Ịjọọnụ 14:11 - IWE ỌNỊNỊ

¹¹ Dọ mị wụ́ ka ẹmịrị Ada amị vị ọnya, dị ị vabẹ nị; ẹ̀ yị vị avọọ, ụ dọ mị wụ́ agụvị ụkọrọ ọnị mị hyakụ aa mẹ!

Ịjọọnụ 14:11 Referans Kwoze

Ịjọọnụ 10:38

Ama àa vị ụkọrọ Ada amị m maa mẹ̀ nị, wàa daka ka wẹ yị yaanị dọ mị wụ́ nịnị, â vọrọ ka wa dọ mị wụ́ nịnị agụvị ụkọrọ ẹbanyị-ẹbanyị ọnị maa mẹ̀. Ọnị ọ vaa mẹ ka wa yẹ pooro nịnị ka ẹmịrị Ada amị vị ọnya, ẹmịrị Ada amị ọ rẹ vabẹ.”

Ịjọọnụ 5:36

 hyakụ nyị ivenu ọsa ini oze amị ene huna ivenu Ịjọọnụ ẹtẹẹtẹrẹ. Ụkọrọ ẹbanyị ana Ada amị sị mị ka ma mẹ, ọnị mị raa mẹ, ệ sị zụ̀ ka Ada amị ọ tụ́ mị vẹ ẹhẹ nị.

Ịjọọnụ 10:25

Dị Ijeesu tụ́ ohi, dị ọ ka, “Mâ vịdị sị ọọ kà a wụ nịnị, ama we yi sì ka wa dọ wụ́ nịnị. Ụkọrọ ẹbanyị-ẹbanyị ọnị mị hyakụ aa sị ịrẹha Ada amịị mẹ, vị onivenu ịrẹyị amị.

Ịjọọnụ 14:10

Aanịka wẹ yị dọ wụ́ ka ẹmịrị Ada amị vị ọnya, ka ẹmị rị ọọ vị ana vabẹ? Ịrẹyị ọnị maa kà a wụ nịnị avọọ, ẹ yị vị ẹmị ụvọta aa dà a kà. Ada amị ẹnẹ ẹmịrịị vị ọnya aa mẹ̀ ụkọrọ anị nị.

Odeyi 2:22

Ẹwụ nịnị Anisirẹrị, sị ụtọ pe ịrẹyị ọnọnị nịnị! Ohomorihi ộ sị ụvọ tụ́ ọọ yị Ijeesu Anịnazarẹtị, ka ọ̀ọ mẹ̀ ụkọrọ ohyozirenu, dị ọ̀ọ sị apọtẹrẹwaa zụ̀ wụ nịnị. Ẹwụ nịnị ụvọta ộ yẹ ọsọnị, agụvị ka ịdị awụ nịnị ịzẹnị gẹdẹ-gẹdẹ ọ yà mẹ̀ ẹ nị.

Anihiburu 2:4

Ohomorihi ọnị ọ rẹ dọ ivenu tụ́ ọọ ini oze ụkọrọ apọtẹrẹwa ọnịrị ohyozirenu irenyi-irenyi ana aa mẹ; ọ rẹ mẹ ka Ụhwẹ Ọnịnị anị ọ̀ sị ụkata irenyi-irenyi yị ọzọza anka o mè sì ọọ.

Ịjọọnụ 10:32

Dị Ijeesu ka, “Ma raà mẹ̀ ụkọrọ ozoza-ozoza éyi awụ nịnị ana Ada amị sị ụkata mị ka ma mẹ. Ye re ana a vọrọ ka we si ne mi ịrẹta ịnị ụkọrọ ẹnẹẹ nịnị?”

Ịjọọnụ 14:20

Ịhị ẹkụhị ọnọọ òo si tù, ụ vaa yẹ nịnị ka ẹmịrị Ada amị vị ọnya, dị ẹmịrị ẹwụ nịnị rẹ vị ọnya dị ị sị vabẹ nị.