Ịjọọnụ 15:12 - IWE ỌNỊNỊ

¹² “Ọda ọnị mị mẹ wụ nịnị, yị; Ka we sì ịrẹyị ẹngụ nịnị anka ẹ́mị mè re sí ịrẹyị awụ nịnị.

Ịjọọnụ 15:12 Referans Kwoze

1 Ịjọọnụ 4:21

Ọda ọnị Ohomorihi mẹ yị yị: Ọza ene èe sì ịrẹyị Ohomorihi, ò re sì ịrẹyị ọnọhụva anị bẹẹ.

Ịjọọnụ 13:34

Maa sị ọda ọwọọwaa wụ nịnị: wee sì ịrẹyị ẹngụ nịnị! M mè sì ịrẹyị awụ nịnị gẹdẹ-gẹdẹ, avọọ a mẹ̀ vọrọ ka wee sì ịrẹyị ẹngụ nịnị nị!

1Ipita 4:8

Ịsị e hu keekere yị: Wee sì ịrẹyị ẹngụ nịnị pooro, agụvị ka wèe sì ịrẹyị ẹngụ nịnị, ọ vaa mẹ ka à vagu ịvị ọrụrụ-ọrụrụ.

1 Ịjọọnụ 3:23

Ọda ọnị ọ́ mẹ yị yị: ka ya sị ayị tụra Ijeesu Ikirisiti Ozi anị, di ye re sì ịrẹyị ẹngụ. Ọda anị ọ vị ọnọọ nị.

Aniroomi 12:10

Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

1Ipita 3:8

Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

1 Anịtẹsaronika 4:9

Ẹ yị kụkụ nyị ka ma rẹẹ chẹrẹ iwee tụ́ụ hi wu nịnị ka wee sì ịrẹyị ẹngụ nịnị. Ohomorihi ọ raà sị zụ̀ ẹwụ nịnị ụvọta ka wee sì ịrẹyị ẹngụ nịnị.

1 Anịtẹsaronika 3:12

Ananyị yị ọ̀ navọ wee sì ịrẹyị ẹngụụ hu avọọ, di u we ree sì ịrẹyị azaa hu avọọ, anka ẹ́yị mè ree sì ịrẹyị ẹwụ nịnị.

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

Ịmarakayị 1:2

Ẹnẹyịmavara kà ọnị vị eneē sì ịrẹyị Anisirẹrị nịnị. Dị ẹnịnị họ̀ ọ use ka, “Ọ́ mẹmẹ sì ịrẹyị ẹnịnị kẹ?” Dị Ẹnẹyịmavara va ohi wa ka, “Ẹ́ẹ́ yẹ ka Ijekọvụ ana vị ohiku ẹnịnị vị ọyịnyara Iisọ?” Ama dị ọnị sì ịrẹyị Ijekọvụ nị,

Ịjọọnụ 15:17

Ọda ọnị mị mẹ wụ nịnị yị ka: we sì ịrẹyị ẹngụ nịnị!”

2 Ịjọọnụ 1:5

Onyeyiza amị, aarịhịnị maa dá ịpẹẹ wụ; ẹ́ yị vị ka m maa chẹrẹ ọda ọwọọwa tụ́ụ hi wu nị. Ọda ọnị ị vịdị sị wụ́ hụrị ụmọrụmọ yịị yọ nị, ka ye sì ịrẹyị ẹngụ.