Ịjọọnụ 15:1 - IWE ỌNỊNỊ

¹ Ijeesu ọ rẹ kà a yị ezirẹma anị ka, “Mị sị mẹẹ anka ọchị anaā tụ́ ana aā hị́ ịvayịnị avọọ nị. Ada amị vị ana sị mẹẹ anka ọza ana nyị ụbazị ene ee tenyii ọchị ọnọọ avọọ.

Ịjọọnụ 15:1 Referans Kwoze

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

1 Anịkọrịntị 3:9

Ẹyị vị ene dudu aa mẹ ụkọrọọ yị Ohomorihi. Ẹwụ nịnị vị ana sị mẹẹ anka aarẹ Ohomorihi, à vị irehi oni Ohomorihi aa dà.

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ayịsaya 4:2

Ụmẹ ọnya aa vẹ ịhị ọnọọ Ẹnẹyịmavara vaa mẹ ka ọchị ana yà ịnị ẹtẹ ọnọọ ọ̀ há avọ ọnya aanị. Avọ ọnọọ vee zoza dị ọ nyị ụbanyị. Ẹtụtụ ana avọ́ ọchị ọnọọ vaa tụ́ ịnị ẹtẹ ọnọọ vaa mẹ ka Anisirẹrị ana ha ẹ̀ sịị mẹ ụbanyị dị ẹ̀ẹ sịị jẹ ịrajẹ.

Ịjọọnụ 6:55

agụvị ka ọchẹngụ amị ọ vị ịsọyịrị obooro nị, dị anya amị ọnị rẹ vị ịsa obooro ana a vọrọ ka ọza ò hù nị.

Ijeremaya 12:10

Ọ kà, oseratẹmẹ ọrụrụ-ọrụrụ ẹ sị ụbazị ịvayịnị anị du ha. Ẹ raa sị ahụ chaka aarẹ anị. Ẹ sị ẹtẹ anị ọkụmị-ọkụmị vara ụnọmị ọyịwụ.

1 Ịjọọnụ 2:8

Ama áa nyị ịsa ọwọọwa ọnị maa chẹrẹ ẹ tụ́ụ hi wu nịnị ana yà ịnị ọda ọnọọ. Ijeesu ọnị ụvọta ộ sị zụ ka ịzẹyịza ọwọọwa yọ, ọnịrị ẹwụ nịnị bẹẹ; agụvị ka ịrahụ aa tá, ẹtohweyi obooro o si nyima aa vẹ.

Ịmaakị 12:1

Dị Ijeesu nyima aa sị ụhịrẹyịị kà ịrẹyịị yị wa nị; dị ọ ka, “Â nyị ọza ịnya aanị ana dà ụbazị, dị ọ hị́ ọchị ana aā hị́ ịvayịnị tụ́ ịnị anị nị. Dị ọ rẹ họ̀ kara a nị. Ộ jị ụkọ ịzị a vaa yàa kwọrọ ẹtụtụ ọchị ẹnẹẹ, dị ọ re hi ụta oserẹtẹ tụ́ ọọ nị. Ộ sị ụbazị ọnọọ rere aza ẹnyị aanị ka ọnị ọ̀ọ dọ wa ọtụrọsarẹsụ anị. Di o si hu aa hụrẹ eehi nị.

Imatiwu 21:33

“Re wụ́ ụhịrẹyị ọsa nịnị! Â nyị adarehi ọnya aanị ana dà ụbazị, dị ọ họ̀ kara a nị. Dị ọ jị ụkọ ịzị a vaa yàa kwọrọ ẹtụtụ ọchị ene hi ịnị anị nị. Di o re hi ụta oserẹtẹ tụ́ ọọ nị. Di o si rere aza ẹnyị ka ọnị ọ̀ọ dọ wa ọtụrọsarẹsụ anị nị. Di o si hu aa hụrẹ eehi nị.

Ihoseya 10:1

Anisirẹrị nịnị vị ana sị mẹ anka ọchị ịvayịnị ana za ẹnya ohihi avọọ nị. Ẹtụtụ anị maa rụrụ, avọọ ẹnịnị mee hi ụta ori hu avọọ nị. Ẹkụra maa ka tụ ọvịdị, avọọ ẹnịnị mẹ raà da ụvọ tụ ịnị ụvọ hi ịrẹta yị ori ẹnẹ ẹ yaa hẹkẹ nị.

Ịjọọnụ 6:32

Dị Ijeesu kà a yị wa ka, “Ịzẹyịza m maa kà a wụ nịnị nị: Ịsọyịrị oni Imosiisi sị va yị wụ nịnị, ẹ yị vị ịsa obooro ana hụrẹ ẹbẹẹba vẹ. Ama Ada amị ọ sị ịsọyịrị obooro hụrẹ ẹbẹẹba va yị wụ nịnị nị.

Iruuku 13:6

Dị Ijeesu ve che ụhịrẹyị ọnọnị yị wa nị ka, “Â nyị ọnọrụ ọnya ene chire ọchị ọnya aanị, ana sị mẹẹ anka ezu tụ́ ịnị ụbazị anị. Ộ vẹ ka ọnị ọ̀ va há ẹtụtụ hụụnị anị, ama o yi re há.

Imatiwu 20:1

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka adarehi ọnya aanị, ana kwẹẹtẹ ẹnẹnẹ viri-viri ka ọnị ọ̀ na dọ anụkọrọ, dị ẹ̀ va mẹ̀ ụkọrọ yị ọnị ịnị ụbazị anị.

Ahẹ Isoromọnị 7:12

Vẹ ye jintu kwẹẹtẹ ẹnẹnẹ, di ya nọ ịzị ịvayịnị hi, dị ye ne ré èe si nyima ee nyị avị ọwọọwa. Vẹ ye ne ré ọchị ipomagiranati ọnịrị ọchị ana vọ àaa tụ̀ ododo. Ịzọọ mị vaa sị zụ wụ mmẹmẹ sì ịrẹyị awụ nị.

Ịzakaraya 3:8

Ọ kà Ijosuwa ana vị ohirẹsụ ọbanyị irehi Ohomorihi ohirẹsụ ọnịrị ohirẹsụ irehi Ohomorihi nịnị ana vọ ẹ batọ. Ọ kà ẹnịnị ẹ vị apojuwe ẹhẹ ozoza anaa vẹ ịrẹma nị.

Ịjọọnụ 1:9

Etohweyi obooro ana aa sị ẹtohweyi zụ̀ aza, aa vẹ ịnị ẹhẹ,

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ezikẹẹrị 19:10

Ọnyị awụ vị ana sị mẹẹ anka ọchị ịvayịnị ene e chire tụ ụtọ okuha avọọ, ka ee re enyi hú ẹtẹẹrẹ, dị ọchị ịvayịnị nyị avị ẹtẹẹtẹrẹ, dị ọ́ rẹ nyayịnẹ tụ ẹtụtụ nị.

Imatiwu 15:13

Dị Ijeesu tụ́ ohi, dị ọ ka, “Avaba ọchị ẹnẹ ẹ̀ yị vị Ada amị o chire, vị enee vee hu nee ta.

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.

Aniroomi 11:17

 dà ẹnyị ịnị avọ oromi obooro. Ẹwụ nịnị ẹnẹ ẹ̀ yị vị Aniju vị ana sị mẹẹ anka avọ oromi ịnị avị avọọ.  sị wụ́ chire oromi obooro ọnọọ. Dụ ụ kụkụ aa rị ịsọyịrị ozoza ẹnẹ ẹpa oromi obooro aa sịị vẹ.