wú irehi Ohomorihi, di u re tenyi ọọ dà ịhyẹgwẹta anị! Àa vị Ozi Ohomorihi ụ vị nị, dọ ẹngụ awụ tụ́, di u we chí hụụ ịrẹsụ apavahị vẹ!”

Imatiwu 12:40

Íjona mẹ̀ yà ịnịnẹ ivovo ọbanyị ọnọọ mẹ ọọdụ ẹẹta ọnịrị ịrahụ ẹẹta, avọọ Ózi ọza onigirima mẹ̀ rẹ vaa mẹ ọọ dụ ẹẹta ọnịrị ịrahụ ẹẹta ịnịnẹ ẹtẹ nị.

Aniroomi 8:11

Ohomorihi ọ ha Ijeesu kwẹẹtẹ hụụnị isu nị. Ụhwẹ Ohomorihi ọnọọ ọ̀ọ yà ịnị ayị awụ nịnị, ọnị ana ha Ijeesu kwẹẹtẹ hụụnị isu, rẹ vaa mẹ ka oku awụ nịnị ọ̀ ha kwẹẹtẹ. Ụhwẹ Ohomorihi ọnọọ ana yà ịnị ayị awụ nịnị ọ vavọọ vaa mẹ̀ ẹ nị.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

Odeyi 2:32

Ijeesu ọnọọ Óhomorihi sị ha hụụnị isu, dị avaba ayị aa dọ ivenuu tụ́ ịnị anị aanị nị.

Odeyi 2:24

Ama Ohomorihi ộ ha a hụụnị isu, ộ dọ ọ hụụnị ụvọ isu, agụvị ka ọ yị rụra mẹ ka isu ọ̀ za a.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

Aniroomi 6:4

A mẹ mẹ̀ ọyịhwọzenyi yị, vị ọ yà anka ẹyịrị Ikirisiti o dudu wusu, dị e ne ẹyịrị ọ nị. Agụvị avọọ anka ụ́kata Ada ayị ana nyị ụbanyị mẹ̀ ha Ikirisiti hụụnị isu, avọọ ẹ́yị mẹ̀ rẹ vaa nyị ụhwẹ dị ị kụkụ yàra, dị yaa mẹ ẹhẹ ọwọọwa nị.

Ịjọọnụ 11:25

Dị Ijeesu kà a yọ ka, “Ẹmị ọnọnị ọọ̄ ha ọzaa hụụnị isu, dị mị rẹ mẹ ka ọza ọ̀ yàra nị. Ọza ana àa sị ayị tụra mị, ọ̀ọ daka sú, ọ vị vaa yàra pooro zịna-zịna.

Ịmaakị 8:31

Dị Ijeesu nyima aa zụ̀ wa ịsa nị, dị ọ ka, “Ẹmị Ozi ọza onigirima mị vaa rị ụya ẹtẹẹtẹrẹ. Ọdọvịdị nịnị ẹnịrị ohirẹsụ ọbanyị irehi Ohomorihi nịnị beri ọzwọzọda nịnị vee yi mii tịtẹ. A rẹ vaa wụ̀ mị, ama ịhyẹgwẹta anị mị vaa haa hụụnị isu.”

Anikorasi 2:12

A mẹ mẹ̀ ọyịhwọzenyi yị wụ nịnị, vị ọ sị mẹẹ ka vị e ne wu nịnị beri Ikirisiti nị; dị ụ rẹ ha kwẹẹtẹ hụụnị isu beri ọọ nịnị nị, agụvị ka wáa sị ayị tụra ụkata Ohomorihi ana ha Ijeesu hụụnị isu.

1 Anịkọrịntị 15:12

Ẹ̀ẹ yaa kà ịrẹyị Ohomorihi ka Ohinọyị ọnị ọ nyị ka ọ̀ dọ yị há ộ ha hụụnị isu, sị ẹ vẹ dị aza ẹnyị awụ nịnị aa kà a ka oku nịnị ẹ yị vaa haa hụụnị isu?

Aniroomi 4:24

A rẹ vavọọ chẹrẹ ẹ yị ẹyị ana sị ayị tụra Ohomorihi ka ộ za yị ịrịka tụ́ ịnị ọnịrẹyịzẹyịza. Ohomorihi ọnọọ ọ ha Ijeesu Ananyị yị hụụnị isu nị.

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Ịjọọnụ 5:19

Dị Ijeesu va kà a yị wa ka, “Ịzẹyịza m maa kà a wụ nịnị nị, ẹ yị nyị ịsị ẹmị Ozi Ohomorihi zụ dà mẹ yị ẹngụ amị, ẹ̀ yị vị ịsị mèe re ka Ada amị aa mẹ; agụvị ka ịsa tụra ịsa ana Ada amị àaa mẹ, ọnị émi Ozi anị raa mẹ nị.

Imatiwu 27:63

Dị ẹ ka, “Ọga, yâ tamayị ka ovenọza ọnọọ mẹ̀ yà ẹhẹ, ộ kà a ka ịhyẹgwẹta ọnị ọnị sú, ọnị rẹ vaa haa kwẹẹtẹ.”

Imatiwu 16:21

Hụrẹ ụmẹ ọnọọ, dị Ijeesu aa kà a yị ezirẹma anị ka â nyị ka ọnị ọ̀ nọ Ijerusarẹmị, dị azọkụ nịnị beri ohirẹsụ ẹbanyị irehi Ohomorihi ọnịrị ọzwọzọda nịnị ẹ̀ sị ụya rị ọnị ẹtẹẹtẹrẹ, dị ẹ̀ wụ ọnị, ịhyẹgwẹta anị, dị Ohomorihi ọ̀ rẹ ha ọnị hụụnị isu.

Odeyi 6:14

Yâ wụ́ ka ộ kà a ka Ijeesu Anịnazarẹtị ọnọnị vee wú irehi Ohomorihi ọnọnị, dị ọ rẹ vara ịsa ohiku oni Imosiisi si chire yi ụvọ.”