Ịjọọnụ 19:13 - IWE ỌNỊNỊ

¹³ Ịjị Ipayireti vavọọ wụ́ ịrẹyị ọnọọ, dị ọ sị Ijeesu jịnẹ vẹ nị. Dị ọ va yaayịtẹ aha ọkarẹyị anị nị. Aā hị́ ịzọọ “Oze ịrẹta”, ama Igabata Ániheberuū hị́ ọọ nị.

Ịjọọnụ 19:13 Referans Kwoze

Imatiwu 27:19

Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Odeyi 4:19

Dị Ipita ọnịrị Ịjọọnụ tụ́ ohi dị ẹ ka, “Ẹwụ nịnị ọ̀ kà a dị a re, ọ́ọ́ vọrọ ini eyi Ohomorihi ka ya wụ́ ịrẹyị awụ nịnị huna ịrẹyị Ohomorihi?

Ịjọọnụ 19:8

Ịjị Ipayireti vavọọ wụ́ ịrẹyị ọnọọ, angwa o re hí ọọ hu avọọ.

Iruuku 12:5

Maa kà a wụ nịnị ọza ana a vọrọ ka wee hí angwa anị nịnị: Wee hí angwa Ohomorihi, ana ahịka ọ̀ọ sị ọza wụ̀, dị ọ rẹ nyị ụkata ọyị sị ọọ ne ngụ ẹkụra. Mị ka wee hí angwa anị nịnị!

Emọsị 4:7

Ọnị ọ̀ rẹ za orihi jẹẹ ka asị ọ zụ ọ̀ọ mẹ sị vị ụhwẹ ẹẹta dị ịsa ịnị aarẹ ọ mẹ nị. Ọnị ọ zụ orihi aha ẹngụ dị ọ yị tu aha ọsa. Dị ọnị zụ orihi hì ịnị aarẹ ẹ̀nyị, dị ọnị ẹ yị zụ orihi ịnị aarẹ aha ọsa;

Ayịsaya 57:11

Ẹnẹyịmavara kà, “Ẹnẹ vị ori ẹnẹnị enee chire wu angwa, ana mẹ ka wee cheechee yị mị, di u ree hi ayị amị saka-saka. Agụvị ka me yi tụ́ ohi hụrẹ ịhị ọnọọ, ọ́ọ́ mẹ ka à sị ụ sị ụbanyị yị mị nị?

Ịrẹyị Ọzwọzịsa 5:8

Asị o hi wu eyi wee re ka aa mẹ ẹvaya yị onosiye nịnị ịnị ẹkụra, dị ọza ẹ yị zẹẹ ka à mẹ ịzẹyịza ọnịrị ịsa ana vọrọ hi wa nị. Yẹ ka ọnụkọrọ ịjọva ọzọza vị ana nyị ọga ana sị eyi pe e. Avọọ a mẹ rẹ nyị ọga ene huna ẹnị ẹyịva ana sị eyi pe wa nị.

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.

Ịjọọnụ 5:2

 nyị adagu ọnya aanị, ana gụrị Oze Atẹmẹ Íjerusarẹmị. Aā hị́ adagu ọnọọ Ịbẹtịsata ịnị ẹkụra Anihiburu nịnị. Ajẹngụ ẹẹhị e hi ịzọọ nị.

Ijeremaya 38:19

Dị ohinọyị tụ́ ohi ka, angwa anẹkụra ẹnịnị ene zwe na vaka Anibabironi nịnị ee hí ọnị, agụvị ka á zụ hụrẹ ọnị ụvọ yị wa, dị ẹẹ sị ụya rị ọnị.

Ịjọọnụ 19:17

Dị Ijeesu jịnẹ tụ́ ẹhẹ, dị ọ za apavahị anị, dị ọ sị ọ aa nọ aha ọnya aanị ana aā hị́ “Aha akokoro ịrẹsụ” ọnị Anihiburu anaā hị́ ịzọọ “Ịgọrịgọt”.

Ịjọọnụ 19:20

Aniju ọrụrụ-ọrụrụ ệ kà ịsa ọnọọ ọnị ọ vavọọ chẹrẹ, agụvị ka ịzị a kanyị Ijeesu za apavahị tụ́, ộ gụrị ẹkụra ẹtẹẹtẹrẹ. Â sị ẹkụra Ihiburu chẹrẹ ẹ, dị a rẹ sị ẹkụra Iratini beri Igiriki vavọọ chẹrẹ ẹ nị.