Ịjọọnụ 17:15 - IWE ỌNỊNỊ

¹⁵ Mẹ yị mẹ̀ aduwa ka wa kụ́ wa hụụnị ẹhẹ, ama mị ka wa sị wa tẹ hụụnị ụvọ Echu.

Ịjọọnụ 17:15 Referans Kwoze

Ahẹ Ụgama 121:7

Ẹnẹyịmavara ọ yị vaa zẹẹ ka à nyị ịsị ẹ mẹ̀ wụ, vị o vee sere wu nị.

1 Ịjọọnụ 5:18

Yáa yẹ ka ezi Ohomorihi ọ mā kụkụ aa yịị mẹ ịvị, ama oō sere ẹngụ anị, dị Echu ọ́ yị nyẹngụ kanyị ọ.

2 Anịtẹsaronika 3:3

A zụ sị ayị tụra Ananyị yị. Ọ vaa sị ụkataa wụ nịnị, dị ọ dọ wụ nịnị tụ́ ịnị ụvọ Echu.

Anigaratiya 1:4

Ijeesu ọ sị ẹngụ anị mẹ̀ ịsọvọ yị ịvị ayị agụvị dị ọ̀ dọ yị tịtẹ hụụnị ịsa edivi ẹhẹ ọnọnị anka Ohomorihi Ada ayị me sì ọ.

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

1 Ịtọpa 4:10

Ama Ijabezi ộ mẹ̀ aduwa hi Ohomorihi Anisirẹrị, dị ọ ka, kwogwo, ọ̀ navọ ọ̀ mẹ ka ò zé yị ọnị, dị ọ̀ dà ẹtẹ gana yị ọnị de. Ọ kà Ohomorihi ọ̀ navọ ọ̀ yà ọnị ịrẹma, dị ò sere ọnị, asị ọ zẹ̀ẹ ka odivi ọnyọọnyị ọ kụ́ ẹngụkata tu ọnị. Ịzẹyịza dị Ohomorihi mẹ̀ ịsa o họ̀ use anịị yọ nị.

Iruuku 11:4

Navọ wa vagu yi ịnị ịvị ayị; agụvị ka ẹ yị rẹẹ̄ vagu ọza ana àa rị ịvị ayị. Asị ụ zẹẹ ka à zama yị re!’ ”

Ahẹ Ụgama 30:9

Ẹnẹyịmavara, mèe sú ye re ọgụ ọnị waa rị ịnị anị? Mị ka àa raà sị mi chire ẹtẹ, sị mị kụkụ zụ mẹẹ wụ? Wáā yẹ ka ọza ene su ọ yị zụ kwẹẹtẹ dị ọ̀ọ kụ́ avọ? Ẹnịnị ẹ yị zụ aa kà a zụ̀ aza ụ mẹmẹẹ mẹ ịzẹyịza.

2 Itimoti 4:8

Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.

Ayịsaya 57:1

Ọnịrẹyịzẹyịza nịnị ee sú, ẹ yị nyị ọza ana daba roo. Aza anaa sị ịzẹyịzaa hẹkẹ Ohomorihi aa tá, ẹ yị nyị ọza ana yẹẹ. Ọnịrẹyịzẹyịza nịnị ene sú, vị ana a kụ́ụ hụụnị ẹngụkata.

Oyinyima 48:16

anggẹẹrị ọnọọ ana dọ ọnị ha hụụnị avaba ịsa odivi, ọ̀ navọ kwogwo ò zee yi ezi ẹnẹnị. Ọ̀ navọ kwogwo a vaa sị waa tamayị ịrẹha anị ọnịrị ohiku anị nịnị ana vị Abụrahamị ọnịrị Ayiziiki. Ọ kà ọ̀ navọ ẹ va ma ozi rụrụ, dị ahịka vị ẹ gwẹtẹ ịnị ẹhẹ kẹnẹ nị.”

Imatiwu 5:37

Wàa kà a ka ‘Hịịn’, ọ̀ vị hịịn; wàa kà a ka ‘Eyiye’, ọ̀ rẹ yị vị eyiye! Ịsị èe si huna ẹnẹẹ, ịdị Echu ọ hụrẹ vẹ nị.”

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Iruuku 22:32

Ama ma raà mẹ̀ aduwa yị wụ ka asị ẹdọwụ awụ jị wụ ụvọ. Ịjị ụ wàa sị và ká mị vẹ, dị ụ waa sị ụkataa yị ẹyịnyara awụ ana vọ!”

1 Ịjọọnụ 5:19

Ẹyị áa yẹ ka ẹyị vị ezi Ohomorihi, avaba anẹhẹ ana vọ vị ana yà ịnị ụvọ Echu.