Ịjọọnụ 12:42 - IWE ỌNỊNỊ

⁴² Ama â hyakụ nyị ọdọvịdị Aniju nịnị ọrụrụ-ọrụrụ ana rẹ sị ayị tụra Ijeesu. Ama ẹnịnị ẹ yị sị tụra eyi agụvị Anihwarisi nịnị. Eyee hí angwa ka a va dụ ẹnị hụụnị irehi Ohomorihi Aniju nịnị.

Ịjọọnụ 12:42 Referans Kwoze

Ayịsaya 51:7

Ẹnẹyịmavara kà, Batọ ẹwụ nịnị ana yẹ ịsa ana vọrọ, ene hi ayị ịrẹyị anị. Asị e hí angwa aza ee du wa, dị ẹ yaa kụ wa ụhụ nị.

Ịjọọnụ 9:22

Aza ana ma ọnọrụ ọnọọ, ệ vavọọ kà, agụvị ka eyee hí angwa Aniju nịnị. Aniju nịnị ệ vịdị sị eyi gẹ ka àa nyị ọza ana dọ ka Ijeesu ọ vị Ikirisiti ọnọọ nị, à dụ ọọ jịnẹ hụụnị irehi Ohomorihi.

Ịjọọnụ 7:13

Ama ẹ yị nyị ọza ana nyayịnẹ kà ịrẹyị anị tụ́ ẹhẹ, agụvị ka eyee hí angwa ọdọvịdị Aniju nịnị.

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.

Imatiwu 10:32

Ọza ana àa dọ irenu éyi aza ka áamị ọ́nị vị nị, ẹmị rẹ vaa dọ irenu ọ́vịdị Ada amị ẹbẹẹba ka áamị ọ́za ọnọọ vị nị.

1 Ịjọọnụ 4:15

Ọza ana àa há irenu anị kà a ka Ijeesu vị Ozi Ohomorihi, ọnịrị Ohomorihi vị ọnya; Ohomorihi ọnịrị ọza ọnọọ ọ sị vabẹ.

1 Ịjọọnụ 4:2

Ịsị a nyẹngụ sị yẹ ọza ọ̀ọ nyị Ụhwẹ Ọnịnị Ohomorihi yị: Ọza tụra ọza anaa dọ ka Ijeesu Ikirisiti ộ vẹ ẹhẹ anka ozi ọza, ọ̀ nyị Ụhwẹ Ọnịnị Ohomorihi nị.

Aniroomi 10:10

Ọza ana àa sị ayị anị tụra Ohomorihi, dị Ohomorihi zaa ịrịka tụ́ ịnị ọnịrẹyịzẹyịza. Ọza ana àa sị irenu dọ ka ọnị ộ sị ayị tụra Ohomorihi, dị Ohomorihi dọ ọ há.

Odeyi 5:41

Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.

Ịjọọnụ 19:38

 nyị ọnọrụ ọnya aanị ana aā hị́ Ijosẹẹhụ Anarịmatịya. Ozirẹma Ijeesu ọ vị ini ewere nị, agụvị ka angwa Aniju nịnị ee hí ọọ. Dị ọ na dá ịpẹ yị Ipayireti ka ọnị aa naa sị oku Ijeesuu hụụ ịzọọ nị. Dị Ipayireti ka ooho nị. Ijosẹẹhụ ộ na, dị ọ na sị ọọ nị.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Ịjọọnụ 12:11

Agụvị ịrẹyị Ịrasarụsị, Aniju ọrụrụ-ọrụrụ aa hụụ ịdị ẹnịnị, ẹ yaa sị ayịị tụra Ijeesu.

Ịjọọnụ 11:45

Aniju ọrụrụ-ọrụrụ ana vẹ ịdị Imeri, di e re ịsa oni Ijeesu mẹ, ệ sị ayị tụra a.

Ịjọọnụ 9:34

Dị ẹnịnị tụ́ ọọ ohi, dị ẹ ka, “Ẹwụ ana a ma, da a rẹ sị enyi ịvị kà, ee sì ka wa zụ̀ yị ịsa nịị? Dị ẹ dụ ọọ kwooze nị.”

Ịjọọnụ 3:2

Ịrahụ ẹkụhị ọnya dị ọ vẹ ịdị Ijeesu nị. Dị ọ va kà a yị Ijeesu ka, “Ọga, yâ yẹ ka ọzwọzịsa oni Ohomorihi tụ́ vẹ ẹhẹ ọnọnị ụ vị nị. Ẹ yị nyị ọza ịnya ana zụ mẹ ẹngụ apọtẹrẹwa ọnị ụ waa mẹ aanị, ẹ̀ yị vị ka vị Ohomorihi yà beri ọ nị.”

Iruuku 12:8

“Dị ma rẹ kà a wụ nịnị ka, Ọza ana àa dọ irenu éyi aza ka áamị ọ́nị vị nị, emi Ozi ọza onigirima rẹ vaa dọ irenu ọ́vịdị anggẹẹrị Ohomorihi ka áamị ọ́za ọnọọ vị nị.

Iruuku 6:22

Ẹwụ nịnị vaa daa jẹ, aza àaa kụ́ ayị awụ nịnị, di e si wu nịnị yi tịtẹ, dị ẹ rẹ yaa kụ̀ wụ nịnị ụhụ, dị ẹ ka aza edivi ụ vị nịnị nị agụvị ẹmị Ozi ọza onigirima.

Ayịsaya 66:5

Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Ayịsaya 57:11

Ẹnẹyịmavara kà, “Ẹnẹ vị ori ẹnẹnị enee chire wu angwa, ana mẹ ka wee cheechee yị mị, di u ree hi ayị amị saka-saka. Agụvị ka me yi tụ́ ohi hụrẹ ịhị ọnọọ, ọ́ọ́ mẹ ka à sị ụ sị ụbanyị yị mị nị?

Ijeremaya 38:19

Dị ohinọyị tụ́ ohi ka, angwa anẹkụra ẹnịnị ene zwe na vaka Anibabironi nịnị ee hí ọnị, agụvị ka á zụ hụrẹ ọnị ụvọ yị wa, dị ẹẹ sị ụya rị ọnị.

Iruuku 23:13

Dị Ipayireti hị́ ohirẹsụ ẹbanyị irehi Ohomorihi ọnịrị ọdọvịdị nịnị beri aza ana vọ gụ nị.

Ịjọọnụ 7:31

Ama aza ọrụrụ-ọrụrụ ịnị ọkọnị aza ẹnẹẹ ệ sị ayị tụra a, dị ẹ ka, “Áá nyị Ikirisiti ana kụkụ vaa vẹ, ana ahịka ọ kụkụ vaa mẹ̀ ụkọrọ apọtẹrẹwa ene huna ana ọza ọnọnị aa mẹ aanị?”