Ịjọọnụ 16:26 - IWE ỌNỊNỊ

²⁶ Ịnị ịhị ọnọọ, u vee họ̀ use ịsa hụụnị ụvọ Ada amị ịnị ịrẹha amị nịnị. Mẹ yị kà a ka ẹma vaa dá ịpẹẹ yị Ada amị agụvị awụ nịnị nị, oo!

Ịjọọnụ 16:26 Referans Kwoze

Aniroomi 8:34

Áá nyị ọza ana kụkụ zụ jị ịvị yị wa? Ẹ yị nyị, agụvị ka Ijeesu Ikirisiti, ô wusu yị wa. Ohomorihi ộ hyakụ rẹ sị ọọ ha kwẹẹtẹ hụụnị isu bẹẹ. Ọ kụkụ yà eyi ụvọrị Ohomorihi booro aanị. Aa dá ịpẹ ịrẹyị ayịị yị Ohomorihi.

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Ịjọọnụ 17:19

Agụvị ẹnịnị mị sị ẹngụ amị tụ́ irenyi yị wụ nị, agụvị dị ẹnị ẹ̀ rẹ sị ẹngụ ẹnịnị tụ́ irenyi yị wụ ịnị ịzẹyịza.

Ịjọọnụ 17:9

“Maa mẹ̀ aduwaa yị wa. Mẹ yị mẹ̀ aduwa yị anẹhẹ kẹnẹ, aza ọnị ụ sị mị, m maa mẹ̀ aduwaa yị nị, agụvị ka áawụ ẹ vị nị.

Ịjọọnụ 16:23

“Ịhị ẹkụhị ọnọọ òo si tù, wẹ yị vaa họ̀ mị use ịsọnyị-ịsọnyị nịnị. Ịzẹyịza m maa kà a wụ nị, ịsa tụra ịsa ọnị ụ wàa họ̀ Ada amị use ịnị ịrẹha amị nịnị, ọ vaa sịị yị wụ nịnị.

Ịjọọnụ 14:16

Mị vaa dá ịpẹẹ yị Ada amị, dị ọ sị Ohunẹnọzayị ọsa va yị wụ nịnị, dị ọ̀ kụkụ yà ịdị awụ nịnị pooro zịna-zịna.

Ịjọọnụ 14:20

Ịhị ẹkụhị ọnọọ òo si tù, ụ vaa yẹ nịnị ka ẹmịrị Ada amị vị ọnya, dị ẹmịrị ẹwụ nịnị rẹ vị ọnya dị ị sị vabẹ nị.

Ịjọọnụ 16:19

Ijeesu ọ sị yẹ ka eyee sì ka ẹnị ẹ̀ họ̀ ọnị use ịrẹyị. Dị ọ kà a yị wa ka, “Mị ka òo kù chee, we yi kuku vee re mi nịnị, òo re ne kù chee, u re vee re mi nịnị. Ịsị ụ waa họ̀ ẹngụ awụ nịnị use anị ọ́ọ́ vị ọnọọ nị?

Ịjọọnụ 16:30

Ya sị yẹ booro aanị ka wâ yẹ avaba ịsa, ẹ yị kụkụ nyị ka ọza ọ̀ọ họ̀ wụ use ịrẹyị. Ọsọnị ộ mẹ̀ ka ya dọ wụ́ ka ịdị Ohomorihi ụ hụrẹ vẹ nị.”