Ịjọọnụ 13:11 - IWE ỌNỊNỊ

¹¹ Ijeesu ộ vavọọ kà, agụvị ka ọ sị yẹ ọza ana vaa sị ọnịị chire ọnịvị anị ụvọ. Agụvị avọọ, ọ kà a ka: Ẹ yị vị avaba ẹnịnị ẹ nị nị.

Ịjọọnụ 13:11 Referans Kwoze

Ịjọọnụ 13:26

Dị Ijeesu ka, “Ọza ọnị màa dà ịsa vá ẹpẹ, dị mị sị yị nị, ọnịị yọ.” Dị ọ dà ịsa vá ẹpẹ, dị ọ sị yị Ijudasi Isikarịyọtị ozi Ịsayịmọnị nị.

Ịjọọnụ 13:21

Ịjị Ijeesu vavọọ sị ịrẹyị kà, ayị anị o si du. Dị ọ kụkụ kà a chapaa ka, “Ịzẹyịza m maa kà a wụ nịnị nị, ọza ịnyara awụ nịnị vaa sị mịị chire ọnịvị amị ụvọ.”

Ịjọọnụ 13:18

Ẹ yị vị avaba awụ nịnị m maa kà, oo! Mâ yẹ aza ọnị mị nyị. Ama ịrẹyị ini Iwe Ohomorihi vaa sẹ, ộ kà a ka: ‘Ọza ẹnẹ ẹmịrịị aa rị ịsa ọnya, ọ kwẹẹtẹ tù mi nị.’

Ịjọọnụ 13:2

Ijeesu ọnịrị ezirẹma anị vị ana aa rị ịsa oruva. Echu ọ raà sị tụ́ ịnị ayị Ijudasi Isikarịyọtị ozi Ịsayịmọnị ka ọ̀ sị Ijeesu chire ọnịvị anị ụvọ.

Ịjọọnụ 2:25

Ẹ yị nyị ka ọza ọ̀ naa kà ịrẹyị azaa yị Ijeesu, agụvị ka ộ yẹ ịsị ẹ yà ịnị ayị aza.

Ịjọọnụ 17:12

M mẹ̀ yà pe wa ịnị ẹhẹ, mâ sị ụkata awụ sị eyi pe wa. Avaba aza ọnị ụ sị mị, mị sị eyi pe nị, ẹ yị nyị ikonyara ẹnịnị ene vú; ẹ̀ yị hụhụ vị ọza ana vị ọza oyivu ịnị ẹnịnị kẹnẹ. Ọnọọ vị ana mẹ, agụvị Iwe Ohomorihi ọ̀ zụ sẹ.

Ịjọọnụ 18:4

Ijeesu ọnị ộ vịdị sị yẹ tịtẹ avaba ịsa ene vee tù ọọ. Di o tere pe wa nị, dị ọ họ̀ wa ka, “Eni u wee sì nịnị?”