Ịjọọnụ 19:17 - IWE ỌNỊNỊ

¹⁷ Dị Ijeesu jịnẹ tụ́ ẹhẹ, dị ọ za apavahị anị, dị ọ sị ọ aa nọ aha ọnya aanị ana aā hị́ “Aha akokoro ịrẹsụ” ọnị Anihiburu anaā hị́ ịzọọ “Ịgọrịgọt”.

Ịjọọnụ 19:17 Referans Kwoze

Iruuku 23:33

E mè tù ịzị aā hị́ aha akokoro ịrẹsụ, dị ẹ kanyị ọọ za apavahị ịzọọ nị. Dị ẹ rẹ kanyị oyi ẹnẹẹ za apavahị tụ́ ịzọọ nị; ọnyara yà eyi ụvọrị anị, dị ọsa yà eyi ụvọha anị nị.

Iruuku 14:27

Ọza ẹnẹ ẹ̀ yị rẹ za apavahị anị dị ọ̀ọ dụ mịị zị, ọ yị zụ vị ozirẹma amị.

Iruuku 23:26

Ẹ mẹ̀ sị Ijeesu aa na, ê re ọza ịnya aanị ana hụrẹ aarẹ aa vẹ. Aā hị́ ọọ Ịsayịmọnị Anisayireni. Dị ẹ sị ụkata za a, ka ọ̀ va za apavahị Ijeesu, dị ọ̀ọ dụ ọọ na nị.

Odeyi 7:58

dị ẹ sị ọọ nọ ịrẹma ẹkụra, dị ẹyaa kụ̀ ọọ ịrẹta nị. Di onivenu nịnị kụ́ ịta ẹnịnị yị ozwọọmụha ọnya aanị ana aā hị́ Ịsọọrụ ka ò sị eyi pe e nị.

Ịmaakị 15:32

Ikirisiti ana vị Ohinọyị Anisirẹrị nịnị ò chí hụrẹ ịrẹsụ apavahị vẹ booro aanị, di yee re e, dị yaa dọ ọ wụ́!” Dị ẹnị ana a rẹ kanyị za apavahị, ẹnị raa mẹ̀ ẹ isiya nị.

Iruuku 23:38

Dị ẹ chẹrẹ ịrẹyị ọnọnị tụ́ akẹbẹẹba nị ka, “Ohinọyị Aniju nịnị yị”.

Iruuku 9:23

Dị Ijeesu kà a yị avaba ẹnịnị ka, “Àa nyị ọza ana ka ọnị aa dụ mị ịrẹma, â nyị ka ò hí ayị ẹngụ anị, dị ọ̀ sị apavahị anị, dị ọ̀ sịị dụ mị ịrẹma eyinị-eyinị.

Ịmaakị 15:26

Ệ chẹrẹ ịsa ẹnẹ ẹ ka ộ mẹ̀ tụ́ ịrẹsụ apavahị ka, “Ohinọyị Aniju nịnị.”

Ịmaakị 10:21

Ijeesu ô re ọnọrụ ọnọọ pooro, ô sì ịrẹyị anị, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi, dị ụ wa vẹ, dị ụ wa vaa dụ mịị zịịzị!”

Ịmaakị 8:34

Dị Ijeesu hị́ ọkọnị aza ọnịrị ezirẹma anị, dị ọ kà a yị wa ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Imatiwu 27:37

Ệ chẹrẹ ịrẹka ẹnẹẹ kụ́ za a tụ́ ịrẹsụ apavahị ka, “Ijeesu Ohinọyị Aniju nịnị yị.”

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Imatiwu 10:38

Ọza ẹnẹ ẹ̀ yị sị apavahị anị dị ọ̀ sịị dụ mị ịrẹma, ọ yị hụ ọ vị áamị.

1 Ohinọyị 21:13

Di aza kẹnẹ-kẹnẹ ẹyịva ẹnẹẹ vẹ, dị ẹ va yaayịtẹ pè Ịnabọtị nị. Dị ẹ yà eyi aza ana gụ, di e yee cheeche kú Ịnabọtị ka ộ kụ̀ Ohomorihi ọnịrị ohinọyị ụhụ nị. Di a sị Ịnabọtị jịnẹ hụụnị ẹkụra, di e ne e ịrẹta, di o sú nị.

Ireevi 24:14

Ọ̀ sị ọza ana kụ ọnị ụhụ aanị tụ ẹhẹ hụrị udi ẹnịnị. Avaba aza ana wụ ka ộ kụ ọnị ụhụ ẹ̀ sị ụvọ tụra a ịrẹsụ dị ẹ̀ dọ ivenu ka ộ rị ịvị. Ẹ̀ẹ vavọọ raa dọ ivenu, dị avaba anẹkụra ẹ̀ sị ịrẹta-ịrẹta wụ̀ ọ.

Oyinyima 22:6

Dị Abụrahamị kụ́ ọkụ ana aa sị naa rị ịsa ịsọvọ ọnọọ ịra dị ọ sị tụra Ayiziiki ozi anị nị. Dị ọnị sị ịra ọnịrị ụhwọ nị, di ẹnị ẹyịva aa na nị.

Ịjọọnụ 5:2

 nyị adagu ọnya aanị, ana gụrị Oze Atẹmẹ Íjerusarẹmị. Aā hị́ adagu ọnọọ Ịbẹtịsata ịnị ẹkụra Anihiburu nịnị. Ajẹngụ ẹẹhị e hi ịzọọ nị.

Ịjọọnụ 19:13

Ịjị Ipayireti vavọọ wụ́ ịrẹyị ọnọọ, dị ọ sị Ijeesu jịnẹ vẹ nị. Dị ọ va yaayịtẹ aha ọkarẹyị anị nị. Aā hị́ ịzọọ “Oze ịrẹta”, ama Igabata Ániheberuū hị́ ọọ nị.