Ịjọọnụ 18:18 - IWE ỌNỊNỊ

¹⁸ Ahị vị ana aa za ụmẹ ọnọọ. Dị ezi ahụ nịnị beri iporisi irehi Ohomorihi kà ịra, dị ẹ jẹẹ ịzọọ, dị ẹ yaa wà ịra nị. Di Ipita ọnị rẹ ká wa na nị, dị ọ na jẹẹ pe wa, dị aa wà ịra nị.

Ịjọọnụ 18:18 Referans Kwoze

Ịmaakị 14:54

Ipita ộ saasa Ijeesu ẹ́nẹẹnẹ huuu na ngụ ini ohweje irehi ohirẹsụ ọbanyị irehi Ohomorihi. Dị ọnịrị ezi ahụ nịnị yà ịzọọ, dị aa wà ịra nị.

Ịjọọnụ 18:25

Ịsayịmọnị Ipita va na yị jẹẹ ịzọọ aa wà ịra. Dị aza ana jẹẹ ịzọọ kà a yọ ka, “Aanịka ẹ yị vị ozirẹma ọnọrụ ọnọnị ẹwụ rẹ vị?” Dị Ipita raa kụ́ nị, dị ọ ka, “Eyiye, mẹ yị vị ozirẹma anị.”

Ịjọọnụ 21:9

Ẹ mẹ̀ yị va sị ngụ ụtọ abobo kẹnẹ, di e re akịna ịra ịzọọ nị. Di e re ivovo ị́rẹsụ ịra ọnọọ, di re Ịbụrẹẹdị ịzọọ nị.

Ịmaakị 14:67

O mè re Ipita ka aa wà ịra, di o jị eyi ngwọ ọ nị, dị ọ ka, “Aa! Ẹwụ vị ana rẹẹ̄ dụ Ijeesu Anịnazarẹtị ọnọọ zị bẹẹ!”

Ụhịrẹyị 13:20

Ọza anaā zị ògù ọyẹrẹyị vị ana yẹ ịrẹyị ama ọza ene e pe ọnụra za ọta vị anaā mẹ ẹngụ anị ịrẹyị.

Ahẹ Ụgama 1:1

Ịrajẹ ọ vị yị ọza ẹnị ẹ̀ yị mā dọ ịrẹyị aza edivi mẹ̀ ụkọrọ. Ẹngụ ọza ọnọọ ẹ̀ yị mā bẹ ụvọ tụ́ ịnị ebira ana aza edivi aa mẹ̀, dị ọ̀ yị mē re pè aza ana aa sị eyii wụ̀ Ohomorihi zị ogu nị.

Oyinyima 49:6

Mẹ yị vaa bẹ tụ́ ini eyọgẹ awụ nịnị, mẹ yị rẹ vaa yaayịtẹ pè wu nịnị, ịzị wàa kụ́ gụ tụ́. Wa kụ́ ayị, wa yà ịnị anị sị ọza wụ̀, wa za ụnọ wa jị wa ọzị ahụ o mè zee wu nịnị eyi.

1 Anịkọrịntị 15:33

Asị ụ zẹẹ ka è vene wu nịnị! Ogu odivi vị eneē du ebira ozozaa ha,

Odeyi 4:23

A mẹ̀ sị wa hụrẹ ụvọ kẹnẹ, dị Ipita ọnịrị Ịjọọnụ varẹma nọ ịdị anda ẹnịnị, dị ẹ na kà a yị wa ịsị ohirẹsụ ẹbanyị irehi Ohomorihi ọnịrị azọkụ nịnị kà nị.

1 Ohinọyị 19:9

O mè tù ịzọọ, dị ọ nọ ịnị ụtẹha ọnya aanị, dị ọ na sụ ịzọọ nị. Ọ mẹ̀ vavọọ yà ịzọọ, dị Ẹnẹyịmavara vana kà ịrẹyị yọ, dị ọ kà, “Sị waa mẹ ịzẹnị, Erija?”

Iruuku 22:44

Ayị Ijeesu o si du ẹtẹẹtẹrẹ, dị aa mẹ̀ aduwa hu avọọ nị. Ẹhị ana aa tọ̀ hụụnị ẹngụ anịị hi ẹtẹ vị ana sị mẹẹ anka anya avọọ.]

Ịjọọnụ 18:3

Dị Ijudasi na kụ́ isoja nịnị ọnịrị ẹnyị ini iporisi irehi Ohomorihi vẹ nị. Ohirẹsụ ẹbanyị irehi Ohomorihi ọnịrị Anihwarisi nịnị ẹ tụ́ ẹnẹẹ vẹ nị. Dị ẹ kụ́ ozotupa ọnịrị ẹnya ịrẹkụ, dị ẹ nọ ịzọọ nị.