Ịjọọnụ 17:26 - IWE ỌNỊNỊ

²⁶ Ma raà mẹ ka ẹ̀ yẹ ọza ọnị ụ vị. Avọọ m mẹ̀ vaa yịị mẹ ka ẹ̀ yẹ wụ nị, agụvị dị ịrẹyị amị oni u sì, ọ̀ zụ yà ịnị ayị ẹnịnị, dị ẹmịrị wa ọ̀ vị ọnya.”

Ịjọọnụ 17:26 Referans Kwoze

Ịjọọnụ 17:23

Ẹmịrị wa vị ọnya, dị ẹmịrị ẹwụ rẹ vị ọnya nị, agụvị dị ẹnịnị ẹ̀ zụ vị ọnya chọchọchọ, dị anẹhẹ ẹ̀ zụ yẹ ka ẹwa tụ́ mị vẹ ẹhẹ nị. Dị ẹ̀ rẹ yẹ ka wê sì ịrẹyị ẹnịnị, anka u mè sị̀ ịrẹyị amị.

Ịjọọnụ 17:6

“Ma raà sị wụ zụ̀ aza ọnị ụ sị hụụnị ẹhẹ yị mị. Ẹwa nyị wa, dị ụ sị wa yị mị nị. Ẹ raà sị ụvọ za ịrẹyị awụ.

Ịjọọnụ 15:9

Mê sì ịrẹyị awụ nịnị anka Áda amị ọnị mè re sì ịrẹyị amị. Asị ụ và hụụ nị ịrẹyị awụ nịnị oni mi sì!

Anihiburu 2:12

Ộ kà a ka, “Ohomorihi, mị vaa kà ịrẹyị awụụ yị ẹyịnyara amị; mị vaa jị ahẹ ga wụ ịnị akakana anịragụ awụ.”

Ịjọọnụ 15:15

Hụrẹ ọyaanị na, mẹ yị kụkụ hị́ wụ ozi ahụ amị nịnị. Wâ yẹ ka ozi ahụ ọ mā yẹ ịsị ọga anị aa mẹ. Maa hị́ wụ nịnị ọta amị, agụvị ka avaba ịrẹyị ana Ada amị kà mị, mị sị zụ̀ wụ nịnị nị.

Ịjọọnụ 14:20

Ịhị ẹkụhị ọnọọ òo si tù, ụ vaa yẹ nịnị ka ẹmịrị Ada amị vị ọnya, dị ẹmịrị ẹwụ nịnị rẹ vị ọnya dị ị sị vabẹ nị.

Ahẹ Ụgama 22:22

Mị vaa kà a yị aza amị ịsa ọnị ụ mẹ dị maa kụ́ wụ avọ ịzị ẹ̀ẹ kụ́ gụ.

Ịjọọnụ 15:4

Navọ ya vị ọnya nịnị, dị ẹmịrị ẹwụ nịnị ọ̀ vabẹ. Wâ yẹ nịnị ka avọ́ ọchị ẹ yị zụ tụ́ ẹtụtụ yị ẹngụ anị àa sị ọ dà hụụnị ọchị obooro. Avọọ ẹwụ nịnị ọ̀ yị mẹ̀ rẹ nyẹngụ nyị ẹtụtụ, ẹ̀ yị vị ụ zẹẹ ka ẹmịrị ẹwụ nịnị ọ̀ vị ọnya nị.

Anẹhwẹsọsị 5:32

Iruvo ireyi ọnọọ ọ́ọ nyịnẹ ẹtẹẹtẹrẹ, mee ro ka ịrẹyị Ikirisiti ọnịrị ịragụ anị aa kà nị.

Anẹhwẹsọsị 5:30

Yáa bẹ tụ́ ịnị ẹngụ anị.

Ịjọọnụ 14:23

Dị Ijeesu tụ́ ọ ohi, dị ọ ka, “Ọza ene èe sì ịrẹyị amị, ọ vaa sị ụvọọ za ịrẹyị amị; Ada amị vee sì ịrẹyị anị. Dị ẹmịrị Ada amị dudu vẹ, dị ị va ra ịnị ayị anị.

Ịjọọnụ 8:50

Ẹ yị vị ụbanyị ẹngụ amị m mee sì. Â nyị ọza enee si ụbanyịị yị mị, ọnị ọ rẹ vị ọmọkarẹyị nị.

1 Ịjọọnụ 3:24

Ọza ana àa saasa ọda Ohomorihi, ọnịrị Ohomorihi ọ sị vị ọnya, Ohomorihi ọnịrị ọza ọnọọ ọ sị vabẹ. Ịsị ẹ sị zụ̀ yị gedebee ka ẹyịrị ọ vị ọnya yị: agụvị Ụhwẹ Ọnịnị anị ọnị ọ sị yị.

2 Anịtẹsaronika 2:16

Ijeesu Ikirisiti Ananyị yị ụvọta ọnịrị Ohomorihi Ada ayị ée sì ịrẹyị ayị. Ệ vayị ka ya nyị ayohunẹnẹ pooro zịna-zịna, dị ya rẹ nyị ọyịtureyi tụ́ ịnị ịsa ene zoza.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.

Anikorasi 2:10

Ọnị ọ nyị ẹbẹẹba anggẹẹrị nịnị ana nyị ụkata nị. Ẹwụ rị ọ ọ̀ọ sị vị ọnya nịnị, wa sị gụ nịnị.

Anikorasi 1:27

Ô zé Ohomorihi eyi ka ọ̀ sị zụ̀ aza anị ị́rẹyị ọnọọ mẹmẹ nyị ụbanyị, dị ọ rẹ nyị ọgụ yị avaba anẹhẹ. Ịrẹyị ọnọọ oni iruvo anị nyịnẹ yị Ikirisiti yà ịnị ayị awụ nịnị, agụvị avọọ waa tụra eyi ka ụ vaa nyị tụ́ ini igirima anị nịnị.

Anẹhwẹsọsị 3:17

Mị raa mẹ̀ aduwa ka Ikirisiti ọ̀ yà ịnị ayị awụ nịnị, ụ màa sị ayịị tụraa nịnị. Ọ̀ navọ wee sì ịrẹyị aza nịnị, ana zụ mẹ ka wa jẹẹ geri-geri nịnị,

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

Anigaratiya 2:20

Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị.

1 Anịkọrịntị 12:12

Wâ yẹ ka ẹngụ ọza vị ọnya, dị ọ va nyị ọchẹngụ ọrụrụ-ọrụrụ nị. Avaba ọchẹngụ ọrụrụ-ọrụrụ ẹnẹẹ vị ana yà ịnị ẹngụ ọnya. Avọọ gẹdẹ-gẹdẹ Ikirisiti ọnị mẹ̀ rẹ yà nị.

1 Anịkọrịntị 1:30

Ohomorihi ọ raà sị wụ nịnị ka ẹwụrị Ijeesu Ikirisiti ọ̀ vị ọnya nịnị. Ohomorihi ọ rẹ raà mẹ ka Ikirisiti ọ̀ vị ịrẹyọyẹ ayị. Ikirisiti ọ jị ịhị yị ọ́vịdị Ohomorihi nị, ọ sị yị vara aza ọnịnị Ohomorihi, ọ rẹ sị yị hị́ varẹma hụụnị avaba ịsa edivi.

Aniroomi 8:10

Ikirisiti ọ̀ọ sị yà ịnị ayị awụ nịnị, u vee sú nịnị ịnị ẹhẹ ọnọnị agụvị ịvị. Ama Ụhwẹ Ohomorihi vaa mẹ ka wa yàra nịnị pooro zịna-zịna, agụvị ka Ohomorihi ọ sị ịhị jị yị wụ nịnị.

Ịjọọnụ 6:56

Ọza ana àa rị ọchẹngụ amị, di o re hú anya amị nị, ọnọọ vị ka ẹmị rị ọọ ọ sị vị ọnya, ẹmị rị ọọ ọ sị vabẹ.

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.