Ịjọọnụ 14:10 - IWE ỌNỊNỊ

¹⁰ Aanịka wẹ yị dọ wụ́ ka ẹmịrị Ada amị vị ọnya, ka ẹmị rị ọọ vị ana vabẹ? Ịrẹyị ọnị maa kà a wụ nịnị avọọ, ẹ yị vị ẹmị ụvọta aa dà a kà. Ada amị ẹnẹ ẹmịrịị vị ọnya aa mẹ̀ ụkọrọ anị nị.

Ịjọọnụ 14:10 Referans Kwoze

Ịjọọnụ 5:19

Dị Ijeesu va kà a yị wa ka, “Ịzẹyịza m maa kà a wụ nịnị nị, ẹ yị nyị ịsị ẹmị Ozi Ohomorihi zụ dà mẹ yị ẹngụ amị, ẹ̀ yị vị ịsị mèe re ka Ada amị aa mẹ; agụvị ka ịsa tụra ịsa ana Ada amị àaa mẹ, ọnị émi Ozi anị raa mẹ nị.

Ịjọọnụ 10:38

Ama àa vị ụkọrọ Ada amị m maa mẹ̀ nị, wàa daka ka wẹ yị yaanị dọ mị wụ́ nịnị, â vọrọ ka wa dọ mị wụ́ nịnị agụvị ụkọrọ ẹbanyị-ẹbanyị ọnị maa mẹ̀. Ọnị ọ vaa mẹ ka wa yẹ pooro nịnị ka ẹmịrị Ada amị vị ọnya, ẹmịrị Ada amị ọ rẹ vabẹ.”

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Ịjọọnụ 12:49

Mẹ yị dà ịrẹyị ẹngụ amị kà, Ada amị ana tụ́ mị vẹ ẹhẹ aa kà a mị ịsa a vọrọ ka ma kà nị.

Ịjọọnụ 10:30

Ẹmịrị Ada amị vị ọnya.”

Ịjọọnụ 8:28

Dị Ijeesu rẹ kà a yị wa ka, “Ịhị wàa raà sị ẹmị Ozi ọza onigirima tụ́ ẹba, ụ vaa yẹ nịnị ịhị ọnọọ ka ‘Ẹma vị Ẹmị’ nị. Ụ rẹ vaa yẹ nịnị ka mẹ yị dà ịsọnyị-ịsọnyị mẹ yị ẹngụ amị, ama ka ịrẹyị ana Ada amị sị zụ̀ mị, m maa kà nị.

Anikorasi 2:9

Ini Ikirisiti ana a ma anka ọzarẹyịrẹsụ, Óhomorihi ọnịrị avaba ịsị ọ vị yà nị.

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.

Ịjọọnụ 5:17

Dị Ijeesu kà a yị wa ka, “Ada amị aà yịị mẹ̀ ụkọrọ va ngụ ọyaanị, agụvị avọọ ẹmị raa yịị mẹ̀ ụkọrọ nị.”

1 Ịjọọnụ 5:7

Onivenu vị ẹẹta ana dọ irenu ịrẹyị ọnọọ.

2 Anịkọrịntị 5:19

Ini oze Ikirisiti, Ohomorihi ọ raà vara anẹhẹ ọta anị. Ohomorihi ọ yị kụkụ za ịvị ẹnịnị tụ́ wa ọrọkọ. Ô si enube chire yi ụvọ ka yaa kà a ka ọnị ọ raà vara aza ọta anị.

Ịjọọnụ 8:38

Maa kà ịrẹyị oni mi re ị́dị Ada amị, ama ẹwụ nịnị aa mẹ̀ ịsa ana ada ẹwụ nịnị kà wụ nịnị.”

Anikorasi 1:19

Agụvị ka Ohomorihi ọ sị ọ mẹ tịtẹ ka Ozi anị ọ̀ gụ ịnị avaba ịsa, anka ọnị mẹ̀ rẹ gụ

Ịjọọnụ 14:20

Ịhị ẹkụhị ọnọọ òo si tù, ụ vaa yẹ nịnị ka ẹmịrị Ada amị vị ọnya, dị ẹmịrị ẹwụ nịnị rẹ vị ọnya dị ị sị vabẹ nị.

Ịjọọnụ 7:16

Dị Ijeesu tụ́ wa ohi, dị ọ ka, “Ịsị maa sịị zụ̀ aza aanị, ẹ yị vị ịrẹyị ẹmị ụvọta ọ vị, ama ịrẹyị Ọza ana tụ́ mị vẹ ẹhẹẹ yọ nị.

Ịjọọnụ 8:40

Ẹmị vị anaā kà a wụ nịnị ịsa oni Ohomorihi kà mị; ama wee sì ka wa wụ̀ mị nịnị. Abụrahamị ọ yị vavọọ mẹ.

Ịjọọnụ 11:26

Ọza ana àa vavọọ yàra, o mē vene kuku sú paa, agụvị ka ọ raà sị ayị tụra mị. Wáá dọ ịrẹyị ọnọnị wụ́?”

Ịjọọnụ 3:2

Ịrahụ ẹkụhị ọnya dị ọ vẹ ịdị Ijeesu nị. Dị ọ va kà a yị Ijeesu ka, “Ọga, yâ yẹ ka ọzwọzịsa oni Ohomorihi tụ́ vẹ ẹhẹ ọnọnị ụ vị nị. Ẹ yị nyị ọza ịnya ana zụ mẹ ẹngụ apọtẹrẹwa ọnị ụ waa mẹ aanị, ẹ̀ yị vị ka vị Ohomorihi yà beri ọ nị.”

Ịjọọnụ 14:11

Dọ mị wụ́ ka ẹmịrị Ada amị vị ọnya, dị ị vabẹ nị; ẹ̀ yị vị avọọ, ụ dọ mị wụ́ agụvị ụkọrọ ọnị mị hyakụ aa mẹ!

Ịjọọnụ 14:24

Ọza ene è yi sì ịrẹyị amị, ọ yị vaa sị ụvọọ za ịrẹyị amị. Ịrẹyị ọnị maa kà ọnị ụ waa wụ́ nịnị aanị, ẹ yị vị ịrẹyị ẹmị ụvọta ọ vị, ịrẹyị Ada amị ana tụ́ mị vẹ ẹhẹẹ yọ nị.