Ịjọọnụ 14:21 - IWE ỌNỊNỊ

²¹ Ọza ana àa dọ ọda amị, dị ọ saasa a nị, oni o sì ịrẹyị amị nị. Ada amị oni re vee sì ịrẹyị ọza ene èe sì ịrẹyị amị. Ẹmị re vee sì ịrẹyị ọza ọnọọ, dị mị rẹ sị ẹngụ amị zụ̀ ọ.”

Ịjọọnụ 14:21 Referans Kwoze

Ịjọọnụ 14:15

“Wàa ka wee sì ịrẹyị amị nịnị, ụ vaa saasa ọda amị nịnị.

1 Ịjọọnụ 5:3

Yèe sì ịrẹyị Ohomorihi, ị rẹ vaa saasa ọda anị. Ọda Ohomorihi ẹ́ yị katẹngụ,

1 Ịjọọnụ 2:5

Ama ọza ana àa saasa ịrẹyị Ohomorihi, ọnị gẹdẹ-gẹdẹ ịrẹyị Ohomorihi oyisì gụ tụ́ ịnị ayị anị nị. Ịsị ẹ zụ sị zụ̀ ka ẹyịrị Ohomorihi ọ sị vị ọnya yị:

2 Ịjọọnụ 1:6

Yèe sì ịrẹyị Ohomorihi, ị rẹ vaa saasa ọda anị. Ọda anị ọnọọ ọnị ụ vịdị sị wụ nịnị hụrị ụmọrụmọ ọ vị ka yee sì ịrẹyị ọza nị.

Iwe Ọhụhị Imosiisi ana aa hị́ Ọyịvatụrọda 11:13

Imosiisi kà ẹnịnị ẹ saasa ọda ọnị raà sị yị wa ajịnị. E sì ịrẹyị Ẹnẹyịmavara Ohomorihi ẹnịnị, dị ẹ sị avaba ayị ẹnịnị hẹkẹ ẹ.

Ịjọọnụ 16:27

Ada amị ọnị ụvọta ô sì ịrẹyị awụ nịnị, agụvị ka wê sì ịrẹyị amị nịnị, dị ụ rẹ dọ wụ́ nịnị ka ịdị Ohomorihi mị hụrẹ vẹ nị.

Iruuku 11:28

Dị Ijeesu ka, “Eyiye de, aza ana aa wụ́ ịrẹyị Ohomorihi, dị ẹ rẹ sị tụ́ ịnị ayị, ẹ vị ana jẹ nị.”

Ịjọọnụ 15:14

Wàaa mẹ̀ ịsa ọnị mị kà wụ nịnị, ọta amị ụ vị nịnị avọọ nị.

Ẹtore 3:20

Re, mị jẹẹ enoze, maa sị ụvọọ ká na. Di mee pee rị ịsa, dị oni ree pe mii rị ịsa.

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Ẹtore 2:17

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, ọnị vaa sị ịmana oni Ohomorihi sị tẹ̀, dị ọnị sị yọ ka ọọ rị ọọ. Ọnị rẹ vaa sị ịrẹta ọvwọọvụụ yọ; â chẹrẹ ịrẹha ọwọọwa tụ́ ịnị ịrẹta ọnọọ, ana ahịka ẹ yị nyị ọza ana zụ yẹ ẹ, ẹ̀ yị vị ọza ana nyị ọọ kẹnẹ.

Ịjọọnụ 17:23

Ẹmịrị wa vị ọnya, dị ẹmịrị ẹwụ rẹ vị ọnya nị, agụvị dị ẹnịnị ẹ̀ zụ vị ọnya chọchọchọ, dị anẹhẹ ẹ̀ zụ yẹ ka ẹwa tụ́ mị vẹ ẹhẹ nị. Dị ẹ̀ rẹ yẹ ka wê sì ịrẹyị ẹnịnị, anka u mè sị̀ ịrẹyị amị.

Ahẹ Ụgama 35:27

Navọ aza ana aa jẹ ka wẹ yị jị ịvị mị ẹnị ẹ̀ rẹ va nyị ịrajẹ dị ịnẹ ẹnịnị òo hine Ẹnịnị ẹ̀ vaa kà a pooro ka Ẹnẹyịmavara ộ nyị ụbanyị Dị ẹ̀ rẹẹ kà a ka Ẹnẹyịmavara vi ene eē sì ka ẹhẹ ozi ahụ anị ò zoza.

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.

Ịzẹhwanaya 3:17

Ẹnẹyịmavara ana vị Ohomorihi awụ nịnị yà pe wụ. Ụkata anị aa sị wụ nịnị nyị ehuna ọnịvị awụ nịnị nị. Agụvị ka o sì ịrẹyị ẹnịnị, ọ vaa sị ayị awụ nịnị nẹtẹ, O vee hine ayị tu wu nịnị, dị aa jị ahẹ ịnohine.

2 Anịtẹsaronika 2:16

Ijeesu Ikirisiti Ananyị yị ụvọta ọnịrị Ohomorihi Ada ayị ée sì ịrẹyị ayị. Ệ vayị ka ya nyị ayohunẹnẹ pooro zịna-zịna, dị ya rẹ nyị ọyịtureyi tụ́ ịnị ịsa ene zoza.

Ijeremaya 31:31

Ẹnẹyịmavara kà, re, ụmẹ aa vẹ ọnị ọnịrị Anisirẹrị beri Anijuda nịnị vaa zẹẹ oto ọwọọwa.

Ịjọọnụ 16:14

Ọ vaa sị igirimaa yị mị, agụvị ka ịrẹyị amị ọ vaa kà a wụ nịnị nị.

Ịjọọnụ 14:18

Mẹ yị vaa navọ wụ nịnị kẹnẹ anka ozi oku avọọ. Mị vaa vaavẹ ịdị awụ nịnị.

2 Itimoti 4:22

Ananyị yị ọ̀ yà ịnị ayị awụ! Ohomorihi ọ̀ mẹ ọyịza wụ nịnị!

2 Anịkọrịntị 3:18

Ẹyị ana a raà hụ ịsa hụụnị eyi anị, yee re igirima Ananyị yị. I mee re e, dị aa vara yị ka yee véné e hu avọọ nị. Ananyị yị ana vị ụhwẹ Ohomorihi aa mẹ̀ ụkọrọ ọnọọ nị.

Odeyi 22:18

Di mi re Ananyị yị, dị ọ kà a mị ka maa wụsẹ hụrẹ Ijerusarẹmị buru-buru, agụvị ka ivenu anị ọnị màa dọ, ẹnịnị ẹyị vaa dọ ọ wụ́.

2 Anịkọrịntị 12:8

Mâ hụ agụvị avọọ dá ịpẹ yị Ananyị yị tù ịpẹ ẹẹta ka ọ̀ sị ịsa ọnọọ kwooze mi.

Ọyịkụra 33:18

Di Imosiisi va ka Ẹnẹyịmavara ọ̀ navọ ọ̀ sị ụbanyị anị zụ̀ ọnị nị.

Iwe Ọhụhị Imosiisi ana aa hị́ Ọyịvatụrọda 7:13

O vee sì ịrẹyị awụ nịnị, dị ọ mẹ ka ò ze wụ nịnị. Ụ vaa ma ozi nịnị, dị ụ waa rụrụụ hu avọọ nịnị. Ọ va mẹ ka ò ze yị aarẹ awụ nịnị, dị akụ awụ nịnị, eche ọnịrị angwẹ orivi awụ nịnị aa mẹ; ọ vaa mẹ ka ò ze wu nịnị, dị ọ sị ịsụpa ọnịrị atẹmẹ tatarataa wụ nịnị. Ọ vaa mẹ avaba ize ẹnẹnịị yị wụ nịnị ịnị ẹtẹ oni o wo oto yị ohiku awụ nịnị ka ọnị vaa sịị yị wụ nịnị.

Ụhịrẹyị 8:17

Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị.

2 Ohinọyị 18:6

Ộ sị ịzẹyịza saasa Ẹnẹyịmavara, ẹ nyị ụmẹ ọnị ọ sị mẹ akamawụ hi ọ. Ama ộ tangwa saasa ọda ọnị Ẹnẹyịmavara mẹ yị Imosiisi.