Biblia Todo Logo
Bib sou entènèt

- Piblisite -




Ịjọọnụ 2:11 - IWE ỌNỊNỊ

11 Apọtẹrẹwa ọnọnị oni Ijeesu mẹ Íkana ịnị ẹtẹ Igariri ọ vị apọtẹrẹwa ịpaapa ọnọọ mẹ nị. Ọnị ọ sị sị igirima anị zụ̀, dị ezirẹma anị dọ ọ wụ́ nị.

Gade chapit la Kopi




Ịjọọnụ 2:11
43 Referans Kwoze  

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.


Ịrahụ ẹkụhị ọnya dị ọ vẹ ịdị Ijeesu nị. Dị ọ va kà a yị Ijeesu ka, “Ọga, yâ yẹ ka ọzwọzịsa oni Ohomorihi tụ́ vẹ ẹhẹ ọnọnị ụ vị nị. Ẹ yị nyị ọza ịnya ana zụ mẹ ẹngụ apọtẹrẹwa ọnị ụ waa mẹ aanị, ẹ̀ yị vị ka vị Ohomorihi yà beri ọ nị.”


Ọkọnị aza ệ saasa a na, agụvị ka ẹnịnị ê vịdị re ụkọrọ apọtẹrẹwa ọnị ọ mẹ ịnị ẹngụ ọnịkụ nịnị.


Dị ẹnịnị tụ́ ohi, dị ẹ ka, “Sị ẹ vị apọtẹrẹwa ọnị ụ nyẹngụ sị zụ̀ yị, di ye re e, dị ya rẹ dọ wụ wụ́? Sị ụ vaa mẹ?


Dị Ijeesu kà a yị wa ka, “Ịzẹyịza m maa kà nị, mâ yẹ ịsị ẹ vẹ di u wee sì mi nịnị. Wee sì mi nịnị agụvị ịsa ọnị ụ rị dị ịnẹ há wụ nịnị; ama ẹ yị vị, agụvị ka wâ yẹ ụkọrọ apọtẹrẹwa ọnị mị mẹ nịnị.


Ịjị aza ẹnẹẹ re ụkọrọ apọtẹrẹwa oni Ijeesu mẹ, dị ẹ ka, “Ịzẹyịza, ọza ọnọnị ọ vị Ọnịsẹ ọnọọ ana a vịdị kà a ka ọ vaa vẹ ẹhẹ nị.”


Ẹnẹyịmavara vaa sị ụbanyị anị zụ, dị avaba anẹhẹ re. Ẹnẹyịmavara ụvọta anị o wo oto ịsa ọnọnị nị.”


Ụya kiiki ọnị yaa rị ụmẹ chee aanị, vaa sị igirima vaa yị. Igirima ọnọọ vị ana vaa yà pooro zịna-zịna.


Ịsa tụra ịsa oni u wèe họ̀ use anị ịnị ịrẹha amị nịnị, mị vaa mẹ̀ ẹ, agụvị dị à zụ sị igirima yị Ada amị ini oze ẹmị Ozi anị.


Ayịsaya ộ vịdị kà ịrẹyị ẹnẹẹ, agụvị ka ô re igirima Ananyị yị, dị aa kà ịrẹyị ini oze anị nị.


Ijeesu ộ mị mẹ̀ ụkọrọ apọtẹrẹwa ọrụrụ-ọrụrụ éyi aza, ama ẹnịnị ẹ yị sị ayị tụra a.


Íjeesu mẹ̀ yà Ijerusarẹmị ịnị ụmẹ Eche Ọyịparahu, aza ọrụrụ-ọrụrụ ệ sị ayị tụra a, agụvị ka ê re apọtẹrẹwa ọnị ọ mẹ.


Dị Ijeesu tụ́ ọọ ohi, dị ọ ka, “A vị agụvị ka mâ kà a ka mê re wu íruvo ọchị ihwigi, ọ va mẹ ka wa dọ wụ́? U vee re ịsa ana banyị huna ẹsẹnị.”


Wàa yà ịnị akakana anẹhẹ waa kà ịrẹyị ụbanyị anị nịnị ọnịrị ịta mā ta pa ọnị ọọ̄ mẹ.


Maa chẹrẹ ịsa ẹnẹnịị tụ́ụ hi wu nịnị, agụvị ẹwụ nịnị ana sị ayị tụra Ozi Ohomorihi, ọ̀ zụ yẹ ka wa sị yára nịnị ịdị Ohomorihi pooro zịna-zịna.


Dị Ijeesu rẹ va nọ Ikana ịnị ẹtẹ Igariri, ịzọọ vịdị yà sị enyi vara eche nị. Â nyị ọzọbanyị ọnya ịzọọ, ẹnẹ ẹngụ aa zị ozi anịị tụ́ Ikapanawumi.


agụvị avaba aza ẹ̀ zụ sị ụbanyị yị ẹmị Ozi anị, anka ẹ mẹ̀ẹ̄ sị ụbanyị yị Ada amị. Ọza ẹnẹ ẹ̀ yị sị ụbanyị yị ẹmị Ozi anị, ọ yị rẹ sị ụbanyị yị Ada amị, ana tụ́ mị vẹ ẹhẹ.


Wa naa sị ayohine rị ịsa ọnị waa nyị, dị wee hu waa mẹrị kẹnẹ; agụvị ka Ohomorihi ọ raa sị ụvọ tụ ịnị ịsị ọnị waa mẹ yị wụ.


Ẹwụ ana maanị nyị ụbanyị, ị vaa kụ́ wụ avọ pooro nị. Ụbanyị awụ vi ene vee chì avaba ẹhẹ ẹngụ. Aamị, mị ka Aamị.


Dị ẹ̀ ka, Ẹnẹyịmavara ana vị Ohomorihi ẹnịnị ọ̀ raa zẹ ka eni e re ọ mẹmẹ nyị ụbanyị. Ẹnị ẹ raa wụ́ ọngwẹ hụụnị ịra. Ajịnị eni e ree re ka Ohomorihi ọ̀ zụ pe ọza ka ịrẹyị dị ọ yị su.


Ọ kà ẹ̀ yị daka na dọ apẹrẹ ẹẹva ẹnẹnị, dị ẹ̀ yị sị ụtọ pè Imosiisi nị, dị ọ̀ ká enyi hụụnị okuha Ịnayịrị, dị ọ̀ và a hi ini eteesu. Ọ kà enyi ọnị ọ ká hụụnị Ịnayịrị avọọ vaa vara a tụ́ ini eteesu.


Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.


Ẹyị ana a raà hụ ịsa hụụnị eyi anị, yee re igirima Ananyị yị. I mee re e, dị aa vara yị ka yee véné e hu avọọ nị. Ananyị yị ana vị ụhwẹ Ohomorihi aa mẹ̀ ụkọrọ ọnọọ nị.


Maa jẹ agụvị awụ nịnị ka mẹ yị yà ịzọọ, agụvị dị ụ wa zụ sị ayị tụra mị nịnị. Ama vẹ ye ne tù ọọ nịnị!”


Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.


Ộ kà yị wa ka, ẹnịnị ẹ yị zẹẹ ka ẹnị ẹ saasa ịrẹyị anị, dị ẹ yị sị ụbanyị yi ọnị nị. Ọ kà ọnị vee chì hi wa. Ọnị vaa vara ize ẹnịnị ozirenu. Ọ kà ọnị ộ hyakụ raà vara a ozirenu agụvị ka ẹnịnị ẹ sị ịrẹyị anị tụ́ aruvore.


Ịjị Anisirẹrị maanị re ụkata ọbanyị ẹnị Ẹnẹyịmavara si tụ́ ẹhẹ dị o si pè Anijipiti vụ ịrẹvụ ẹnịnị ê hí angwa anị. Dị ẹ sị ayị tụra a ọnịrị Imosiisi ana vị ozi ahụ anị nị.


Dị ọnẹẹ ọnọọ kà a yi Erija dị ọ ka, “Booro aanị ẹmị va yẹ ka ọza Ohomorihi ụ vị nị. Ma rẹ sị yẹ ka ịrẹyị Ẹnẹyịmavara ụ waa kà ịzẹyịza nị.”


Eyinẹhẹ anị, dị Ijeesu ka ọnị aa nọ Igariri nị. Ô re ọza ịnya aanị ana aā hị́ Ihwiripi. Dị Ijeesu kà a yọ ka, “Waa dụ mị ịrẹma!”


Ịhyẹgwẹta anị, â nyị ịzị a yà aa nyị ọnẹẹ Íkana ịnị ẹtẹ Igariri. Ọnyị Ijeesu yà ịzọọ


Agụvị avọọ dị ọ hụrẹ Ijudiya dị aa nọ Igariri nị.


Ọnọọ ọ vị apọtẹrẹwa ọhụva oni Ijeesu mẹ, ọ mẹ̀ hụrẹ Ijudiya va ngụ Igariri nị.


Ama aza ọrụrụ-ọrụrụ ịnị ọkọnị aza ẹnẹẹ ệ sị ayị tụra a, dị ẹ ka, “Áá nyị Ikirisiti ana kụkụ vaa vẹ, ana ahịka ọ kụkụ vaa mẹ̀ ụkọrọ apọtẹrẹwa ene huna ana ọza ọnọnị aa mẹ aanị?”


Dị Anihwarisi ẹnyị ka, “Ọza ana vavọọ mẹ, ọ yị vị ọza Ohomorihi, agụvị ka o yi sị eyi pe ẹkụhị ụhwọtụ.” Dị aza ẹnyị ẹnịnị rẹ ka, “Wéé ro ka ọza ana vị ọnịvị ộ vavọọ zụ mẹ̀ ụkọrọ apọtẹrẹwa nịnị?” Ẹnịnị ẹ kụ́ gà hi.


Dị aza ọrụrụ-ọrụrụ rẹ ká a nọ ịzọọ nị. Dị ẹ ka, “Ịjọọnụ ọ yị mẹ̀ ụkọrọ apọtẹrẹwa, ama avaba ịrẹyị ọnị ọnọrụ ọnọnị kà vị ịzẹyịza.”


Dị ohirẹsụ ẹbanyị irehi Ohomorihi ọnịrị Anihwarisi nịnị kụ́ gụ, dị ẹ ka, “Sị a vọrọ ka ya mẹ? Ọnọrụ ọnọnị aa mẹ̀ ụkọrọ apọtẹrẹwa ọrụrụ-ọrụrụ aanị nị.


Agụvị avọọ, dị aza ẹnẹẹ ẹnị rẹ vẹ va gẹrị Ijeesu nị, agụvị ka ệ wụ́ ka Ijeesu ộ mẹ̀ ụkọrọ apọtẹrẹwa ọnọnị.


Ada amị ọnị ụvọta ô sì ịrẹyị awụ nịnị, agụvị ka wê sì ịrẹyị amị nịnị, dị ụ rẹ dọ wụ́ nịnị ka ịdị Ohomorihi mị hụrẹ vẹ nị.


Ya sị yẹ booro aanị ka wâ yẹ avaba ịsa, ẹ yị kụkụ nyị ka ọza ọ̀ọ họ̀ wụ use ịrẹyị. Ọsọnị ộ mẹ̀ ka ya dọ wụ́ ka ịdị Ohomorihi ụ hụrẹ vẹ nị.”


Swiv nou:

Piblisite


Piblisite