Ịjọọnụ 16:22 - IWE ỌNỊNỊ

²² Ayị awụ nịnị o si du booro aanị, ama mị vanaa vẹ vee hee wu nịnị; ịjọnọọ ayị awụ nịnị vee hine ẹtẹẹtẹrẹ. Ẹ yị nyị ọza ana va zụụ dọ wụ nịnị ẹngụ ayohine ọnọọ.

Ịjọọnụ 16:22 Referans Kwoze

1Ipita 1:8

Wẹẹ̀ yị daka sị eyi awụ nịnị re Ijeesu Ikirisiti da, ama we yi sì ịrẹyị anị nịnị. We yi si eyi ree nịnị booro aanị, ama wáa sị ayị tụra a nịnị, ana ahịka ayị awụ nịnị ee hine ẹtẹẹtẹrẹ oni irenu ọ̀ yị zụ kà.

Odeyi 13:52

Ezirẹma ene hi Antịyọkị ệ nyị inohine ẹtẹẹtẹrẹ. Dị Ụhwẹ Ọnịnị dọ avaba ayị ẹnịnị nị.

Ịjọọnụ 16:6

M mẹ̀ va aa kà a wụ nịnị aanị, ayị awụ nịnị ọ va ta du.

2 Anịtẹsaronika 2:16

Ijeesu Ikirisiti Ananyị yị ụvọta ọnịrị Ohomorihi Ada ayị ée sì ịrẹyị ayị. Ệ vayị ka ya nyị ayohunẹnẹ pooro zịna-zịna, dị ya rẹ nyị ọyịtureyi tụ́ ịnị ịsa ene zoza.

Odeyi 16:25

Ịnị agẹvịrahụ, dị Ịpọọrụ ọnịrị Isira aa mẹ̀ aduwa, dị ẹyaa jị ahẹ ga Ohomorihi nị. Dị anịnẹngwa ana vọ aa wụ́, ẹ màa jị ahẹ nị.

Ayịsaya 25:9

Ịjị ụmẹ ọnọọ ọ̀ọ vẹ, avaba aza vaa kà a ka Ohomorihi ayị yọ. Yâ sị ayị tụra a, dị ọ dọ yị tụ́ nị. Ọnị ọ vị Ẹnẹyịmavara nị, ọnị ị sị ayị tụra nị. Ọ sị yị dọ ha; agụvị avọọ à vẹ vị yaa jẹ ịrajẹ.

Ahẹ Ụgama 146:2

Mị vaa kụ́ Ẹnẹyịmavara avọ pooro nị. Màa tịị tụ ụhwẹ, mị vaa jị ahẹ kụ́ Ohomorihi avọ.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.

Odeyi 5:41

Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.

Ịjọọnụ 21:7

Di ozirẹma oni Ijeesu sì ịrẹyị anị kà a yị Ipita ka, “Ananyị yịị yọ nọ!” Ịjị Ịsayịmọnị Ipita wụ́ ka Ananyị yịị yọ nị, ộ sị ịta anị, dị ọ sị sụ ọtẹ, di o ji ngụ enyi nị.

Ịjọọnụ 14:27

“Maa mẹ ka wa nyị ẹngwọọrọ nịnị; ẹngụ ẹngwọọrọ ọnị mị nyị m maa mẹ̀ ka wa nyị nịnị nị. Ẹ yị vị ẹngụ ẹngwọọrọ ọnị ẹhẹ sịị yị ọza m maa mẹ̀ ka wa nyị nịnị. Asị ụ zẹẹ ka ayị awụ nịnị ò du; asị u re hí angwa nịnị!

Ịjọọnụ 14:1

Ijeesu ộ kà a yị ezirẹma anị ka, “Asị ụ zẹẹ ka ayị awụ nịnị ò du! Sị ayị tụra Ohomorihi, dị ụ wa rẹ sị ayị tụra mị nịnị bẹẹ!

Ịjọọnụ 4:14

Ama ọza ene èe hú enyi ẹnẹ ẹmị àa sị yọ, enyi ọ mā vana kụkụ kụ̀ ọọ paa. Enyi ọnọọ ọnị mị vaa sịị yọ vị ana vaa yà anka enyi ẹtẹ ene ee hi ẹtẹ pooro avọọ tụ́ ịnịnẹ ọza ọnọọ; dị aa mẹ ka ọ̀ yàra ị́dị Ohomorihi pooro zịna-zịna.”

Iruuku 24:41

Ẹnịnị ẹ̀ yị zụ dọ ọ wụ́, agụvị ka ayị ẹnịnị o si hine baaba, ọnịrị ka o re si hí wa irenu. Dị Ijeesu va họ̀ wa ka, “Wáá nyị ịsọyịrị tụ́ ịzẹnị nịnị?”

Iruuku 16:25

Dị Abụrahamị ka: ‘Ozi, tamayị ka ụ mẹ̀ yà ẹhẹ, wâ dọ ịsa ọyịza-ọyịza, di Ịrasarụsị ọnị rị ụya ẹtẹẹtẹrẹ nị. Ama booro aanị, ẹngụ anị ọ sị rọ tụ́ ịzẹnị, ama ẹwụ aa rị ụya ịzọọ.

Iruuku 10:42

 nyị ịsa ọnya chọchọchọ anaa vọrọ ka ya nyị; ịsa ana vọrọ ọnọọ, Ímeri nyị aanị nị. Ọza ọ yị vaa dọ ọ hụrẹ ẹ ụvọ.”

Imatiwu 28:8

Dị ẹ wụsẹ hụụnị ikuta ịzọọ beri angwahi ọnịrị ịrajẹ ọbanyị, di e zwe ka ẹnị ẹ̀ na kà a yị ezirẹma anị nị.

Ịjọọnụ 16:20

Ịzẹyịza m maa kà a wụ nịnị nị, u vee nowu, di u wee sụ ùnè nịnị, ama dị anẹhẹ ẹnị aa jẹ. Ayị awụ nịnị vee du, ama ayodu awụ nịnị vaa vara ayohine.

Iruuku 19:26

Dị ọga ọnọọ ka: ‘Dị ma kà a wụ nịnị ka ọza ana àa nyị ịsa, á vaa sị ịsaa tụ́ ọọ yị nị. Ọza ẹnẹ ẹ̀ yị nyị ịsa, ọnị ọ̀ọ hyakụ nyị, vị ana aa dọ ọ.

Ijoovu 34:29

Ohomorihi ọ̀ọ ka ẹ yị nyị ịsị ọnị a mẹ̀ vụrụ-vụrụ. Ẹnẹ hwọ jị ịvị yọ? Ọ̀ọ ka ọnị aa sị̀ eyi tẹ̀, ẹ yị nyị ịsị ị zụ mẹ

Ịjọọnụ 16:16

Dị Ijeesu rẹ ka, “Òo kù chee, we yi kuku vee re mi nịnị; òo re nee kù chee, di u ree re mi nịnị.”

Ahẹ Ụgama 33:21

Ọnị ọ mẹ ka ya jẹ ịrajẹ nị, ụvị ka ya sị ayị tụra ọnị.

Ijeremaya 31:12

Ẹnịnị vaa vẹ, dị ẹ jẹ ịrẹsụ dị ẹyaa jị ahẹ boro-boro. E vee hine ayị agụvị ịsọyịza ẹnẹ Ẹnẹyịmavara mẹ yị wa. E vee hine ayị agụvị ịsọyịrị, eche, ọnịrị angwẹ beri ịsụpa ọnị ọ vaa sịị yị wa. Ẹnịnị vị ana vaa yà anka ụbazị ana a da enyi hi avọọ. Ẹnịnị é yi me vene re ayodu.

Ịjọọnụ 14:19

Òo nee kù chee, anẹhẹ e yi kuku vee re mi. Ẹwụ nịnị vee re mi. Mị yàra, ẹwụ nịnị rẹ vaa yàra bẹẹ.

2 Anịkọrịntị 6:10

Aza ee du yi ayị, ama ayị ayị ee yii hine pooro. Yâ vị onosiye, ama yâ mẹ ka aza ọrụrụ-ọrụrụ ẹ̀ nyị ụbanyị, ẹ yị nyị ịsị nyị, ama yá nyị avaba ịsa.