Ịjọọnụ 17:6 - IWE ỌNỊNỊ

⁶ “Ma raà sị wụ zụ̀ aza ọnị ụ sị hụụnị ẹhẹ yị mị. Ẹwa nyị wa, dị ụ sị wa yị mị nị. Ẹ raà sị ụvọ za ịrẹyị awụ.

Ịjọọnụ 17:6 Referans Kwoze

Ịjọọnụ 17:26

Ma raà mẹ ka ẹ̀ yẹ ọza ọnị ụ vị. Avọọ m mẹ̀ vaa yịị mẹ ka ẹ̀ yẹ wụ nị, agụvị dị ịrẹyị amị oni u sì, ọ̀ zụ yà ịnị ayị ẹnịnị, dị ẹmịrị wa ọ̀ vị ọnya.”

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Ịjọọnụ 6:37

Avaba aza ana Ada amị ọ̀ọ raà sị chire mi ụvọ, ẹ vaa ká mịị vẹ. Avaba aza ana àa ká mị vẹ, mẹ yị vaa dị waa varẹma;

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Ịjọọnụ 17:2

Wa raà sị ọda avaba aza chire mi ụvọ, agụvị dị ma zụ mẹ ka avaba aza ọnị ụ kụ́ chire mi ụvọ, ẹ̀ yàra ị́dị awụ pooro zịna-zịna.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Ịjọọnụ 15:19

Àa vị áanẹhẹ ụ vị nịnị nị, anẹhẹ yaanị sì wu nịnị anka aza anị. Ama ẹwụ ẹ yị vị áanẹhẹ; ẹma sị ẹwụ nịnị nyị hụụnị ẹhẹ; agụvị avọọ ánẹhẹ aa nyị ịhyẹrẹ awụ nịnị nị.

Ẹtore 3:8

Máa yẹ ịsụ ụ mẹ. Máa yẹ ka ẹ yị nyị ụkata awụ yà. Wa sị sị ụvọ za ịrẹyị amị, wẹ yị kà a ka wẹ yị yẹ mị. Ma raà na oze hi ẹtẹ wụ, ana ahịka ẹ yị nyị ọza ene zụ gu ọọ.

Anihiburu 3:6

Ama Ikirisiti ọnị vị ozi. Ộ nyị ịzẹyịza tụ́ ini eehi Ada anị. Ẹya vị aza anị ọnọọ nị, yaa nyị ọtụtụrụma, dị ị sị ịrajẹ sị eyi tụ́ ịnị ịsa ọnị yee zi eyi pooro nee tù ẹtẹ nị.

Ịjọọnụ 15:7

Wàa zẹẹ ka ẹmịrị ẹwụ nịnị ọ̀ vị ọnya, dị ịrẹyị amị yà ịnị ayị awụ nịnị nị, we zụ họ̀ use ịsa tụra ịsa ene èe zé wu nịnị eyi, ụ waa nyị ọọ nịnị.

Ahẹ Ụgama 22:22

Mị vaa kà a yị aza amị ịsa ọnị ụ mẹ dị maa kụ́ wụ avọ ịzị ẹ̀ẹ kụ́ gụ.

Ọyịkụra 9:16

Ama ọnị ộ navọ wa ka ẹ̀ yị yà ẹhẹ agụvị dị ẹ̀ yẹ ka ọnị ọ nyị ụkata. Ọ kà ọnọọ ọ̀ vaa mẹ ka aa kà ịrẹkụkụ anị ịnị avaba ẹhẹ nị.

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.

Anihiburu 2:12

Ộ kà a ka, “Ohomorihi, mị vaa kà ịrẹyị awụụ yị ẹyịnyara amị; mị vaa jị ahẹ ga wụ ịnị akakana anịragụ awụ.”

2 Itimoti 1:13

Ịrẹyị ịzẹyịza ọnị mị raà sị zụ̀ wụ, sị ụvọ zaa; ọ̀ vị ịrẹyị ọnị ụ waa saasa. Wa vavọọ mẹ ini oze ọ́yị sị ayị tụra Ijeesu Ikirisiti ọnịrị ịrẹyị anị oyisì.

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

Aniroomi 11:2

Aza oni Ohomorihi vịdị sị nyị tịtẹ hụrẹ ụmọrụmọ, oyi yi wa tịtẹ. Wâ kụkụ yẹ ịsaa chẹrẹ tụ́ ini Iwe Ohomorihi nịnị ịnị ịrẹyị Erija? Erija aa sị ịrẹyị Anisirẹrị tụ́ Ohomorihi ịrẹka.

Odeyi 13:48

Ịjị Anigiriki ẹnị maanị wụ́, dị ẹyaa jẹ, dị ẹyaa sị ụgaa yị ịrẹyị Ananyị yị nị. Aza ọnị ọ sị nyị ka ẹ̀ yàra pooro zịna-zịna, ệ sị ayị tụra a.

Ịjọọnụ 18:9

Ộ vavọọ kà, agụvị ịrẹyị ọnọọ vịdị kà, ọ̀ zụ sẹ ka, “Ịnị avaba aza ọnị ụ sị mị, ẹ yị nyị ikonya oni mi vú.”

Ịjọọnụ 17:16

Ẹ yị vị ẹ́ẹhẹ ẹ vị, anka ẹ́mị ẹ̀yị mẹ̀ rẹ vị ẹ́ẹhẹ.

Ịjọọnụ 17:14

Ma sị ịrẹyị awụ kà yị wa. Ama anẹhẹ aa nyị ịhyẹrẹ ẹnịnị, agụvị ka ẹ yị vị áanẹhẹ ẹ vị. Avọọ gẹdẹ-gẹdẹ ẹ́mị ẹ̀ yị mẹ̀ rẹ vị ẹ́ẹhẹ nị.

Ịjọọnụ 15:3

A raà sị ịrẹyị ọnị mị kà wụ nịnị aanị tenyi wu nịnị.

Ịjọọnụ 12:28

Ọga, sị igirima yị ẹngụ awụ!” Dị ọngwẹ ọnya kà ịrẹyị hụrẹ ẹbẹẹba vẹ nị, dị ọ ka, “Ma raà sị igirima yị ẹngụ amị da, mị rẹ vaa sị igirimaa yị ẹngụ amị.”

Ịjọọnụ 6:39

Ịsị ọza ana tụ́ mị vẹ ẹhẹ sì ka ma mẹ, yị: ka avaba aza ọnị ọnị kụ́ chire mi ụvọ, asa a nyị ikonya oni mi vú; ama dị ma ha wa hụụnị isu ịnị ẹkụhị ọdịrẹma.

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ụhịrẹyị 23:23

Asị ụ zẹ ka ịzẹyịza ọnịrị ịrẹyọyẹ ọ jị ụ ha, sị ụvọ za ịrẹyị ana a sị zụ wụ, dị eyi awụ o hweyi.

Ụhịrẹyị 2:10

Ụ vaa yẹ ịrẹyị, dị ayị awụ e hine.

Ahẹ Ụgama 119:11

Ma raà dọ ịrẹyị ọnị ụ kà tụ́ ịnị ayị amị agụvị asị mị na mẹ̀ ebira odivi vẹ ịda awụ

1Ipita 1:1

Ẹma vị Ipita ana vị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu nịnị aza oni Ohomorihi nyị mẹ aza anị, ana gara hi avaba aha, dị ẹ vị ọzọga hi ịnị ẹkụra Ịpọntụsị, Ịgaratịya, Ikapadosiya ọnịrị Esiya beri Ibitiniya.

Ịjọọnụ 8:51

Ịzẹyịza m maa kà a wụ nịnị nị, ọza ana àa sị ụvọ za ịrẹyị amị, o yi kuku vee sú paa.”

Ịjọọnụ 8:52

Dị Aniju nịnị tụ́ ọọ ohi, dị ẹ ka, “Ya sị yẹ ka wâ nyị ụhwẹ echu. Abụrahamị ô wusu, ọnịsẹ nịnị ẹnị e re wusu; dị ẹwụ kụkụ va ka ọza ana àa sị ụvọ za ịrẹyị awụ, oyi kuku vee sú paa!

Ịjọọnụ 17:7

Ẹ sị yẹ booro aanị ka avaba ịsị ụ sị yị mị, ịdị awụ ẹ hụrẹ vẹ nị.

Ịjọọnụ 17:12

M mẹ̀ yà pe wa ịnị ẹhẹ, mâ sị ụkata awụ sị eyi pe wa. Avaba aza ọnị ụ sị mị, mị sị eyi pe nị, ẹ yị nyị ikonyara ẹnịnị ene vú; ẹ̀ yị hụhụ vị ọza ana vị ọza oyivu ịnị ẹnịnị kẹnẹ. Ọnọọ vị ana mẹ, agụvị Iwe Ohomorihi ọ̀ zụ sẹ.

Ẹtore 3:10

Wa raà sị eyi pe ịrẹyị amị ọnị mị kà ka wa nyị isuuru; agụvị avọọ ẹmị rẹ vaa dọ ẹwụụ tụ́ụ hụụnị ụyọrị ana aa vẹ ịrẹsụ avaba anẹhẹ vaa zama avaba aza ene hi ịnị ẹhẹẹ re.