Ịjọọnụ 16:15 - IWE ỌNỊNỊ

¹⁵ Avaba ịsị Ada anị ọ̀ọ nyị vị áamị; agụvị avọọ mị kà a ka ịrẹyị amị ọ vaa kà a wụ nịnị nị.”

Ịjọọnụ 16:15 Referans Kwoze

Ịjọọnụ 17:10

Avaba ịsị mị nyị vị áawụ, ịsị ẹwụ rẹ nyị vị áamị. Ma raà sị ụbanyị amị zụ̀ ini oze ẹnịnị.

Ịjọọnụ 3:35

Ohomorihi Ada ayị ô sì ịrẹyị Ozi anị, dị ọ rẹ sị avaba ịsavị-ịsavị chire e ụvọ nị.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Anikorasi 1:19

Agụvị ka Ohomorihi ọ sị ọ mẹ tịtẹ ka Ozi anị ọ̀ gụ ịnị avaba ịsa, anka ọnị mẹ̀ rẹ gụ

Iruuku 10:22

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi ọnịnya ọnịrị aza ene èe zé Ozi eyi ka ọnị ọ̀ sị zụ̀.”

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Ịjọọnụ 13:3

Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

Anikorasi 2:9

Ini Ikirisiti ana a ma anka ọzarẹyịrẹsụ, Óhomorihi ọnịrị avaba ịsị ọ vị yà nị.

Ịjọọnụ 17:2

Wa raà sị ọda avaba aza chire mi ụvọ, agụvị dị ma zụ mẹ ka avaba aza ọnị ụ kụ́ chire mi ụvọ, ẹ̀ yàra ị́dị awụ pooro zịna-zịna.

Anikorasi 2:3

Ijeesu Ikirisiti ịnya kẹnẹ ọ zụ mẹ ka ya nyị ịrẹyọyẹ dị ya zụ yẹ ịzẹyịza nị. Ịrẹyọyẹ ọnọọ ọ́ọ nyị ọgụ ẹtẹẹtẹrẹ.

Ịjọọnụ 14:21

Ọza ana àa dọ ọda amị, dị ọ saasa a nị, oni o sì ịrẹyị amị nị. Ada amị oni re vee sì ịrẹyị ọza ene èe sì ịrẹyị amị. Ẹmị re vee sì ịrẹyị ọza ọnọọ, dị mị rẹ sị ẹngụ amị zụ̀ ọ.”