Ịjọọnụ 13:1 - IWE ỌNỊNỊ

¹ Ọ sị vọ ka ụhwọọ aa rị Eche Ọyịparahu nị. Ijeesu ộ yẹ ka ụmẹ o si tù ọnị ọnị aa sịị hụụnị ẹhẹ, dị ọnị ọ̀ nọ ịdị Ada anị. Oō sì ịrẹyị aza anị ene hi ịnị ẹhẹ. Booro aanị, o si tù ka ọ̀ sị zụ̀ wa ịzị o sì ịrẹyị ẹnịnị na za.

Ịjọọnụ 13:1 Referans Kwoze

Ịjọọnụ 12:23

Dị Ijeesu ka, “Ụmẹ o si tù ana a vọrọ ka à sị sị igirima yị ẹmị Ozi ọza onigirima.

1 Ịjọọnụ 4:19

Yée sì ịrẹyị Ohomorihi agụvị ka ọnị ọ vịdị sì ịrẹyị ayị nị.

Ịjọọnụ 13:34

Maa sị ọda ọwọọwaa wụ nịnị: wee sì ịrẹyị ẹngụ nịnị! M mè sì ịrẹyị awụ nịnị gẹdẹ-gẹdẹ, avọọ a mẹ̀ vọrọ ka wee sì ịrẹyị ẹngụ nịnị nị!

Ịjọọnụ 16:28

Ịzẹyịza, ịdị Ada amị mị hụrẹ dị mị vẹ ịnị ẹhẹ nị. Mị raa hụụnị ẹhẹ, dị ma nọ ịdị Ada amị.”

Ịjọọnụ 13:3

Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

Ịjọọnụ 18:4

Ijeesu ọnị ộ vịdị sị yẹ tịtẹ avaba ịsa ene vee tù ọọ. Di o tere pe wa nị, dị ọ họ̀ wa ka, “Eni u wee sì nịnị?”

1 Anịkọrịntị 1:8

Ikirisiti vaa sị ụvọọ za wụ nịnị pooro ne tù ụmẹ ọdịrẹma, agụvị ịhị Ijeesu Ikirisiti Ananyị yị ọ̀ọ vavẹ, asị ụ na nyị ohuvọ nịnị vụrụ-vụrụ.

Ịjọọnụ 17:16

Ẹ yị vị ẹ́ẹhẹ ẹ vị, anka ẹ́mị ẹ̀yị mẹ̀ rẹ vị ẹ́ẹhẹ.

Ịjọọnụ 17:1

Íjeesu mẹ̀ maanị sị ịrẹyị ẹnẹẹ kà kẹnẹ, dị ọ kụ̀rà eyi anị tụ́ ẹbẹẹba nị, dị ọ ka, “Ọga, ụmẹ o si tù, sị igirima yị Ozi ewu, dị Ozi ewu ọnị ọ̀ rẹ sị igirima yị wụ!

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

Anihiburu 3:14

Oyitureyi ọnị ị nyị ịpaapa, yàa yị sị ụvọ zaa pooro ne tù ẹtẹ, ị vaa nyịị tụ́ ịnị ịsa Ikirisiti.

Ịjọọnụ 17:5

Ọga, sị igirima yị mị ị́dị awụ, igirima ọnọọ ọnị mị nyị, m mẹ̀ yà ịdị awụ hụrẹ ụmọrụmọ, dị a va yẹ ka aa mẹ ẹhẹ.

Imatiwu 26:45

Dị ọ vavẹ ve tù ezirẹma anị nị, dị ọ kà a yị wa ka, “Ụ waa yịị sụ ara nịnị, dị ụ raa tụ́ ụhwọ́ nịnị nị? Re, ụmẹ o si tù, aa vaa sị ẹmị Ozi ọza onigirimaa chire ọnịvị amị nịnị ụvọ.

1Ipita 1:13

Agụvị avọọ, tenyi ayị awụ nịnị, dị ụ wa ẹ sị ụvọ za ẹngụ awụ nịnị! Sị avaba ayị awụ tụ́ ịnị ẹyịza oni Ohomorihi vaa sị yị wụ nịnị, ịhị Ijeesu Ikirisiti ọ̀ọ sị ẹngụ zụ̀.

Anihiburu 6:11

Ịsị yee sìi hu, ọ vị ka, ọzịnya-ọzịnya awụ nịnị ọ̀ yịị sịị vụrị pooro ne tù ọdịrẹma, agụvị dị ụ wa zụ dọ ịsị ụ waa tụra eyi anị nịnị,

Anihiburu 3:6

Ama Ikirisiti ọnị vị ozi. Ộ nyị ịzẹyịza tụ́ ini eehi Ada anị. Ẹya vị aza anị ọnọọ nị, yaa nyị ọtụtụrụma, dị ị sị ịrajẹ sị eyi tụ́ ịnị ịsa ọnị yee zi eyi pooro nee tù ẹtẹ nị.

Aniroomi 8:37

Ịnị avaba ịrẹyị ẹnẹnị, ọza ene sì ịrẹyị ayị, aa mẹ ka yaa nyị ẹbẹẹba saka-saka.

Ịjọọnụ 17:26

Ma raà mẹ ka ẹ̀ yẹ ọza ọnị ụ vị. Avọọ m mẹ̀ vaa yịị mẹ ka ẹ̀ yẹ wụ nị, agụvị dị ịrẹyị amị oni u sì, ọ̀ zụ yà ịnị ayị ẹnịnị, dị ẹmịrị wa ọ̀ vị ọnya.”

Ịjọọnụ 14:28

Wâ wụ́ ka ma sị ọọ kà a wụ nịnị ka maa na, dị ma rẹ và ká wụ nịnị vẹ. Wèe sì ịrẹyị amị nịnị, ụ vaa jẹ nịnị ka maa nọ ịdị Ada amị, agụvị ka Ada amị o huna mị nị.

Ịjọọnụ 11:55

Eche Aniju ana aā hị́ Eche Ọyịparahu ee vee tù. Dị aza ọrụrụ-ọrụrụ hụrẹ ẹkụra ẹnịnị, dị ẹ hịrẹ nọ Ijerusarẹmị ka ẹnị ẹ̀ na mẹ̀ ido ọyị mẹ ẹngụ ẹnịnị nị (anka ọda mẹ̀ kà a), di eche ò ve tù.

Ịjọọnụ 7:30

Ịjọnọọ di eyee sì ka ẹnị ẹ̀ za a nị; ama ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ịjọọnụ 7:6

Dị Ijeesu kà a yị wa ka, “Ụmẹ amị o yi tù, ama avaba ụmẹ vị ụmẹ ẹwụ nịnị.

Ịjọọnụ 6:4

Ụmẹ ọnọọ, ọ sị vọ chee di Aniju nịnị ẹ̀ rị Eche Ọyịparahu.

Iruuku 22:53

Ẹ́mị rị ẹwụ nịnị mẹ̀ẹ̄ yà ini irehi Ohomorihi eyinị-eyinị, wẹ yị sị ụvọ kanyị mị nịnị. Ama ụmẹ awụ nịnị ọnịrị ụmẹ ụkata ịrahụ o si tù.”

Iruuku 9:51

Ịjị ẹkụhị aa gụrị ẹtẹ ana aa vaa sịị sị Ijeesu nọ ẹbẹẹba, dị Ijeesu sị tụ́ ịnị ayị ka ẹ yị zụ nyị ka ọnị ọ yị nọ Ijerusarẹmị nị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Ijeremaya 31:3

Ẹnẹyịmavara kà ọnị ộ hụrẹ aha ẹnẹẹnẹ ve tu wa, dị ọnị ka, ẹwụ nịnị Anisirẹrị, vị ọnịị sì ịrẹyị awụ nịnị pooro kẹnẹ nị ọ. Avọọ ọnị maanị aa yịị sị zụ wụ nịnị ka ọnị oo sì ịrẹyị awụ nịnị pooro nị.

Ịjọọnụ 8:20

Ịrẹyị ẹnẹnị vị oni Ijeesu kà, ọ mẹ yà ịzị aā tụ́ ẹkẹhịị tụ́ ini irehi Ohomorihi dị aa zụ̀ aza. Ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ụhịrẹyị 8:31

Ọnị aà jẹ agụvị ẹhẹ, dị ayị anị e hine agụvị anẹhẹ nị.

Ịjọọnụ 2:13

Ụmẹ ana Aniju nịnị sịị̄ rị Eche Ọyịparahu ee vee tù, dị Ijeesu aa hịrẹẹ nọ Ijerusarẹmị nị.

Ịjọọnụ 13:29

Ijudasi o sị eyi pe ẹkẹhị ẹnịnị nị, agụvị avọọ dị aza ẹnyị ẹnịnị ro ka vị Ijeesu kà a yọ ka ọ̀ na hị́ ịsị ẹnị vaa sị rị eche nị. Ẹ rẹ ka ẹ̀ yị vị avọọ, ahịka vị ọ ka ọ̀ sị ẹkẹhị yị onosiye nịnị nị.

Ịjọọnụ 14:31

Maa mẹ avaba ịsa ana Ada amị mẹ ọdaa mị ka ma mẹ, agụvị dị anẹhẹ ẹ̀ zụ yẹ ka mê sì ịrẹyị Ada amị. Vẹ ya hụụ ịzẹnị, ya na nịnị!”

Ịjọọnụ 19:28

Ijeesu ộ yẹ ka booro aanị ọnị ọ sị avaba ịsa mẹ ta. Agụvị dị Iwe Ohomorihi ọ̀ zụ sẹ, dị ọ ka enyi aa kụ̀ ọnị nị.