Ịjọọnụ 19:18 - IWE ỌNỊNỊ

¹⁸ Dị a kanyị Ijeesu za apavahị tụ́ ịzọọ nị. Dị a rẹ kanyị aza ẹnị ẹẹva za apavahị tụ́ eyi ẹnyị eyi ọsa, di Ijeesu ọnị yà ịnị akakana ẹnịnị nị.

Ịjọọnụ 19:18 Referans Kwoze

Ayịsaya 53:12

Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”

Anigaratiya 3:13

Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.”

Ịjọọnụ 18:32

Avaba ẹsẹnị ệ mẹ, agụvị ịrẹyị oni Ijeesu vịdị kà, ọ̀ zụ sẹ, ọ màa kà a ẹngụ isu oni o vee sú.

Imatiwu 27:44

Dị oyi nịnị ana a rẹ kanyị za apavahị ẹnị rẹ vavọọ aa kụ̀ ọọ ụhụ nị.

Ahẹ Ụgama 22:16

Aza edivi ana ahịka vị ẹ sị mẹẹ anka irezi avọọ vị ana gụ kara mị Ẹnịnị aa na ụvọ amị ọnịrị ahụ amị anka idu mẹ̀ẹ na uyee rị avọọ.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Ịjọọnụ 19:32

Dị isoja nịnị vẹ, di e che ẹchụkụ ahụ ọnịpaapa ọnịrị ọza ẹnẹsa ana a kanyị ẹnịrị Ijeesu za apavahị nị.

Odeyi 2:23

Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.