Ịjọọnụ 19:11 - IWE ỌNỊNỊ

¹¹ Dị Ijeesu ka, “Wẹ yị yaanị nyị ụkata ọyịmẹ̀ mị ịsọnyị-ịsọnyị, ẹ̀ yị vị oni Ohomorihi sị ụkata ọnọọ yị wụ. Ọza ana sị mị chire wu ụvọ, ịvị anị banyị hu nị.”

Ịjọọnụ 19:11 Referans Kwoze

Aniroomi 13:1

Ọzọza ọ̀ ká ịrẹsụ hi yị aza ana aa mẹ ịjọva, agụvị ka Ohomorihi ọ sị wa tụ́ ịzọọ nị. Avaba aza ana sị ụvọ za ọda booro aanị, Ohomorihi ọ sị ọda ọnọọ yị wa nị.

Ịjọọnụ 3:27

Dị Ịjọọnụ tụ́ wa ohi, dị ọ ka, “Ẹ yị nyị ịsị ọza nyẹngụ nyị, ẹ̀ yị vị Ohomorihi ọ̀ọ sị yọ.

Odeyi 2:23

Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.

Ịdanịyẹrị 4:17

Anggẹẹrị nịnị ene tenyi ẹngụ dị ẹ sị eyi pe ẹtẹ ẹtẹẹtẹrẹ aanị, ẹ kà ịrẹyị ẹnẹnị nị. Agụvị avọọ avaba aza ẹ̀ yẹ́ ka Ohomorihi ene hu kere-kere ọ nyị ụkata tụ ịrẹsụ ịjọva avaba anẹhẹ nị. Ọza ene èe ze e eyi kẹnẹ ọ nyẹngụ sị yị nị, ọ̀ọ daka vị ọza ana hịmị hu kere-kere.

Odeyi 3:13

Ohomorihi Abụrahamị ọnịrị Ayiziiki ne beri Ijekọvụ, Ohomorihi ohiku ayị nịnị ọ maanị sị ụbanyị yị ozi anị Ijeesu nị. Wâ sị Ijeesu ọnọọ chire aza ụvọ nịnị; Ipayireti ô sì ka ọnị ọ̀ hụrẹ ẹ ụvọ, ama wê yi nịnị.

Ịjọọnụ 7:30

Ịjọnọọ di eyee sì ka ẹnị ẹ̀ za a nị; ama ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ịdanịyẹrị 4:25

Ọ kà, a vaa dụ ohinọyị hụụnị ẹkụra dị ọnịrị uye ịnị avị nịnị kụkụ na rá. Ọ́ vaa rị avị anka ụnọ avọ, dị aa sụ̀ ịnị avị ịzị eguhi vee chiree ku ọ pooro dị ọ mẹ ịrayị ịhịmba. Ọ kà ịjị ọnọọ, ọ vaa dọ ka Ohomorihi ọ nyị ọda avaba anẹhẹ nị, ọnịrị ka ọza ene ze e eyi ọ nyẹngụ sị rị ohinọyị nị.

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Ijemiisi 4:17

Agụvị avọọ ọza ana àa yẹ ịsa ana vọrọ dị ẹ̀ yị mẹẹ nị, ịvị ọ vị yọ nị.

Aniroomi 11:36

Ọnị ọ tụ́ avaba ịsa nị. Ọnị ọ za avaba ịsa jẹẹ nị. Ọnị avaba ịsa rẹ yà yị nị. Ohomorihi aza vaa sị ụbanyịị yị pooro zịna-zịna nị. Aamị.

Odeyi 4:28

Ệ gẹ ka ẹnị ẹ̀ mẹ̀ ịsa ẹnẹ ẹwụ vịdị sị ọọ kà ịnị ụkata awụ ọnịrị u mè sì ọ ka ọ vaa mẹ.

Imatiwu 27:2

Ệ sụ́ Ijeesu orupa, dị ẹ và a tụ́ ọvịdị, dị ẹ sị ọọ na yị Ipayireti ana vị ịgọvọnọ ịzọọ nị.

Ahẹ Ụgama 62:11

Ohomorihi ọ sị ọ ka, ma raà wụ́ huna ụpẹ ọnya ka Ohomorihi kẹnẹ ọ nyị ụkata nị.

Ịmaakị 14:44

Ọza ana aa naa sị Ijeesu chire ọnịvị ụvọ, ộ vịdị raà sị apọtẹrẹwa ọnya yị wa, ọ ka, “Ọza ọnị mèe kú irenu, ọnịị yọ nị, za a nịnị, dị ụ wa sị ọọ wa na nịnị! Dị ụ sị eyi pe e nịnị!”

Ịdanịyẹrị 5:21

Ọ kà â dụ ọ hụụnị ẹkụra, dị ọ kụkụ aa mẹ̀ ebira uye ịnị avị nị. Ọnịrị ịkẹrịkẹtẹ ene hi ịnị avị ẹ vana rá dị aa rị avị anka ụnọ avọọ nị. Ịnị avị ọ vanaa sụ̀ dị eguhi ee chiree kụ ọ nị, ẹ yị hyakụ re aha tẹ̀. Avọọ ọ mẹ yà pooro ne tu ịjị ọ sị dọ ka Ohomorihi ọ nyị ịjọva avaba ẹhẹ nị, ọnịrị ka ọza enee ze e eyi ọ sịị̄ rị ohinọyị nị.

Ịdanịyẹrị 4:32

Ọ kà, a vaa dụ ọ hụụnị ẹkụra dị ọnịrị uye ịnị avị nịnị kụkụ na rá. Ọ vaa rị avị anka ụnọ avọọ mẹ ịrayị ịhịmba. Ịjị ọnọọ ọ vaa yẹ́ ka Ohomorihi ene hu kere-kere ọ nyị ọda avaba anẹhẹ nị ọnịrị ka ọza enee ze e eyi ọ́ nyẹngụ sị rị ohinọyị nị.

Ịjọọnụ 18:3

Dị Ijudasi na kụ́ isoja nịnị ọnịrị ẹnyị ini iporisi irehi Ohomorihi vẹ nị. Ohirẹsụ ẹbanyị irehi Ohomorihi ọnịrị Anihwarisi nịnị ẹ tụ́ ẹnẹẹ vẹ nị. Dị ẹ kụ́ ozotupa ọnịrị ẹnya ịrẹkụ, dị ẹ nọ ịzọọ nị.

Ịjọọnụ 9:41

Dị Ijeesu tụ́ wa ohi, dị ọ ka, “Wàa yaanị vị ogweyi nịnị, wẹ yị yaanị rị ịvị nịnị; ama ụ ka wee re ẹtẹ nịnị, agụvị avọọ ịvị awụ nịnị yị yà wụ nịnị ịrẹsụ.”

Iruuku 22:53

Ẹ́mị rị ẹwụ nịnị mẹ̀ẹ̄ yà ini irehi Ohomorihi eyinị-eyinị, wẹ yị sị ụvọ kanyị mị nịnị. Ama ụmẹ awụ nịnị ọnịrị ụmẹ ụkata ịrahụ o si tù.”

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Arụwẹ 3:37

Ẹnẹ nyẹngụ ka ịrẹyị dị ọ sị gẹ ẹ̀ẹ yị vị Ananyị yị sị ụvọ tụ ọ?

Imatiwu 26:65

Dị ohirẹsụ ọbanyị irehi Ohomorihi ọnọọ kụ́ ayị, dị ọ za awuru anị, dị ọ nàa chaara nị. Dị ọ ka, “Ho! Ọ sị Ohomorihi kụ̀ ụhụ! Si i kuku ee sì onivenu aa mẹ? Waa wụ́, ọ màa kụ̀ Ohomorihi ụhụ nịnị

Ahẹ Ụgama 39:9

Mee kú irenu, mẹ yị vaa kà ịrẹyị ọnyọọnyị agụvị ka mâ yẹ ka ẹwaa sị ụya ọnọnịị rị mị nị.

1 Ịtọpa 29:11

Wáa banyị, dị ụ nyị ụkata nị. Wáa nyị ụbanyị, wée zoza, dị ụ vị ohinọyị nị. Ẹwa nyị avaba ịsa ene hi ẹbẹẹba ọnịrị ẹhẹ nị. Ẹwa vị ohinọyị ene hu anaa mẹ ohinọyị tụra avaba anẹhẹ ịrẹsụ nị.

Ịjọọnụ 18:13

Dị ẹ vịdị sị ọọ nọ ịdị Ihanasi nị. Ihanasi ọnọọ vị ọyẹ Ikayahwasi ana vị ohirẹsụ ọbanyị irehi Ohomorihi ịnị ịrayị ọnọọ.

Ịjọọnụ 19:10

Dị Ipayireti va kà a yọ ka, “We yi tụ́ mi ohi ịrẹyịị? Wáá yẹ ka mâ nyị ọda ọyịhụrẹ wụ ụvọ, dị mị rẹ nyị ọda ọyịkanyị wụ za apavahị nị?”