Ịjọọnụ 19:40 - IWE ỌNỊNỊ

⁴⁰ Dị ẹ sị oku Ijeesu, dị ẹ sị ịta ọvwọọvụ, dị ẹ sị eturare ọnọọ tụ́ ọọ, di e si chire e ikuma nị. Avọọ Ániju nịnị memeē ne oku nị.

Ịjọọnụ 19:40 Referans Kwoze

Ịjọọnụ 11:44

Dị ọza ọnọọ ene vịdị wusu jịnẹ vẹ, a mẹ̀ yị sị ịta sụ́ ọ ahụ ọnịrị ụvọ nị. Eyi anị vị ana a rẹ sị ịta para. Dị Ijeesu ka, “Ngwa a nịnị, dị ọ̀ọ na!”

Odeyi 5:6

Dị ozwọọmụha ẹnyị kwẹẹtẹ, di e chire e ikuma, dị ẹ sị ọ jịnẹ tụ́ ẹhẹ, di e ne ne e nị.

Iruuku 24:12

Ama dị Ipita kwẹẹtẹ, di o zwe echi nọ ịnị ụsị ọnọọ nị. Di o nyima, di o re ịta ọvụ ene e vịdị si chire oku Ijeesu ikuma kẹnẹ nị. O si hí Ipita irenu, dị ọ varẹma aa na, di ee roo ịnị ayị anị ka sẹ mẹ kẹ.

Imatiwu 26:12

Ộ va sị eturare sisi mi ẹngụ tịtẹ, di è ve ne mi.

Oyinyima 50:2

Di ọ ka ezi ahụ anị ana vi idokita ẹ sị ahọ̀nọ sisi ada anị ẹngụ agụvị asị ọ vụ̀ nị. Ịzẹyịza di idokita ẹnẹẹ vavọọ mẹ oku Isirẹrị nị.

2 Ịtọpa 16:14

Di e ne e ịnị ụsị ịrẹta ọnị ọ chi yị ẹngụ anị ịnị ẹkụra Idevidi. Dị ẹ kụ́ eturare ohuru-ohuru sisi ọ ẹngụ zị ọ yị ne anị nị. Dị a ka ịra giri-giri ana sị zị ẹngụ nị.

Ịmaakị 14:8

Ịsị ọ zụ mẹ, ọ mẹ avọọ nị. Ộ va sị eturare sisi mi ẹngụ tịtẹ, di è ve ne mi.

Ịjọọnụ 12:7

Dị Ijeesu ka, “Naavọ hẹẹ nịnị, vị ọ sị eturare ọnọnị tịtẹ ka ọnị ọ̀ sị sisi mi ẹngụ, di ò ve tù ẹkụhị ene ee sii ne mi nị.