Ịjọọnụ 15:26 - IWE ỌNỊNỊ

²⁶ “Ịhị Ohunẹnọzayị ọnọọ ọ̀ọ vẹ, ọnị mị vaa tụ́ hụụ ịdị Ada amịị vẹ, ọ vaa dọ ivenuu tụ́ ịnị ịrẹyị amị. Ọnị ọ vị Ụhwẹ Ọnịnị anaā sịị ịzẹyịzaa zụ̀ nị; ịdị Ada amị ọ hụrẹ vẹ nị.

Ịjọọnụ 15:26 Referans Kwoze

Ịjọọnụ 14:26

Ohunẹnọzayị ọnọọ ana vị Ụhwẹ Ọnịnị, ana Ada amị vaa tụ́ụ vẹ ịnị ịrẹha amị, ọ vaa sị avaba ịsaa zụ̀ wụ nịnị, dị ọ rẹ mẹ ka wa tamayị avaba ịrẹyị ọnị mị vịdị sị kà a wụ nịnị.

Odeyi 5:32

Ya zụ dọ ivenu tụ́ ịnị ịrẹyị ẹnẹnị. Ụhwẹ Ọnịnị oni Ohomorihi sị yị aza ana wụ́ chire e, ọnị rẹ vị onivenu.”

Odeyi 15:8

Ohomorihi ana yẹ ayị ọza, ộ sị zụ̀ ka ọnị ộ dọ Anigiriki nịnị, agụvị ka ộ sị Ụhwẹ Ọnịnị yị wa, anka ọ mẹ̀ rẹ sị yị ẹyị.

Iruuku 24:49

Re, mị vaa sị ịsa ana Ada amị kà a ka ẹ yị zụ nyị ka ọnị ọ yị sị wụ nịnị, tụ́ hi wu nịnị. Ama jẹẹ Ijerusarẹmị nịnị pooro di Ohomorihi ọ̀ sị ụkata hụrẹ ẹbẹẹba va wụ nịnị!”

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.

Anihiburu 2:4

Ohomorihi ọnị ọ rẹ dọ ivenu tụ́ ọọ ini oze ụkọrọ apọtẹrẹwa ọnịrị ohyozirenu irenyi-irenyi ana aa mẹ; ọ rẹ mẹ ka Ụhwẹ Ọnịnị anị ọ̀ sị ụkata irenyi-irenyi yị ọzọza anka o mè sì ọọ.

1 Anịkọrịntị 1:6

Ịrẹyị Ijeesu Ikirisiti (ọnị ụ vịdị wụ́ nịnị) ọ raà ha ẹpa tụ́ ịnị ayị awụ nịnị;

Ịjọọnụ 16:7

Ama dị ma kà ịzẹyịza wụ nịnị ka màa na, ọ dahi yị wụ nịnị hu nị. Mẹ̀ yị na, Ohunẹnọzayị ọnọọ ọ yị vaa vẹ ịdị awụ nịnị. Màa zị na, dị mị tụ́ ọọ ve tù wu nịnị.

Ịjọọnụ 8:42

Dị Ijeesu kà a yị wa ka, “Àa vị Ohomorihi ọ yaanị vị Ada awụ nịnị nị, ụ yaanị sì ịrẹyị amị nịnị, agụvị ka ịdị Ohomorihi mị hụrẹ vẹ ịzẹnị nị. Ẹ yị vị ẹmị ụvọta ọ tụ́ ẹngụ amị vẹ; ọnị ọ tụ́ mị vẹ ẹhẹ nị.

Odeyi 1:4

Ẹ mẹ̀ sị wara gụ, dị Ijeesu hú wa ụvọ, dị ọ ka, “Asị ụ hụrẹ Ijerusarẹmị nịnị! Ama jẹẹ zí ẹyịza ana Ada amị wo oto anị ka ọnị vaa sịị yị wụ nịnị anka m mẹ̀ vịdị kà a wụ nịnị.