Ịjọọnụ 15:19 - IWE ỌNỊNỊ

¹⁹ Àa vị áanẹhẹ ụ vị nịnị nị, anẹhẹ yaanị sì wu nịnị anka aza anị. Ama ẹwụ ẹ yị vị áanẹhẹ; ẹma sị ẹwụ nịnị nyị hụụnị ẹhẹ; agụvị avọọ ánẹhẹ aa nyị ịhyẹrẹ awụ nịnị nị.

Ịjọọnụ 15:19 Referans Kwoze

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

1 Ịjọọnụ 3:12

Asị ị mẹ̀ ebira anka ọza ana aā hị́ Ikeeni. Ikeeni vị ozi Echu, dị ọ za ọyịnyara anị dị ọ wụ̀ ọ nị. Sị ẹ vẹ dị ọ wụ̀ ọ? Agụvị ka avaba ịsa ọnị Ikeeni aa mẹ, vị ịsa edivi; ama ọyịnyara anị vị anaā mẹ ịzẹyịza.

Iruuku 6:32

Àa vị ọza ene sì ịrẹyị awụ nịnị kẹnẹ, ẹwụ nịnị reē sì ịrẹyị anị nị, ye re ọgụ ọnị ụ nyị? Áa vavọọ aza edivi nịnị ẹnị mẹ̀ rẹẹ̄ mẹ.

1Ipita 4:3

Ụmẹ ọnị vịdị sị mẹ̀ ịsa ọnị anarịmadọwụ nịnịị̄ mẹ avọọ, óo ze. Ịsị ụ vịdịị mẹ nịnị yị: Ebira kẹnẹ-kẹnẹ, ịsa edivi ọnị ọchẹngụ ọzaā sì, di u wee hú eche dị aa mẹrị wụ nịnị; dị ụ raa rị ịsa di u wee hú eche chavaa nịnị kẹnẹ. Ụ rẹẹ̄ hẹkẹ ori nịnị ana vị ịsa Ohomorihi ò yi sì vụrụ-vụrụ nịnị.

Ẹtore 12:17

Dị ayị uye odivi ọnọọ aa dà ọva agụvị ọnẹẹ ọnọọ, dị ọ varẹma ka oni ee nee pe ezi ọnẹẹ ọnọọ kụ̀ ịrẹkụ nị, avaba ezi anị anaa saasa ọda Ohomorihi, dị ẹ rẹ sị ụvọ za ịrẹyị ịzẹyịza oni Ijeesu sị zụ wa.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Imatiwu 10:22

Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Imatiwu 24:9

Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

Ịjọọnụ 6:70

Dị Ijeesu tụ́ ohi, dị ọ ka, “Wâ yẹ ka ẹma nyị ẹwụ nịnị ẹwụrẹva nị. Ama ọza ịnyara awụ nịnị vị echu.”

Ịjọọnụ 13:18

Ẹ yị vị avaba awụ nịnị m maa kà, oo! Mâ yẹ aza ọnị mị nyị. Ama ịrẹyị ini Iwe Ohomorihi vaa sẹ, ộ kà a ka: ‘Ọza ẹnẹ ẹmịrịị aa rị ịsa ọnya, ọ kwẹẹtẹ tù mi nị.’

Ijemiisi 4:4

Wâ navọ Ohomorihi tịtẹ nịnị anka ọsẹrẹka ana navọ ọva anị tịtẹ avọọ. Wáá yẹ nịnị ka ọza ene sì ịrẹyị ịsa ịnị ẹhẹ ọnọnị vị ọnịvị Ohomorihi? Ọza ọnịrị ẹhẹ ọ̀ọ sị ọta za, ọza ọnọọ ọ sị vara ọnịvị Ohomorihi.