Biblia Todo Logo
Bib sou entènèt

- Piblisite -




Ịjọọnụ 12:48 - IWE ỌNỊNỊ

48 Ọza ene èe yi mi tịtẹ, dị ọ̀ yị dọ ịrẹyị amị nị, â nyị ịsị ẹ vaa mẹ̀ ọkarẹyị yọ. Ịrẹyị ọnị mị sị kà, ọnị gẹdẹ-gẹdẹ ọ vaa mẹ̀ ọkarẹyị yọ ịnị ẹkụhị ọdịrẹma nị.

Gade chapit la Kopi




Ịjọọnụ 12:48
36 Referans Kwoze  

Dị Ijeesu kà a yị ezirẹma anị ka, “Ọza ana àa wụ́ ịrẹyị awụ nịnị, ẹmị ọ rẹ wụ́ ịrẹyị anị avọọ nị. Ọza ana àa sị eyi wụ wụ nịnị, ẹmị ọ rẹ sị eyi wụ avọọ nị. Ọza ana àa sị eyi wụ̀ mị, Ohomorihi ana tụ́ mị, ọ sị eyi wụ avọọ nị.”


Anka enube ọyịza ọnị maa kà ịhị Ohomorihi àaa zị oze ịnị ụvọ Ijeesu Ikirisiti mẹ̀ ọkarẹyị, ịsa ana aza tangwa ee ro ịnị ayị ẹnịnị, vị ọ vaa yà anka ịrẹyị ọnị mị kà aanị nị.


Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.


Dị Ịmata ka, “Mâ yẹ de, ka ọ vaa haa hụụnị isu ịnị ẹkụhị ọdịrẹma ana avaba aza vaa haa hụụnị isu.”


Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?


Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.


Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.


Asị u ne ro o nịnị ka ẹma va naa sị ịrẹyị awụ nịnịị tụ́ Ada amị ịrẹka nị. Â nyị ọza ana va naa sị ịrẹyị awụ tụ́ ọọ ịrẹka. Ọza ọnọọ ọ vị Imosiisi ọnị ụ sị eyi tụra nịnị nị.


Dị Ijeesu kà a yị wa ka, “Aanịka wẹẹ̀ yị kà a ini Iwe Ohomorihi nịnị ka: ‘Ịrẹta ọnị ọtụrarehi nịnị yi tịtẹ, ọnị ọ vana vị ọọnyị ịnị ịrẹta anaa sịị̄ dà irehi nị. Ananyị yị ọ maanị mẹ nị, ô hí yi irenu!’


Dị Ịsamụwẹrị ka ẹ sị Ohomorihi ẹnịnị ọnọọ yi tịtẹ. Ọ kà Ohomorihi ọ dọ wa hụụnị akanya ọnịrị ụya nị. Ọ kà ama aza ẹnẹẹ ka ẹnị e yi kuku sì ka Ohomorihi ọ̀ vi ohinọyị ẹnịnị. Ọ kà ẹnịnị ka ẹnị ee sì ọza ẹnẹsa ana vaa vị ohinọyị ẹnịnị. Dị Ịsamụwẹrị va ka ẹ̀ kụ́ ẹngụ ẹnịnị vẹ ịrẹsụ-ịrẹsụ ọnịrị ovwoovu-ovwoovu dị ẹ̀ vavọọ va gụ ọvịdị Ẹnẹyịmavara.


Aza ana àa ka enube ọyịza ọnị yaa kà ộ tẹ, aza ene ee vu ẹtẹ kẹnẹ ọ tẹ yị nị.


Di Ijeesu kana eyi re wa nị, dị ọ ka, “Sị ẹ va vị iruvo ịrẹyị ọnọnị ana a chẹrẹ tụ́ ini Iwe Ohomorihi? ‘Ịrẹta ọnị ọtụrarehi nịnị yi tịtẹ, ọnị ọ vana vị ọọnyị ịnị ịrẹta ana a sịị̄ dà irehi nị.’


Ama â nyị ka ma vịdị rị ụya ọrụrụ-ọrụrụ da, dị anụmẹ ọnọnị è yi mi tịtẹ.


Agụvị avọọ, àa nyị ọza ana aa nyị ụhị ọyịkà a ka áamị ọnị vị nị, à vị ka dị aa nyị ụhị ịrẹyị amị nị, ẹmị Ozi ọza onigirima rẹ vaa mẹ nyị ụhị ọyịkà kà a ka ọza ọnọọ vị áamị, ịjị màa vavẹ ini igirima amị beri igirima Ada amị ọnịrị áanggẹẹrị ọnịnị nịnị.


Dị ọ rẹ ka, “Â nyị ka ẹmị Ozi ọza onigirima ọ̀ rị ụya ẹtẹẹtẹrẹ. Ọdọvịdị nịnị ẹnịrị ohirẹsụ ẹbanyị irehi Ohomorihi beri ọzwọzọda nịnị vee yi mii tịtẹ. A rẹ vaa wụ̀ mị; ama ịhyẹgwẹta anị, mị vaa ha hụụnị isu.”


Ama Anihwarisi nịnị ọnịrị ọzwọzọda nịnị ẹ yị dọ ịsa oni Ohomorihi sì ka ọnị ọ̀ mẹ yị wa; ẹnịnị ẹ yị zẹẹ ka Ịjọọnụ ọ̀ mẹ̀ ọyịhwọzenyi yị ẹnị.”


Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị.


Aanịka wẹ yị kà Iwe Ohomorihi ana kà a ka: ‘Ịrẹta ọnọ ọtụrarehi nịnị yi tịtẹ, ọnị ọ vana vị ọọnyị ịnị ịrẹta anaa sịị̄ dà irehi nị.


“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.


Dị Ẹnẹyịmavara va kà a yị Ịsamụwẹrị ka avaba ịsị aza ẹnẹẹ ẹ̀ẹ ka ọ̀ mẹ, asị o pè wa nyị ahankata. Ọ kà ẹ yị vị Ịsamụwẹrị ẹ ka asị ọ kụkụ vị ọdọvịdị ẹnịnị, Ohomorihi ka ọnị ụvọta aza ẹnẹẹ ka asị ọnị kụkụ vị ohinọyị ẹnịnị nị.


Ọza ẹnẹ ẹ̀ yị batọ ịrẹyị ọnịsẹ ọnọọ, a vaa dụ ọ hụụnị aza Ohomorihi, di o vu ẹtẹ.’


Dị Ijeesu nyima aa zụ̀ wa ịsa nị, dị ọ ka, “Ẹmị Ozi ọza onigirima mị vaa rị ụya ẹtẹẹtẹrẹ. Ọdọvịdị nịnị ẹnịrị ohirẹsụ ọbanyị irehi Ohomorihi nịnị beri ọzwọzọda nịnị vee yi mii tịtẹ. A rẹ vaa wụ̀ mị, ama ịhyẹgwẹta anị mị vaa haa hụụnị isu.”


Ịzẹyịza, dị ma kà a wụ nịnị ka ịnị ẹkụhị ọkarẹyị, ọ vaa daahi yị anẹkụra Isodọmị ọnịrị Igomora hu anẹkụra ọnọọ.”


Ịsị ọza ana tụ́ mị vẹ ẹhẹ sì ka ma mẹ, yị: ka avaba aza ọnị ọnị kụ́ chire mi ụvọ, asa a nyị ikonya oni mi vú; ama dị ma ha wa hụụnị isu ịnị ẹkụhị ọdịrẹma.


Ọza ana àa vị ozi Ohomorihi vị anaā wụ́ ịrẹyị Ohomorihi; ama ẹwụ nịnị ọ mā wụ́ ịrẹyị Ohomorihi, agụvị ka ẹ yị vị ezi Ohomorihi ụ vị nịnị.”


Ohomorihi ộ nyị ẹkụhị ọnya ọnọọ vaa sị sị ịzẹyịzaa mẹ̀ ọkarẹyị avaba anẹhẹ. Ọ vavọọ vaa mẹ ini oze ọza ọnị ọ sị nyị. Ọ raà sị zụ̀ avaba aza ka ịzẹyịza yọ, ọ mẹ̀ ha ọza ọnọọ hụụnị isu.”


Yáa yẹ ka ịrẹyị Ohomorihi vị ana yára. Ọ́ọ nyị ụkata, ọ́ọ rẹ́ huna ụhwọ onyeyi ẹẹva. Ọọ̄ yẹrẹ ịsaa hụrị oze, dị ọ na huuu na ịzị ayị ọnịrị ụhwẹ na gẹ. Dị ọ na ngụ ịzị ẹgẹ ẹngụ ọnịrị ụhị nịnị na gẹ. Avaba ịsị ọza èe ro ịnị ayị anị, dị ọ sị ọ tụ́ ẹhẹ.


Asị ị navọ ẹngụ ọyịkụgụ tịtẹ, anka aza ẹnyị mẹ̀ẹ̄ mẹ! Ama à vẹ yaa tụ́ ẹngụ ọtụtụrụma, ẹ́kụhị Ananyị yị mẹ̀ hyakụ aa gụrị ẹtẹ aanị!


Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.


Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya,


Ẹbẹẹba ọnịrị ẹhẹ ana yà booro aanị, ịrẹyị Ohomorihi ó re si tenyi ọ tịtẹ ka ọnị ọ̀ va sị ịra vú ọ ẹtẹ nị. Ô tenyi ọ tịtẹ ne tù ẹkụhị ọnị ọ vaa mẹ̀ ọkarẹyị yị aza edivi, di ò vú wa ẹtẹ.


Swiv nou:

Piblisite


Piblisite