Ịjọọnụ 16:23 - IWE ỌNỊNỊ

²³ “Ịhị ẹkụhị ọnọọ òo si tù, wẹ yị vaa họ̀ mị use ịsọnyị-ịsọnyị nịnị. Ịzẹyịza m maa kà a wụ nị, ịsa tụra ịsa ọnị ụ wàa họ̀ Ada amị use ịnị ịrẹha amị nịnị, ọ vaa sịị yị wụ nịnị.

Ịjọọnụ 16:23 Referans Kwoze

Ịjọọnụ 15:7

Wàa zẹẹ ka ẹmịrị ẹwụ nịnị ọ̀ vị ọnya, dị ịrẹyị amị yà ịnị ayị awụ nịnị nị, we zụ họ̀ use ịsa tụra ịsa ene èe zé wu nịnị eyi, ụ waa nyị ọọ nịnị.

Imatiwu 21:22

Ịsa tụra ịsa ọnị ụ wàa dá ịpẹ anị nịnị wàaa mẹ̀ aduwa, dị ụ dọ wụ́ nịnị nị, u wee re waa dọ nị.”

Ayịsaya 65:24

Dị à va nyị ka ẹnịnị ẹẹ hị́ mị, mi vee tu wa ohi. Ẹ̀ẹ yaa kà ịrẹyị kẹnẹ, mị vaa wụ́.

Imatiwu 7:7

“Wee họ̀ use ịsa nịnị ka a vaa sịị yị wụ nịnị! Wee sì ịsa nịnị ka u vee re e nịnị!

Ịjọọnụ 16:26

Ịnị ịhị ọnọọ, u vee họ̀ use ịsa hụụnị ụvọ Ada amị ịnị ịrẹha amị nịnị. Mẹ yị kà a ka ẹma vaa dá ịpẹẹ yị Ada amị agụvị awụ nịnị nị, oo!

Ịjọọnụ 14:20

Ịhị ẹkụhị ọnọọ òo si tù, ụ vaa yẹ nịnị ka ẹmịrị Ada amị vị ọnya, dị ẹmịrị ẹwụ nịnị rẹ vị ọnya dị ị sị vabẹ nị.

Anẹhwẹsọsị 2:18

Ijeesu ọ mẹ ka ẹyị ẹyịva ọ̀ nyẹngụ vẹ ọvịdị Ada ayị ini oze Ụhwẹ Ọnịnị ọnyọọnya nị.

1 Ịjọọnụ 2:1

Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị.

Ịjọọnụ 14:5

Dị Ịtọmọsị kà a yọ ka, “Ananyị yị, yẹ yị hyakụ yẹ ịzị ụ waa nọ. Ị mẹmẹ va yẹ oze ịzọọ?”

Ịjọọnụ 16:19

Ijeesu ọ sị yẹ ka eyee sì ka ẹnị ẹ̀ họ̀ ọnị use ịrẹyị. Dị ọ kà a yị wa ka, “Mị ka òo kù chee, we yi kuku vee re mi nịnị, òo re ne kù chee, u re vee re mi nịnị. Ịsị ụ waa họ̀ ẹngụ awụ nịnị use anị ọ́ọ́ vị ọnọọ nị?

Ịjọọnụ 16:30

Ya sị yẹ booro aanị ka wâ yẹ avaba ịsa, ẹ yị kụkụ nyị ka ọza ọ̀ọ họ̀ wụ use ịrẹyị. Ọsọnị ộ mẹ̀ ka ya dọ wụ́ ka ịdị Ohomorihi ụ hụrẹ vẹ nị.”

Ịjọọnụ 14:22

Dị Ijudasi, ẹ yị vị Ijudasi Isikarịyọtị aa kà, ka, “Ananyị yị, ụ mẹmẹ vaa sị ẹngụụ zụ̀ ẹyị, dị ụ wẹ yị sị zụ̀ anẹhẹ?”