Ịjọọnụ 17:25 - IWE ỌNỊNỊ

²⁵ Ọga, wâ nyị ịzẹyịza, anẹhẹ ẹ̀ yị yẹ wụ. Ama ẹmị â yẹ ẹwụ, ẹnẹnị ẹnị ẹ rẹ sị yẹ ka ẹwa tụ́ mị vẹ ẹhẹ nị.

Ịjọọnụ 17:25 Referans Kwoze

Ịjọọnụ 17:11

Booro aanị, o si tù ka ma vẹ ịdị awụ. Mẹ yị kụkụ vaa yà ịnị ẹhẹ. Aza awụ ẹnị vị ene yi hi ịnị ẹhẹ. Ọga, ana vị Ọnịnị, sị ụkata awụ sị eyi pe aza ọnị ụ raà sị mị, agụvị dị ẹ̀ zụ vị ọnya, anka ẹ́mịrị ẹwụ mẹ̀ vị ọnya!

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.

Ịjọọnụ 15:21

Ẹ vaa mẹ avaba ịsa ẹnẹẹ hi wu nịnị, agụvị ka wâ vị áamị nịnị, ịjị ahịka ẹnịnị ẹ yị yẹ Ọza ana tụ́ mị vẹ ẹhẹ.

Ịjọọnụ 7:29

Ama ẹmị â yẹ ẹ, agụvị ka ịdị anị mị hụrẹ vẹ nị; ọnị ọ rẹ tụ́ mị vẹ ẹhẹ nị.”

Ịjọọnụ 16:27

Ada amị ọnị ụvọta ô sì ịrẹyị awụ nịnị, agụvị ka wê sì ịrẹyị amị nịnị, dị ụ rẹ dọ wụ́ nịnị ka ịdị Ohomorihi mị hụrẹ vẹ nị.

Anihiburu 8:11

Ẹ yị nyị ọza ẹnịnị ana kụkụ vaa kà a yị ọnọhụva anị, à vị anẹkụra anị ka ọ̀ yẹ Ananyị yị, agụvị ka avaba ẹnịnị vaa yẹ ọnị hụụnị ozweyi na ngụ ịnị ọzọkụ ẹnịnị.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

Ịjọọnụ 10:15

anka Áda amị mẹ̀ yẹ mị, dị ẹmị rẹ yẹ Ada amị. Mị vaa sị ụhwẹ amịị tịtẹẹ yị atẹmẹ amị.

Ịjọọnụ 8:55

Ama wẹ yị yẹ ẹ nịnị, ẹmị â yẹ ẹ. Màa na kà a ka mẹ yị yẹ ẹ, ẹmị rẹ sị vị onireche anka ẹwụ nịnị. Ama ẹmị â yẹ ẹ, ma rẹ sị ụvọ za ịrẹyị anị.

Iruuku 10:22

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi ọnịnya ọnịrị aza ene èe zé Ozi eyi ka ọnị ọ̀ sị zụ̀.”

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

1 Ịjọọnụ 1:9

Ama yàa dọ irenu ịvị ayị, Ọ vaa vagu yị ịnị ịvị ayị, dị ọ nyịna yị, dị ị nị hụụnị avaba ịsa odivi. Agụvị ka ọ́ọ nyị ịzẹyịza, a zụ sị ayị tụra a.

2 Anịtẹsaronika 1:8

Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.

1 Anịkọrịntị 15:34

Varẹma waa mẹ ịzẹyịza nịnị, asị ụ rẹ̀ mẹ̀ ebira odivi nịnị! Aza ẹnyị ẹ yị yẹ Ohomorihi vụrụ-vụrụ. M maanị aa kà a, vị ụhị ọ̀ nyị wụ nịnị.

1 Anịkọrịntị 1:21

Ịnị ịrẹyọyẹ Ohomorihi, ọyị zẹẹ ka aza ẹ̀ sị ịrẹyọyẹ ẹngụ ẹnịnị yẹ ọnị. Ama Ohomorihi ọ́ọ vavọọ sì ọọ ka enube ọyịza ọnị yaa kà, ana aza ẹnyị ro ka ụra ọ vị nị, ka aza ana àa dọ ọ wụ́ ọnị ọ̀ dọ wa há.

Aniroomi 3:26

Ama booro aanị, Ohomorihi ộ sị zụ̀ ka ọnị ộ nyị ịzẹyịza, ọnị ọ vị ka ộ nyị ịzẹyịza hi ẹngụ anị. Ọnị ọ rẹẹ̄ jị ịhị yị aza ana àa sị ayị tụra Ijeesu nị.

Aniroomi 3:11

Ẹ yị nyị ọza ana yẹ ịsa ana vọrọ, ẹ yị nyị ọza ene ee sì ka ọnị ọ̀ saasa Ohomorihi.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Odeyi 17:23

M màa parahu ịnị ẹkụra awụ nịnị, di mi re avaba ịzị ụụ̄ mẹ hẹkẹ nịnị; mê re ụta ọnya anaa chẹrẹ ịsa tụ́ ka: ‘Ohomorihi ọnị ọza ẹ̀ yị yẹ.’ Ohomorihi ọnọọ ọnị ụ waa hẹkẹ nịnị, dị ụ wẹ̀ yị yẹ ẹ nịnị, m maa kà ịrẹyị anịị wụ nịnị aanị nị.

Ịjọọnụ 17:23

Ẹmịrị wa vị ọnya, dị ẹmịrị ẹwụ rẹ vị ọnya nị, agụvị dị ẹnịnị ẹ̀ zụ vị ọnya chọchọchọ, dị anẹhẹ ẹ̀ zụ yẹ ka ẹwa tụ́ mị vẹ ẹhẹ nị. Dị ẹ̀ rẹ yẹ ka wê sì ịrẹyị ẹnịnị, anka u mè sị̀ ịrẹyị amị.

Ịjọọnụ 17:21

Maa mẹ̀ aduwa ka avaba ẹnịnị ẹ̀ zụ vị ọnya, anka ẹ́mịrị ẹwụ ana vị Ada amị mẹ̀ vị ọnya, dị ị vabẹ. Ẹnịnị ẹ̀ rẹ vavọọ zụ vabẹ beri yi, agụvị dị anẹhẹ ẹ̀ zụ dọ wụ́ ka ẹwa tụ́ mị vẹ ẹhẹ nị.

Ịjọọnụ 17:18

Maa tụ́ waa nọ ịnị ẹhẹ, anka ẹwụ mẹ̀ rẹ tụ́ mị vẹ ẹhẹ.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ịjọọnụ 16:30

Ya sị yẹ booro aanị ka wâ yẹ avaba ịsa, ẹ yị kụkụ nyị ka ọza ọ̀ọ họ̀ wụ use ịrẹyị. Ọsọnị ộ mẹ̀ ka ya dọ wụ́ ka ịdị Ohomorihi ụ hụrẹ vẹ nị.”

Ịjọọnụ 16:3

Ẹ vavọọ vaa mẹ wụ nịnị, agụvị ka ẹnịnị ẹ yị yẹ Ada amị, avọọ ẹnịnị ẹ̀ yị mẹ̀ rẹ yẹ mị nị.

Ịjọọnụ 8:19

Dị ẹnịnị va họ̀ Ijeesu use ka, “Ịzị ada awụ yà?” Dị Ijeesu tụ́ wa ohi, dị ọ ka, “Wẹ yị yẹ mị nịnị, wẹ yị rẹ yẹ Ada amị nịnị. Wàa yaanị yẹ mị nịnị, ụ yaanị rẹ sị Ada amị yẹ nịnị bẹẹ.”

Ịjọọnụ 6:19

Ezirẹma Ijeesu ệ họ̀ ẹpa, ẹ́ zị ụsẹ ẹhụụ ịmẹẹrị ẹẹta na ngụ ẹhụụ ẹẹna avọọ, di e vene re ka Ijeesu aa zị ụsẹ ị́rẹsụ enyi, dị aa ká ẹpa ẹnịnị vẹ nị. Angwa ô hí wa ẹtẹẹtẹrẹ.

Ịjọọnụ 3:17

Ẹ yị vị Ohomorihi tụ́ Ozi anị vẹ ẹhẹ ka ọ̀ va jị ịvị yị anẹhẹ. Vị ọ ka ọ̀ va dọ anẹhẹ há nị.

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Ayịsaya 45:21

Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị.

Ẹtore 16:5

Dị mị wụ́ anggẹẹrị ana sị eyi pe enyi, dị ọ ka: Ẹwụ Ohomorihi ẹnẹ ẹ̀ yị nyị ẹngụ anị, ịzẹyịza ụ sị mẹ̀ ọkarẹyị ẹnẹnị nị. Ẹwa yà ịzọọ booro aanị nị, ẹwa rẹ yà ịzọọ hụrị ụmọrụmọ nị.