Ịjọọnụ 13:3 - IWE ỌNỊNỊ

³ Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

Ịjọọnụ 13:3 Referans Kwoze

Ịjọọnụ 3:35

Ohomorihi Ada ayị ô sì ịrẹyị Ozi anị, dị ọ rẹ sị avaba ịsavị-ịsavị chire e ụvọ nị.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Anihiburu 1:2

Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.

Ịjọọnụ 17:2

Wa raà sị ọda avaba aza chire mi ụvọ, agụvị dị ma zụ mẹ ka avaba aza ọnị ụ kụ́ chire mi ụvọ, ẹ̀ yàra ị́dị awụ pooro zịna-zịna.

Ịjọọnụ 8:42

Dị Ijeesu kà a yị wa ka, “Àa vị Ohomorihi ọ yaanị vị Ada awụ nịnị nị, ụ yaanị sì ịrẹyị amị nịnị, agụvị ka ịdị Ohomorihi mị hụrẹ vẹ ịzẹnị nị. Ẹ yị vị ẹmị ụvọta ọ tụ́ ẹngụ amị vẹ; ọnị ọ tụ́ mị vẹ ẹhẹ nị.

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

1 Anịkọrịntị 15:27

 chẹrẹ ẹ ka: Ohomorihi ọ raà kụ́ avaba ịsa tụ́ ịzị aa kụ́ ahụụ hi. Ịjị ọ kà a ka ộ kụ́ avaba ịsa tụ́ ịzị aa kụ́ ahụụ hi, ọnọọ ộ sị zụ ka Ohomorihi ọ yị yà ịnị anị, agụvị ka ọnị ọ kụ́ avaba ịsa hi ịzị Ohinọyị ọnị Ọ nyị ka ọ̀ dọ yị há aa kụ́ ahụụ hi nị.

Odeyi 2:36

“Agụvị avọọ ẹwụ nịnị Anisirẹrị, yẹ nịnị ịzẹyịza ka Ijeesu ọnọọ ọnị ụ kanyị za ọchị nịnị, ọnị Óhomorihi mẹ Ananyị yị ọnịrị Ọdọzaha nị!”

Ịjọọnụ 13:1

Ọ sị vọ ka ụhwọọ aa rị Eche Ọyịparahu nị. Ijeesu ộ yẹ ka ụmẹ o si tù ọnị ọnị aa sịị hụụnị ẹhẹ, dị ọnị ọ̀ nọ ịdị Ada anị. Oō sì ịrẹyị aza anị ene hi ịnị ẹhẹ. Booro aanị, o si tù ka ọ̀ sị zụ̀ wa ịzị o sì ịrẹyị ẹnịnị na za.

Ịjọọnụ 7:33

Dị Ijeesu ka, “Mị vaa yàa pe wu nịnị chee, dị ma va nọ ịdị Ọza ana tụ́ mị vẹ ẹhẹ.

Ịjọọnụ 7:29

Ama ẹmị â yẹ ẹ, agụvị ka ịdị anị mị hụrẹ vẹ nị; ọnị ọ rẹ tụ́ mị vẹ ẹhẹ nị.”

Ịjọọnụ 3:13

Ẹẹ̀ yị nyị ọza ana hịrẹ nọ ịdị Ohomorihi da, ẹ̀ yị rẹ vị ẹmị Ozi ọza onigirima kẹnẹ ana hụrẹ ẹbẹẹba ịzọọ chí vẹ.

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Iruuku 10:22

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi ọnịnya ọnịrị aza ene èe zé Ozi eyi ka ọnị ọ̀ sị zụ̀.”

Ịjọọnụ 8:14

Dị Ijeesu va kà a yị wa ka, “Ịrẹyị ọnị maa kà vị ịzẹyịza, màa daka aa dọ ivenu ẹngụ amị, agụvị ka mâ yẹ ịzị mị hụrẹ vẹ, ma rẹ yẹ ịzị maa nọ. Ama ẹwụ nịnị ọ yị yẹ ịzị mị hụrẹ vẹ, wẹ yị rẹ yẹ ịzị maa nọ nịnị.