Ịjọọnụ 18:4 - IWE ỌNỊNỊ

⁴ Ijeesu ọnị ộ vịdị sị yẹ tịtẹ avaba ịsa ene vee tù ọọ. Di o tere pe wa nị, dị ọ họ̀ wa ka, “Eni u wee sì nịnị?”

Ịjọọnụ 18:4 Referans Kwoze

Ịjọọnụ 13:1

Ọ sị vọ ka ụhwọọ aa rị Eche Ọyịparahu nị. Ijeesu ộ yẹ ka ụmẹ o si tù ọnị ọnị aa sịị hụụnị ẹhẹ, dị ọnị ọ̀ nọ ịdị Ada anị. Oō sì ịrẹyị aza anị ene hi ịnị ẹhẹ. Booro aanị, o si tù ka ọ̀ sị zụ̀ wa ịzị o sì ịrẹyị ẹnịnị na za.

Ịjọọnụ 18:7

Dị Ijeesu rẹ họ̀ wa ka, “Eni u wee sì nịnị?” Dị ẹ rẹ ka Ijeesu Anịnazarẹtị yọ nị.

Odeyi 2:28

Ọ raà sị oze zụ̀ mị ka maa yàra obooro. Ayị amị re vee hine ẹtẹẹtẹrẹ, agụvị ka mâ yàra beri ọọ.”

Ahẹ Ụgama 27:3

Òo zee e eyi ịrẹkụ ò jesi kara mị me yi vee hí angwa Mị ka aa daka kụ́ ịrẹkụ ve tù mị ayị amị o yi vee zizi.

Ịjọọnụ 19:28

Ijeesu ộ yẹ ka booro aanị ọnị ọ sị avaba ịsa mẹ ta. Agụvị dị Iwe Ohomorihi ọ̀ zụ sẹ, dị ọ ka enyi aa kụ̀ ọnị nị.

Ịjọọnụ 13:11

Ijeesu ộ vavọọ kà, agụvị ka ọ sị yẹ ọza ana vaa sị ọnịị chire ọnịvị anị ụvọ. Agụvị avọọ, ọ kà a ka: Ẹ yị vị avaba ẹnịnị ẹ nị nị.

Ịjọọnụ 6:64

Ama â nyị aza ẹnyị awụ nịnị, ẹnẹ ẹ̀ yị dọ wụ́.” Ijeesu ộ vịdị sị yẹ hụrẹ ụmọrụmọ aza ẹnẹ ẹ̀ yị dọ ọnị wụ́ ọnịrị ọza ana vaa sị ọnịị chire ọnịvị anị ụvọ.

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Imatiwu 26:31

Ịjọnọọ Ijeesu ộ kà a yị wa ka, “Avaba awụ nịnị vee zwee hụrẹ mị ẹngụ ịrahụ ọnị, agụvị ka Iwe Ohomorihi ộ kà a ka: ‘Mi vee tụ́ Oseratẹmẹ, dị atẹmẹ nịnị gara hi.’

Imatiwu 26:21

Ẹ màa rị ịsa, dị Ijeesu ka, “Ịzẹyịza m maa kà a wụ nịnị nị, ọza ịnyara ịnị awụ nịnị vaa sị mịị chire ọnịvị amị ụvọ.”

Imatiwu 26:2

“Wâ yẹ nịnị ka uhurenyi aa rị Eche ọyịparahu nị. A vaa sị ẹmị Ozi ọza onigirimaa chire ọnịvị amị ụvọ, dị ẹ kanyị mị za ọchị apavahị.”

Imatiwu 16:21

Hụrẹ ụmẹ ọnọọ, dị Ijeesu aa kà a yị ezirẹma anị ka â nyị ka ọnị ọ̀ nọ Ijerusarẹmị, dị azọkụ nịnị beri ohirẹsụ ẹbanyị irehi Ohomorihi ọnịrị ọzwọzọda nịnị ẹ̀ sị ụya rị ọnị ẹtẹẹtẹrẹ, dị ẹ̀ wụ ọnị, ịhyẹgwẹta anị, dị Ohomorihi ọ̀ rẹ ha ọnị hụụnị isu.

Ụhịrẹyị 28:1

Ọza ọhịmị ọọ̄ mẹ̀ ụha za gigiri nị, ama ayị ọnịzẹyịza vị ana vị́ anka ẹzụ avọọ.

Ahẹ Ụgama 3:6

Òo zee e eyi otomiroku aza ẹ̀ kwẹẹtẹ tù mi, eyi ụvọnị-ụvọnị angwa ọ yị hyakụ maanị ee hi mị.

Inehemaya 6:11

Dị mị tụ ọ ohi ka sị ẹ vẹ dị ẹngụ ẹmị ọnọnị ee zwe na tẹ̀? Óó ro ka mị maa na tẹ̀ ịnị irehi Ohomorihi agụvị ụhwẹ amị? Mẹ yị nọ!

1 Ohinọyị 18:10

Mâ sị Ẹnẹyịmavara Ohomorihi awụ hị́ eku ịnị ịrẹyị ọnị maa vaa kà aanị. Ẹ yị nyị ẹkụra ọnịrị ịnị ẹtẹ ohinọyị ọnị ọga amị, ọ̀ yị tụ́ ka è ne sì wụ. Ẹ̀ẹ ka ẹnị e yi re wụ, dị ọ ka ẹ̀ hị́ eku ka ịzẹyịza ẹnị ẹ yi re wụ.

1Ipita 4:1

Wáa yẹ nịnị ka Ikirisiti ọnị nyẹmba ọ́ọ rị ụya ịnị ọchẹngụ anị. Agụvị avọọ ẹwụ nịnị ò re tenyi ẹngụ, dị ụ wa vavọọ nyị ariro nịnị! Ọza ana àa vavọọ rị ụya, ọ sị hụụnị ịvị ọyịmẹ̀.

Ịjọọnụ 18:5

Dị ẹnịnị tụ́ ọọ ohi ka Ijeesu Anịnazarẹtị yọ nị. Dị Ijeesu ka, “Ẹmị ọnọọ yọ!” Ijudasi ana aa sị ọọ chire ọnịvị anị ụvọ aanị vị ana jẹẹ ịzọọ pe wa.