Ịjọọnụ 19:30 - IWE ỌNỊNỊ

³⁰ Dị Ijeesu hú eche ọnọọ, dị ọ ka, “Ma sị mẹ ta.” Dị ọ ká ịrẹsụ hi, dị ọ hụrẹ ụhwẹ anị ụvọ nị.

Ịjọọnụ 19:30 Referans Kwoze

Ịjọọnụ 17:4

Ma raà sị ụbanyị awụ zụ ịnị ẹhẹ, ma raà mẹ̀ ụkọrọ ọnị ụ sị yị mị ta.

Anihwiripi 2:8

dị ọ ra ịnị ẹhẹ anka ọza nị. Ộ kà ẹngụ anị chi, dị ọ hyakụ zẹẹ ka à wụ́ ọnị, dị ahịka vị a hyakụ kanyị ọ za ọchị apavahị nị.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Ịjọọnụ 10:11

“Ẹmị ọnọnị ọ vị ọza anaā tẹsị atẹmẹ ẹtẹẹtẹrẹ nị. Ọza anaā tẹsị atẹmẹ anị ẹtẹẹtẹrẹ vị anaā sịị ụhwẹ anịị tịtẹẹ yị atẹmẹ anị.

Ịdanịyẹrị 9:24

Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.

Iruuku 23:46

Dị Ijeesu nowu tụ́ ẹba, dị ọ ka, “Nda, mâ sị ụhwẹ amị chire wu ụvọ.” Ịjị ọ maanị sị kà, dị ọ hụrẹ ụhwẹ anị ụvọ nị.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Aniroomi 10:4

Ikirisiti ọ kụ́ avaba ịrẹyị ọda Aniju nịnị vẹ ịnị ọzarẹyịrẹsụ nị. Avaba ọza ana àa kụkụ sị ayị tụra Ohomorihi kẹnẹ, dị Ohomorihi kụkụ za wa ịrịka tụ́ ịnị ọnịrẹyịzẹyịza.

Ịjọọnụ 19:28

Ijeesu ộ yẹ ka booro aanị ọnị ọ sị avaba ịsa mẹ ta. Agụvị dị Iwe Ohomorihi ọ̀ zụ sẹ, dị ọ ka enyi aa kụ̀ ọnị nị.

Ịmaakị 15:37

Ijeesu ộ nowu tụ́ ẹba, dị ọ hụrẹ ụhwẹ anị ụvọ nị.

Ịjọọnụ 10:18

Ẹ yị vị ọza aa dọ mị ụhwẹ, ẹmị ụvọta ọ hụrẹ ẹ ụvọ nị. Mâ nyị ụkata ọyịnavọ ụhwẹ amị tịtẹ, ma rẹ nyị ụkata ọyị sị ọọ varẹma. Ọda ana Ada amị mẹ mị ọ vị ọnọọ nị.”

Ịjọọnụ 4:34

Dị Ijeesu va kà a yị wa ka, “Ịsọyịrị amị ọ vị ka ma mẹ̀ ịsa ọnị ọza ana tụ́ mị vẹ ẹhẹ sì, dị ma mẹ̀ ụkọrọ anị ta nị.

Imatiwu 20:28

Agụvị ka ẹmị Ozi ọza onigirima mẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Imatiwu 27:50

Ijeesu o re nowu tụ́ ẹba, dị ọ hụrẹ ụhwẹ anị ụvọ nị.

Ayịsaya 53:12

Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”

Ahẹ Ụgama 22:15

Ọrọkọ amị ộ ta wara dị ịrarẹ amị sị vaka mị irenu nị. Ohomorihi, ụ mẹ̀ hụrẹ mị ụvọ, ọ sị vọ chee dị wa sị mị wụ.

Anihiburu 9:22

Anka ọda Imosiisi, ọ sị vọ chee, a hị́ ka avaba ịsa aā sị anyaa vara ọnịnị nị. Ẹ̀ yị vị e che anya sẹ́ ẹtẹ, ọza ọyị zụ nyịna ịvị kwooze.

Aniroomi 3:25

Ohomorihi ọ́ọ sị ọọ zụ̀ gedebee ka ọnị óo si sí ụta ịvị aza ana â sị ayị tụra anya oni o che sẹ́ ẹtẹ. Ohomorihi ọ́ọ vavọọ mẹ, agụvị dị ọ̀ zụ sị ịzẹyịza anị zụ̀ aza. Ịyẹẹyẹ vị oni Ohomorihi nyị isuuru, dị ọ sị eyi jịnẹ ịvị ana aza aa mẹ.

Imatiwu 3:15

Dị Ijeesu tụ́ ohi, dị ọ́ kà a yọ ka, “Naavọ wa vavọọ mẹ ẹ! Yàa vavọọ mẹ, ịsa ọnị Ohomorihi si ka ya mẹ̀, ị yaa mẹ avọọ nị”. Ịjọnọọ dị Ịjọọnụ zẹẹ yọ nị.

1 Anịkọrịntị 5:7

Sị ịvị ọnọọ hụụnị akakana awụ nịnị, agụvị ka ọ va sị gara hi ẹtẹ, anka òwù mẹ̀ẹ̄ sị ịsaa wù avọọ! Re ka wáa nị nịnị ẹtẹẹtẹrẹ, agụvị ka Ijeesu Ikirisiti ọ sị wụ nịnị mẹ aza ana nị! Ộ vavọọ mẹẹ, ọ mẹ̀ sị ẹngụ anị mẹ ịsọvọọ yị anka atẹmẹ ana a sịị̄ mẹ̀ ịsọvọ ịnị ụmẹ Eche Ọyịparahu avọọ.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Iruuku 22:37

Dị ma kà a wụ nịnị ka â nyị ka ịrẹyị ọnọnị ana a vịdị chẹrẹ tịtẹ aanị, ọ̀ sẹ ị́rẹsụ amị. Ịrẹyị ọnọọ ka: “Â za a ịrịka beri aza ana jịnẹ ọda. Avaba ịsa ẹnẹnị e si nyima aa sẹ ị́rẹsụ amị.”