Ịjọọnụ 19:34 - IWE ỌNỊNỊ

³⁴ Dị ọnya ini isoja nịnị ẹnẹẹ sị ọha, di o gù ọ chire Ijeesu akaha, dị anya ọnịrị enyi ká va jịnẹ nị.

Ịjọọnụ 19:34 Referans Kwoze

1 Ịjọọnụ 5:6

Ijeesu Ikirisiti ọ vẹ ẹhẹ dị a sị enyi mẹ̀ ọyịhwọzenyi yọ nị, dị o re che anya anị sẹ ẹtẹ nị. Ẹ́ yị vị enyi kẹnẹ ọ sị vẹ, ama enyi beri anya. Ụhwẹ Ọnịnị ọ dọ ivenu tụ́ ọ nị, wáa yẹ ka Ụhwẹ Ọnịnị o mē cheeche.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

1 Ịjọọnụ 5:8

Onivenu ẹyịta ẹnẹẹ ẹ vị Ụhwẹ Ọnịnị ọnịrị enyi beri anya nị. Ẹnị ẹyịta vị ana dọ ivenu ịsa ọnyọọnya.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

1Ipita 3:21

A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị.

Anihiburu 9:22

Anka ọda Imosiisi, ọ sị vọ chee, a hị́ ka avaba ịsa aā sị anyaa vara ọnịnị nị. Ẹ̀ yị vị e che anya sẹ́ ẹtẹ, ọza ọyị zụ nyịna ịvị kwooze.

Anihiburu 9:13

Anya ịdẹ ọnịrị imaaru ọnọrụ beri atịtọ ozi imaaru e vidiī chee sẹ́ ọza ẹnẹ ẹ̀ yị nị ini eyi Ohomorihi, agụvị dị ẹ̀ zụ nị nị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

1 Anịkọrịntị 1:30

Ohomorihi ọ raà sị wụ nịnị ka ẹwụrị Ijeesu Ikirisiti ọ̀ vị ọnya nịnị. Ohomorihi ọ rẹ raà mẹ ka Ikirisiti ọ̀ vị ịrẹyọyẹ ayị. Ikirisiti ọ jị ịhị yị ọ́vịdị Ohomorihi nị, ọ sị yị vara aza ọnịnị Ohomorihi, ọ rẹ sị yị hị́ varẹma hụụnị avaba ịsa edivi.

Imatiwu 27:62

Ini eyinẹhẹ anị, ana vị eyinẹhẹ ẹkụhị enee si tenyi ẹngụ ẹkụhị ụhwọtụ, ohirẹsụ ẹbanyị irehi Ohomorihi ọnịrị Anihwarisi nịnị e ne tù Ipayireti.

Ahẹ Ụgama 51:7

Navọ wa sị avị ana aā hị́ ihisopu dị wa sị nyịna mị dị ma zụ nị̄ hụụnị ebira odivi amị. Mị ka navọ wa nyịna mị dị ma nị nịkị-nịkị hụụnị ebira odivi amị.

Odeyi 22:16

Sị ẹ vẹ dị ụ kụkụ jẹẹ? Kwẹẹtẹ, dị à mẹ̀ ọyịhwọzenyi wụ; hị́ ịrẹha Ananyị yị, dị ọ̀ nyịna ịvị awụ kwooze!’

Ịjọọnụ 19:33

E mè ve tù Ijeesu dị ẹ ve tù ka oni ô wusu da, dị ẹnịnị è yi kuku che e ẹchụkụ ahụ nị.

Ịjọọnụ 20:20

Ịjị ọ vavọọ sị kà, dị ọ sị ụvọ anị ọnịrị akaha anị zụ̀ wa nị. Ịjị ezirẹma nịnị sị Ananyị yị re, dị ẹ kụkụ aa jẹ kẹnẹ nị.