Ịjọọnụ 14:12 - IWE ỌNỊNỊ

¹² Ịzẹyịza m maa kà a wụ nị, ọza ana àa sị ayị tụra mị, ụkọrọ ọnị maa mẹ̀ aanị, ọ́nị rẹ vaa mẹ nị. Ọ hyakụ vaa mẹ̀ ụkọrọ ana banyị hu ẹsẹnị bẹẹ, agụvị ka maa nọ ịdị Ada amị.

Ịjọọnụ 14:12 Referans Kwoze

Imatiwu 21:21

Dị Ijeesu kà a yị wa ka, “Ịzẹyịza m maa kà a wụ nịnị nị, wàa nyị ẹdọwụ, dị ụ wẹ̀ yị mẹ ayị ẹẹva nị, ẹ yị vị ịsa ọnị mị mẹ hi ọchị ọnọnị kẹnẹ, ụ vaa mẹ nịnị. Ama wàa hyakụ kà a yị ataba ọnọnị nịnị ka ọ̀ kwẹẹtẹ, di ò ne ẹngụ anị ngụ ini òkū, vị ọ vavọọ aa yà nị.

Ịmaakị 16:17

Aza ana àa dọ wụ́, apọtẹrẹwa ẹnẹnị vaa saasa wa: Ịnị ịrẹha amị ẹ vaa dụ ụhwẹ echu nịnị jịnẹ hụụnị ẹngụ aza. Ẹ rẹ vaa sị ẹkụra ọwọọwaa kà ịrẹyị.

Odeyi 16:18

Ẹkụhị ọrụrụ-ọrụrụ ọ maanị sị sị aa yịị kà nị. Ụpẹ ọnya kẹnẹ, ọ sị kụ́ Ịpọọrụ ayị, dị ọ vara eyi, dị ọ kà a yị ụhwẹ echu ọnọọ ka, “Ịnị ịrẹha Ijeesu mâ mẹ ọdaa wụ, ka wa jịnẹ hụụnị ẹngụ anị!” Dị ụhwẹ echu ọnọọ wụsẹ jịnẹ hụụnị ẹngụ anị nị.

Odeyi 9:34

Dị Ipita kà a yọ ka, “Eniyasi, Ijeesu Ikirisiti ọ sị wụ mẹ ụkụ booro aanị. Kwẹẹtẹ we tenyi ẹngụ awụ!” Obooboro, dị Eniyasi kwẹẹtẹ nị.

Odeyi 19:12

Ankasihu ọnịrị ịta ọnị Ịpọọrụ sị za vị ana aza hyakụ aa kụ́ụ nọ ịdị ọnịkụ nịnị; dị ụkụ ẹnịnị ta, dị ụhwẹ echu ene hi ẹngụ ẹnịnị zwe jịnẹ.

Odeyi 9:40

Dị Ipita ka avaba ẹnịnị ẹ̀ jịnẹ hi ẹhẹ, di o ku ẹtẹ, dị aa mẹ̀ aduwa nị. Di o và eyi kà oku ọnọọ, dị ọ ka, “Itabita, kwẹẹtẹ!” Dị Itabita há eyi anị nị. O mè re Ipita, dị ọ kwẹẹtẹ yaayịtẹ nị.

Odeyi 8:7

Ụhwẹ echu ê nowu zẹtẹ, dị ẹyaa jịnẹẹ hụụnị ẹngụ aza ọrụrụ-ọrụrụ nị. Ihwiripi ọ rẹ mẹ aza ọrụrụ-ọrụrụ ene sú ẹngụ, dị ẹnyị sú ahụ ụkụ ẹnịnị.

Odeyi 5:15

Dị aza hyakụ aa kụ́ ọnịkụ nịnị tụ́ ịnị odooro ọnịrị ịnị ụvẹnẹ vee hi oze, agụvị Ipita ọ̀ọ zị avọọ para hu, dị ụmọmọ anị ọ̀ và tụra aza ẹnyị ẹnịnị.

Odeyi 2:41

Aza ana sị ịrajẹ dọ ịrẹyị anị, â mẹ̀ ọyịhwọzenyi yị wa. Ịhị ọnọọ ẹhụụ aza ẹnị akahị-akahị oze ẹẹta (3,000) ọ vaka ọdọwụ nịnị nị.

Odeyi 4:4

Aza ọrụrụ-ọrụrụ ana wụ́ ịrẹyị odeyi nịnị ệ dọ wụ́. Ịrịka anọrụ ịnị ẹnịnị vị ẹhụụ akahị-akahị oze ẹẹhị (5,000).

Ịjọọnụ 16:7

Ama dị ma kà ịzẹyịza wụ nịnị ka màa na, ọ dahi yị wụ nịnị hu nị. Mẹ̀ yị na, Ohunẹnọzayị ọnọọ ọ yị vaa vẹ ịdị awụ nịnị. Màa zị na, dị mị tụ́ ọọ ve tù wu nịnị.

Odeyi 2:33

Ohomorihi ọ raà sị Ijeesu tụ́ ẹba, dị ọ yaayịtẹ éyi ụvọrị Ohomorihi nị. Ọ raà dọ Ụhwẹ Ọnịnị hụụnị ụvọ Ohomorihi Ada anị, anka Óhomorihi mẹ̀ vịdị kà a ka ẹ yị zụ nyị ka ọnị ọ yị vaa sịị yọ. Ụhwẹ Ọnịnị ọnọọ Íjeesu sị yị oni u wee re, dị ụ raa wụ́ nịnị aanị nị.

Ịjọọnụ 7:39

Ịrẹyị ọnọnị oni Ijeesu kà aanị vị ịnị ịpa Ụhwẹ Ọnịnị, oni Ohomorihi vaa sị yị aza ana sị ayị tụra a, agụvị ka Ohomorihi ọọ̀ yị sị Ụhwẹ Ọnịnị yị aza ịnị ụmẹ ọnọọ, agụvị ka Ijeesu ọọ̀ yị dọ ụbanyị.

Ịjọọnụ 7:33

Dị Ijeesu ka, “Mị vaa yàa pe wu nịnị chee, dị ma va nọ ịdị Ọza ana tụ́ mị vẹ ẹhẹ.

Aniroomi 15:19

ọnịrị ini oze apọtẹrẹwa ẹbanyị-ẹbanyị ọnịrị ụkọrọ ohyozirenu ọnịrị ini oze ụkata Ụhwẹ Ọnịnị. M mẹ̀ ngwọọ hụrẹ Ijerusarẹmị na ngụ Iririkumi, ma raà kà enube ọyịza Ikirisiti avaba aha.

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Odeyi 4:16

dị ẹ ka, “Sị ị vaa mẹ aza ẹnẹnị aanị? Avaba aza ana ra hi Ijerusarẹmị ẹ sị yẹ ka ẹnị ẹ maanị mẹ apọtẹrẹwa ọbanyị ọnọnị aanị nị. Yẹ yị kụkụ nyẹngụ kà a ka ireche yọ nị.

Ịjọọnụ 14:28

Wâ wụ́ ka ma sị ọọ kà a wụ nịnị ka maa na, dị ma rẹ và ká wụ nịnị vẹ. Wèe sì ịrẹyị amị nịnị, ụ vaa jẹ nịnị ka maa nọ ịdị Ada amị, agụvị ka Ada amị o huna mị nị.

Odeyi 10:46

Ẹnịnị ệ wụ́ ka ẹyaa sị ẹkụra ọsaa kà ịrẹyị, ẹyaa sị ụgaa yị Ohomorihi. Dị Ipita ka:

Odeyi 4:33

Apositeri nịnị ệ sị ụkataa dọ ivenu ka Ijeesu Ikirisiti ọ sị ha hụụnị isu. Dị Ohomorihi aa mẹ ọyịzaa yị avaba ẹnịnị nị.

Ịmaakị 11:13

Dị ọ tana eyi re ọchị ọnya aanị ana sị mẹẹ anka ezu ka ộ vị avị-avị nị. Ô ne re e ka ahịka oni vee re ẹtụtụ ị́rẹsụ anị nị. Ịjị o tù ịzọọ, ẹ yị nyị ịsị o re, ẹ̀ yị vị avị kẹnẹ, agụvị ka eè yi tù ụmẹ ọnị ọ sịị̄ tụ́.

Ịjọọnụ 4:37

Ịrẹyị ana a kà avọọ vị ịzẹyịza, a ka: ‘Ọza ịnya ô chire ịsa, dị ọsa ọnị kụ́ ẹtụtụ anị gụ nị.’

Ịjọọnụ 5:20

Ada amị ô sì ịrẹyị ẹmị Ozi anị, dị aa sị avaba ịsa ọnị ọnị ụvọta aa mẹẹ zụ̀ mị nị. Ọ hyakụ vaa sị ụkọrọ ana banyị hu aanị zụ̀ mị, agụvị di ò zụ hí wu nịnị irenu.