Ịjọọnụ 15:22 - IWE ỌNỊNỊ

²² Mẹ̀ yị yaanị vẹ ẹhẹ va kà ịrẹyị yị wa, ẹ yị yaanị rị ịvị; ama booro aanị, e yi kuku re kụ́.

Ịjọọnụ 15:22 Referans Kwoze

Ịjọọnụ 9:41

Dị Ijeesu tụ́ wa ohi, dị ọ ka, “Wàa yaanị vị ogweyi nịnị, wẹ yị yaanị rị ịvị nịnị; ama ụ ka wee re ẹtẹ nịnị, agụvị avọọ ịvị awụ nịnị yị yà wụ nịnị ịrẹsụ.”

Ijemiisi 4:17

Agụvị avọọ ọza ana àa yẹ ịsa ana vọrọ dị ẹ̀ yị mẹẹ nị, ịvị ọ vị yọ nị.

Odeyi 17:30

Ụmẹ ana aza ẹ̀ yị sị yẹ ịsa ẹnẹnị, Ohomorihi ọ raà sị eyi jịnẹ ẹ. Ama booro aanị, ọ raà mẹ ọda ka avaba aza avaba aha è ro ịnẹ varẹma.

Aniroomi 1:20

Óhomorihi mẹ̀ hụrẹ mẹ ẹhẹ, ọ raà sị ẹngụ ọza ọnị ọnị vị zụ̀, ọza ọ̀ yị daka zụ re e. Agụvị ka ọnị ọ mẹ avaba ịsa nị, aza e zụ re e gedebee ka ụkata anị yà ịzọọ pooro zịna-zịna. Ẹ rẹ zụ zị oze avọọ re e ka ọnị ọ vị Ohomorihi nị. Ẹ yị nyị ọza ene kuku re kụ́ vụrụ-vụrụ.

Ịjọọnụ 12:48

Ọza ene èe yi mi tịtẹ, dị ọ̀ yị dọ ịrẹyị amị nị, â nyị ịsị ẹ vaa mẹ̀ ọkarẹyị yọ. Ịrẹyị ọnị mị sị kà, ọnị gẹdẹ-gẹdẹ ọ vaa mẹ̀ ọkarẹyị yọ ịnị ẹkụhị ọdịrẹma nị.

1Ipita 2:16

Waa mẹ anka aza ana nyị ẹngụ anị nịnị, ama asị ụ sị ọnọọ kà eyi hi, dị ụ waa mẹ̀ ịsa odivi; ama waa mẹ anka ozi ahụ Ohomorihi nịnị.

Aniroomi 2:1

Ẹwụ nịnị ana aa mẹ̀ ọkarẹyị yị aza, ọza tụra ọza ọnị ụ wàa vị; ẹ yị kụkụ nyị ịsị u zụ re kụ́ nịnị. Ụ màa mẹ̀ ọkarẹyị yị ọza, wẹ yị yẹ ka ẹngụ awụ ụ waa mẹ̀ ọkarẹyị yị avọọ nịị! Agụvị ka ịsa ọnyọọnya ẹwụ rị ọọ aa mẹ nị.

Iruuku 12:46

dị ọga anị vana vẹ kẹnẹ ẹkụhị ọnya oni ò yi zí ọọ eyi ọnịrị ịnị ụmẹ ọnị ọ̀ yị yẹ. Dị ọga anị za a, dị ọ sẹ̀ ẹ rugu-rugu, dị ọ sị ọgụ ọza ẹnẹ ẹ̀ yị mẹ ịzẹyịza yọ.

Ezikẹẹrị 2:5

Aza ẹnẹẹ anaa kụ̀ụ hịrẹ ọza avọọ ẹ̀ẹ ka ẹnịị wụ́, ẹ̀ẹ ka ẹnị ẹ́ yị wụ, ẹnịnị vaa yẹ́ ka ọnịsẹ ọnyara yà ịnị ẹngụ ẹnịnị.

Ịjọọnụ 19:11

Dị Ijeesu ka, “Wẹ yị yaanị nyị ụkata ọyịmẹ̀ mị ịsọnyị-ịsọnyị, ẹ̀ yị vị oni Ohomorihi sị ụkata ọnọọ yị wụ. Ọza ana sị mị chire wu ụvọ, ịvị anị banyị hu nị.”

Ịjọọnụ 15:23

Ọza ana àa nyị ịhyẹrẹ amị, vị ọ rẹ nyị ịhyẹrẹ Ada amị avọọ nị.

Ịjọọnụ 15:24

Ụkọrọ ẹbanyị-ẹbanyị ọnị mị mẹ ịnị akakana ẹnịnị, ẹ̀ yị nyị ọza ana vavọọ mẹẹ da; mẹ̀ yị yaanị mẹ ẹngụ ụkọrọ ẹnẹẹ, ẹ yị yaanị rị ịvị. Ama ẹ sị ụkọrọ ẹnẹẹ re, ẹ nyị nyị ịhyẹrẹ amị ọnịrị Ada amị bẹẹ.

Ịjọọnụ 16:9

Ẹnịnị ệ rị ịvị, agụvị ka ẹnịnị ẹ yị sị ayị tụra mị.