Ịjọọnụ 19:6 - IWE ỌNỊNỊ

⁶ Ịjị ohirẹsụ ẹbanyị irehi Ohomorihi ọnịrị iporisi irehi Ohomorihi ree, dị ẹ ka, “Kanyị ọọ za apavahị! Kanyị ọọ za apavahị!” Dị Ipayireti ka, “Ẹwụ nịnị ụvọta ọ̀ sị ọọ, dụ wa na kanyị ọọ za apavahị nịnị, agụvị ka ẹ yị nị ịvị ene emi re ịnị ụvọ anị.”

Ịjọọnụ 19:6 Referans Kwoze

Ịjọọnụ 18:31

Dị Ipayireti ka, “Sị ọọ nịnị, dị ụ wa mẹ̀ ọkarẹyị yọ nịnị anka ọda awụ nịnị!” Dị Aniju nịnị ka, “Yẹ yị nyị ọda ọyịmẹ̀ ọkarẹyị isu yị ọza ọnyọọnyị.”

Ịjọọnụ 19:4

Di Ipayireti rẹ jịnẹ ne tù aza ẹnẹẹ nị. Dị ọ kà a yị wa ka, “Re, maa sị ọọ jịnẹẹ vee tù wu nịnị, dị ụ wa yẹ nịnị ka me yi re ịvị ịnị ụvọ anị.”

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Odeyi 2:23

Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.

Ịjọọnụ 19:15

Di e nowu zẹtẹ, dị ẹ ka, “Sị ọọ hụrẹ oze! Sị ọọ hụrẹ oze! Na kanyị ọọ za apavahị!” Dị Ipayireti họ̀ wa ka, “Ma kanyị ohinọyị awụ nịnị za apavahịị?” Di ohirẹsụ ẹbanyị irehi Ohomorihi tụ́ ohi, dị ẹ ka, “Yẹ yị nyị ohinọyị ọsa, ẹ̀ yị vị ohinọyị Aniroomi.”

Iruuku 23:4

Dị Ipayireti kà a yị ohirẹsụ ẹbanyị irehi Ohomorihi ọnịrị aza ana vọ ka, “Me yi re ịsa odivi ọnị ọnọrụ ọnọnị mẹ, oo!”

Imatiwu 27:24

Ịjị Ipayireti re ka ẹ yị nyị ịsị ọnị zụ mẹ, ka ịrazị hyakụ aa vaa chị, dị ọ sị enyi, dị ọ sị nyịna ụvọ anị éyi avaba aza nị, dị ọ ka, “Ẹ yị nyị ụvọ amị rị tụ́ ịnị iswọọza ẹnẹ ẹ̀ yị nyị ịsị ọ mẹ aanị, oo! Ịrẹyị awụ nịnị ọ vị nị.”

Imatiwu 27:22

Dị Ipayireti họ̀ wa ka, “U mè sì ka ma mẹ Ijeesu ana aā hị́ Ikirisiti?” Dị avaba ẹnịnị ka, “Kanyị ọọ zị apavahị!”

Imatiwu 26:58

Ipita ộ saasa Ijeesu ẹ́nẹẹnẹ huuu na ngụ ohweje irehi ohirẹsụ ọbanyị irehi Ohomorihi, dị ọ na yaayịtẹ pe ozi ahụ nịnị ka oni ò re avaba ịsị ẹ vaa mẹ nị.

Ịjọọnụ 18:3

Dị Ijudasi na kụ́ isoja nịnị ọnịrị ẹnyị ini iporisi irehi Ohomorihi vẹ nị. Ohirẹsụ ẹbanyị irehi Ohomorihi ọnịrị Anihwarisi nịnị ẹ tụ́ ẹnẹẹ vẹ nị. Dị ẹ kụ́ ozotupa ọnịrị ẹnya ịrẹkụ, dị ẹ nọ ịzọọ nị.

Ịjọọnụ 18:38

Dị Ipayireti ka, “Sị ẹ vị ịzẹyịza kẹ?” Ịjị ọ vavọọ sị kà, dị ọ rẹ varẹma ne tù Aniju nịnị, dị ọ ka, “Ẹ yị nyị ịvị oni mi re ka ộ rị nịnị, oo!