Ịjọọnụ 17:1 - IWE ỌNỊNỊ

¹ Íjeesu mẹ̀ maanị sị ịrẹyị ẹnẹẹ kà kẹnẹ, dị ọ kụ̀rà eyi anị tụ́ ẹbẹẹba nị, dị ọ ka, “Ọga, ụmẹ o si tù, sị igirima yị Ozi ewu, dị Ozi ewu ọnị ọ̀ rẹ sị igirima yị wụ!

Ịjọọnụ 17:1 Referans Kwoze

Ịjọọnụ 12:23

Dị Ijeesu ka, “Ụmẹ o si tù ana a vọrọ ka à sị sị igirima yị ẹmị Ozi ọza onigirima.

Odeyi 3:13

Ohomorihi Abụrahamị ọnịrị Ayiziiki ne beri Ijekọvụ, Ohomorihi ohiku ayị nịnị ọ maanị sị ụbanyị yị ozi anị Ijeesu nị. Wâ sị Ijeesu ọnọọ chire aza ụvọ nịnị; Ipayireti ô sì ka ọnị ọ̀ hụrẹ ẹ ụvọ, ama wê yi nịnị.

Ịjọọnụ 7:39

Ịrẹyị ọnọnị oni Ijeesu kà aanị vị ịnị ịpa Ụhwẹ Ọnịnị, oni Ohomorihi vaa sị yị aza ana sị ayị tụra a, agụvị ka Ohomorihi ọọ̀ yị sị Ụhwẹ Ọnịnị yị aza ịnị ụmẹ ọnọọ, agụvị ka Ijeesu ọọ̀ yị dọ ụbanyị.

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.

Ịjọọnụ 11:4

Íjeesu mẹ̀ vavọọ wụ́, dị ọ ka, “Ẹ yị vị ẹngụ isu aa zị Ịrasarụsị aanị. Ẹngụ ọnọnị vị ana vaa mẹ ka aza è re igirima Ohomorihi. Aza rẹ vaa hụ agụvị avọọ sị igirimaa yị Ozi Ohomorihi.”

Ịmaakị 14:41

Ijeesu ộ vavẹ ụpẹ ọhụta, dị ọ ka, “Ụ waa yịị sụ ara nịnị, dị ụ raa tụ́ ụhwọ́ nịnị nịị? Ô ze! Ụmẹ o si tù; re, aa vaa sị ẹmị Ozi ọza onigirimaa chire ọnịvị amị nịnị ụvọ.

Ahẹ Ụgama 123:1

Ẹnẹyịmavara, ẹwụ ana yaayịtẹ tụ́ ini ihinẹba, ẹwụ m maa tụra eyi nọ.

Ịjọọnụ 11:41

Dị ẹ sị ịrẹta ọnọọ kwooze nị. Dị Ijeesu sị eyi anị tụ́ ẹba, dị ọ ka, “Ọga, mâ kụ́ wụ avọ, agụvị ka wâ sị ụtọ tụ́ ịnị ịrẹyị amị.

Ịjọọnụ 8:20

Ịrẹyị ẹnẹnị vị oni Ijeesu kà, ọ mẹ yà ịzị aā tụ́ ẹkẹhịị tụ́ ini irehi Ohomorihi dị aa zụ̀ aza. Ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ịjọọnụ 7:30

Ịjọnọọ di eyee sì ka ẹnị ẹ̀ za a nị; ama ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ịjọọnụ 16:32

Ụmẹ aa vẹ, ộ hyakụ si tù booro aanị, ana a vaa gara wụ nịnịị hi, dị ọzọza zị nọ eehi anị, dị ụ kụkụ navọ ẹmị ịnya nịnị. Ama mẹ yị vị ẹmị ịnya, agụvị ka Ada amị ộ yà pe mi.

Ịjọọnụ 13:1

Ọ sị vọ ka ụhwọọ aa rị Eche Ọyịparahu nị. Ijeesu ộ yẹ ka ụmẹ o si tù ọnị ọnị aa sịị hụụnị ẹhẹ, dị ọnị ọ̀ nọ ịdị Ada anị. Oō sì ịrẹyị aza anị ene hi ịnị ẹhẹ. Booro aanị, o si tù ka ọ̀ sị zụ̀ wa ịzị o sì ịrẹyị ẹnịnị na za.

Iruuku 22:53

Ẹ́mị rị ẹwụ nịnị mẹ̀ẹ̄ yà ini irehi Ohomorihi eyinị-eyinị, wẹ yị sị ụvọ kanyị mị nịnị. Ama ụmẹ awụ nịnị ọnịrị ụmẹ ụkata ịrahụ o si tù.”

Iruuku 18:13

Dị ọdẹkẹhirehi ọnọọ ọnị jẹẹ ẹ́nẹẹnẹ nị. Ọ yị hyakụ nyayịnẹ sị eyi anị tụ́ ẹba. Dị ọ sị ụvọ kú ịrẹsụ, dị ọ ka: ‘Ohomorihi, aarịhịnị, vayị ẹmị ọnịvị!’ ”

Ayịsaya 38:14

Mị vụrị ee nowu anka inomi ịnị avị, di mee tii anka arivadi avọọ nị Eyi anị ọ sị kata mm mẹ kụ eyi hi ẹbẹẹba ee zi Ananyị mị va gụ mị ụvọ hụụnị akanya amị.