Ịjọọnụ 15:15 - IWE ỌNỊNỊ

¹⁵ Hụrẹ ọyaanị na, mẹ yị kụkụ hị́ wụ ozi ahụ amị nịnị. Wâ yẹ ka ozi ahụ ọ mā yẹ ịsị ọga anị aa mẹ. Maa hị́ wụ nịnị ọta amị, agụvị ka avaba ịrẹyị ana Ada amị kà mị, mị sị zụ̀ wụ nịnị nị.

Ịjọọnụ 15:15 Referans Kwoze

Ahẹ Ụgama 25:14

Ẹngụ aza ana sị ụbanyị yị Ẹnẹyịmavara Ẹnẹyịmavara ọnị rẹ vaa sị ịnẹẹ zụ̀ nị Ọ vaa kà a zụ̀ wa ịsa ọnị ọ ka ọnị vaa mẹẹ yị wa.

Imatiwu 13:11

Di o tụ́ wa ohi, dị ọ ka, “Ohomorihi ọ raà mẹ ka wa yẹ nịnị ịrẹyị ịjọva Ada ayị ẹbẹẹba oni iruvo anị nyịnẹ. Ama ọza ẹ yị zẹẹ ka ẹnị ẹ̀ yẹ.

Ijemiisi 2:23

Avọọ ịrẹyị ana chẹrẹ tụ́ ini Iwe Ohomorihi, mẹ̀ sẹ nị. Ịrẹyị ọnọọ ka: Abụrahamị ộ sị ayị tụra Ohomorihi, agụvị avọọ dị Ohomorihi za ịrịka tụ́ ịnị ọnịrẹyịzẹyịza nị; dị a kụkụ aa hị́ ọ ọta Ohomorihi nị.

Anikorasi 1:26

beri ịrẹyị oni iruvo anị nyịnẹ. Ịrẹyị ọnọọ vị ana vị dị tẹ̀; aza ẹ yị vịdị yẹẹ hụrị ụmọrụmọ. Ama ọyaanị Ohomorihi ọ raà sị zụ̀ aza anị.

Ẹtore 1:1

Iwe ọnọnị vị ịrẹyị ịsa oni Ijeesu sị zụ̀ ezi ahụ anị. Ohomorihi ộ sị ịsa ẹnẹnị yị Ijeesu Ohinọyị ọnị Ọ nyị ka ọ̀ dọ yị há, ka ọ̀ sị zụ̀ wa ịrẹyị ana ahịka o yi vee kù dị ẹ̀ mẹ. Di Ikirisiti tụ́ anggẹẹrị anị hi Ịjọọnụ ozi ahị anị ka ọ̀ na sị ịsa ẹnẹẹ zụ̀ ọọ nị.

Anẹhwẹsọsị 3:5

Ịyẹẹyẹ, Ohomorihi ọyị vịdị sị ịrẹyị ẹnẹẹ zụ̀ aza. Ama booro aanị, Ohomorihi ọ raà mẹ ka Ụhwẹ Ọnịnị ọ̀ sị zụ̀ odeyi ọnịnị ọnịrị ọnịsẹ anị nịnị.

Anẹhwẹsọsị 1:9

Ọ raà sị zụ̀ yị saka-saka, ịsị ọnị ọ vịdị sị eto anị mẹ ka ọnị vaa zị oze ịnị ụvọ Ikirisitii mẹ; eyi ayị ẹ yị vịdị há tù ịsa ẹnẹẹ.

Ịjọọnụ 20:17

Dị Ijeesu kà a yọ ka, “Asị ụ sị ụvọ kanyị mị, agụvị ka mẹ yị varẹma nọ ẹbẹẹba ị́dị Ada amị! Ama na kà a yị ẹyịnyara amị ka: maa nọ ẹbẹẹba ị́dị Ada amị ana rẹ vị Ada ẹwụ nịnị; ọnị ọ vị Ohomorihi amị, dị ọ rẹ vị Ohomorihi awụ nịnị nị.”

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

Anigaratiya 4:6

Dị à zụ yẹ ka ezi Ohomorihi ụ vị nịnị nị, Ohomorihi ộ sị Ụhwẹ Ọnịnị Ozi anị tụ́ ịnị ayị awụ nịnị, di ee nowu ka: Ada amị!

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Ịjọọnụ 8:26

 nyị ịsa ọrụrụ-ọrụrụ ọnị mị zụ kà, dị ma rẹ sị jị ịvị wụ nịnị. Ama Ọza ana tụ́ mị vẹ ẹhẹ vị ọnịzẹyịza. Ịrẹyị anị ọnị mị wụ́, m maa kà a yị anẹhẹ nị.”

Emọsị 3:7

Ịzẹyịza Ananyị yi Ẹnẹyịmavara ọ mā mẹ̀ ịrẹyị dị asị ọ sị iruvo anị zụ ezi ahụ anị ana vị ọnụtụ anị.

1Ipita 1:11

Ụhwẹ Ọnịnị Ikirisiti ana yà ịnị ayị ẹnịnị aa kà a yị wa, Ikirisiti mẹmẹ vaa rị ụya dị à va sị igirimaa yọ. Eyee sì ka ẹnị ẹ̀ yẹ ụmẹ ọnị ịsa ẹnẹnị vaa sị mẹ ọnịrị ọ mẹmẹ vaa yà.

Ijemiisi 1:1

Ẹma vị Ijemiisi ana vị ozi ahụ Ohomorihi ọnịrị Ijeesu Ikirisiti Ananyị yị nị. Maa chẹrẹ iwe ọnọnịị tụ́ụ hi ẹwụ nịnị aza Ohomorihi ana gara hi avaba ẹhẹ. Wáá dahi nịnị?

Ihwirimọnị 1:16

Ẹ́ yị kụkụ vị ọrịhị awụ kẹnẹ Onesimọsị vị, o si huna ọrịhị yị wụ. Ọyịnyara ayị ini Ikirisiti ọ kụkụ vị nị. Ịsa obooro ọ vị mị nị; máa yẹ ka ọ vaa vị ịsa obooro hu avọọ yị wụ anka ọza, dị ọ rẹ kụkụ va vị ọdọwụ bẹẹ.

Ịjọọnụ 17:26

Ma raà mẹ ka ẹ̀ yẹ ọza ọnị ụ vị. Avọọ m mẹ̀ vaa yịị mẹ ka ẹ̀ yẹ wụ nị, agụvị dị ịrẹyị amị oni u sì, ọ̀ zụ yà ịnị ayị ẹnịnị, dị ẹmịrị wa ọ̀ vị ọnya.”

Ịjọọnụ 15:20

Tamayị ịrẹyị ọnị mị vịdị kà wụ nịnị ka ozi ahụ o mē huna ọga anị. Ẹ̀ẹ raà sị ụya rị mị, ẹ rẹ vaa sị ụyaa rị ẹwụ nịnị bẹẹ. Ẹ̀ẹ dọ ịrẹyị amị, ẹ rẹ vaa dọ ịrẹyị ẹwụ nịnị bẹẹ.

Ịjọọnụ 13:16

Ịzẹyịza m maa kà a wụ nịnị nị, wâ yẹ ka ozida o mē huna ọga anị. Ọza ana a tụ́ ụtụ, o mē re huna ọza ana tụ́ ọọ ụtụ.

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

Ịjọọnụ 4:19

Dị ọnẹẹ ọnọọ kụkụ ka, “Ọga, mee ro ka ọnịsẹ ụ vị nị.

Iruuku 10:23

Dị Ijeesu và eyi kà ezirẹma anị, dị ọ tangwa kà a yị wa ka, “Wâ da jẹ nịnị ka eyi awụ nịnị ee re ịsị u wee re nịnị aanị.

Ụhịrẹyị 18:24

Aza ẹnyị vị eneē vene ẹngụ ka ọta ẹnị vị nị ama a nyị ọta ẹnyị ana gụrị ẹngụ huna ẹyịnyara.

Ịjọọnụ 16:12

“Mị yaanị yị nyị ịrẹyị ọrụrụ-ọrụrụ ana a vọrọ ka ma kà wụ nịnị; ama wẹ yị kụkụ zụ za a nịnị booro aanị.

Aniroomi 7:15

agụvị ka ịsa ẹnẹ ẹmị ụvọta aa mẹ, mẹyị hyakụ yẹ. Ịsị mi sì ka ma mẹ, mẹ mā mẹẹ. Ama ịsị mè yi sì ka ma mẹ, ọnị gẹdẹ-gẹdẹ mịī mẹ nị.

1 Anịkọrịntị 2:16

Anka a mẹ chẹrẹ ẹ, “Ẹnẹ ka ọnị ọ́ọ yẹ ịsị Ohomorihi Ananyị yị ee ro ịnị ayị anị? Ẹnẹ ka oni o zụ juwee yọ?” Ama ẹyị áa nyị ariro oni Ikirisiti nyị.