Ịjọọnụ 12:26 - IWE ỌNỊNỊ

²⁶ Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Ịjọọnụ 12:26 Referans Kwoze

Anigaratiya 1:10

U wéé yi ro ka m maa dụ ka ọza ọ̀ọ ga mị nị, à vị Ohomorihi mi sì ka ọ̀ọ ga mị nị? Eyi ọza m maa mẹ̀ nị? Mèe yii sì ka ma mẹ eyi ọza, mẹ yị zụ vị ozi ahụ Ijeesu Ikirisiti.

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.

Anikorasi 3:24

Wáa yẹ ka Ikirisiti Ananyị yị, ụ waa hẹkẹ nịnị nị. Oni o vee sí wu atọ ụkọrọ awụ nịnị nị, ọnị ọ vị ka ẹyịza ọnị ọ sị tẹ wụ nịnị.

Aniroomi 1:1

Ẹma vị Ịpọọrụ ozi ahụ Ijeesu Ikirisiti nị. Ohomorihi ộ hị́ mị ka ma vị ozirẹma Ijeesu, dị ọ̀ rẹ nyị mị ka ma kà enube ọyịza anịị yị aza nị.

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Ịjọọnụ 10:27

Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

2 Anịkọrịntị 5:8

Mị ka yâ nyị ayọnẹtẹ, ị hyakụ ee sì ka ya sị ọchẹngụ ayị ọnọnị tịtẹ, dị ya nọ ịdị Ananyị yị ana vị eehi ayị.

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.

1 Ịjọọnụ 5:3

Yèe sì ịrẹyị Ohomorihi, ị rẹ vaa saasa ọda anị. Ọda Ohomorihi ẹ́ yị katẹngụ,

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2 Anịkọrịntị 4:5

Yẹ yị kà enube ẹngụ ayị. Ama yaa kà enube ọyịza Ijeesu oni Ohomorihi nyị mẹ ohinọyị ka ọ̀ dọ yị há ka, ọnị ọ vị Ananyị yị nị. Ẹyị â hụ̀ agụvị Ijeesu, yâ vị ezi ahụ awụ nịnị.

Aniroomi 14:18

Ọza ana àa vavọọ aa hẹkẹ Ikirisiti, óo zé Ohomorihi eyi, aza ẹ rẹ sị ụvọ tụ́ ọọ bẹẹ.

Ịjọọnụ 15:20

Tamayị ịrẹyị ọnị mị vịdị kà wụ nịnị ka ozi ahụ o mē huna ọga anị. Ẹ̀ẹ raà sị ụya rị mị, ẹ rẹ vaa sị ụyaa rị ẹwụ nịnị bẹẹ. Ẹ̀ẹ dọ ịrẹyị amị, ẹ rẹ vaa dọ ịrẹyị ẹwụ nịnị bẹẹ.

Iruuku 6:46

“Sị ẹ vẹ dị waa hị́ mị ‘Ananyị yị, Ananyị yị’, ama dị ụ wẹ yị mẹ̀ ịsa ọnị mị kà?

Ụhịrẹyị 27:18

Ọ́za eneē tenyi aarẹ mẹẹ rị ịnị anị, avọọ ọza eneē sere ọga anị mẹẹ rị aha anị nị.

Ahẹ Ụgama 91:15

Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi. Ọ kà èe hi ịnị ẹngụkata ọnị ọ yị vaa hụrẹ wa ụvọ, ama ọnị vaa dọ waa tụ́, dị ọnị sị ụbanyị yị wa.

Anihwiripi 1:23

Ịrẹyị ẹyịva vị ene ee tura mị ị zị oze eyi ẹnyị eyi ọsa. Ama ịsị mee sì ọ vị ka ma hụụnị ẹhẹ ọnọnị, dị ị ma na yà ịdị Ikirisiti nị; ọnọọ ọ vị ene zoza hu nị.

Ịjọọnụ 14:3

Màa na sị aha tenyi tịtẹ wụ nịnị, mị raa vaavẹ, dị ma va sị wụ nịnị ne pe ẹngụ, agụvị ịzị màa yà, dị ẹwụ nịnị ọ̀ rẹ yà ịzọọ.

Ịjọọnụ 13:16

Ịzẹyịza m maa kà a wụ nịnị nị, wâ yẹ ka ozida o mē huna ọga anị. Ọza ana a tụ́ ụtụ, o mē re huna ọza ana tụ́ ọọ ụtụ.

Iruuku 9:23

Dị Ijeesu kà a yị avaba ẹnịnị ka, “Àa nyị ọza ana ka ọnị aa dụ mị ịrẹma, â nyị ka ò hí ayị ẹngụ anị, dị ọ̀ sị apavahị anị, dị ọ̀ sịị dụ mị ịrẹma eyinị-eyinị.

Imatiwu 25:21

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Ahẹ Ụgama 17:15

Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.

Ịrịka 14:24

Ama ozi ahụ anị Ikarẹbị vị irenyi ya aza ana vọ, ọ wụ́ chire ọnị, avọọ ọnị vaa sị ọ na ngụ ịnị ẹtẹ ọnọọ. A rẹ vaa ga ẹtẹ tu evere anị.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.

Anikorasi 4:12

Epahwirasi ka ọnị rẹ kụ́ wụ nịnị. Anda awụ nịnị ọnị rẹ vị, dị ọ rẹ vị ozi ahụ Ijeesu Ikirisiti nị. Ọọ̄ mẹ̀ aduwaa wụ nịnị ẹtẹẹtẹrẹ, ka waa vịraa tụ́ ịnị ịsa Ohomorihi nịnị; dụ wa zụ yẹ ịsị Ohomorihi sì, dị ụ wa rẹ zụụ mẹẹ nịnị.

Ịjọọnụ 21:22

Dị Ijeesu tụ́ ọ ohi, dị ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ? Ẹwàa dụ mị ịrẹma!”

Ịjọọnụ 14:15

“Wàa ka wee sì ịrẹyị amị nịnị, ụ vaa saasa ọda amị nịnị.

Ịmaakị 8:34

Dị Ijeesu hị́ ọkọnị aza ọnịrị ezirẹma anị, dị ọ kà a yị wa ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Ịrịka 32:11

ẹ yị vaa nyị ọza ẹhụ ịrayị oohu da a va hịrẹ ịnị ẹngụ ẹnịnị ana hụrị Ijipiti ene vee re ẹtẹ ọnị ọnị wo oto anị yị Abụrahamị, ọnịrị Ayiziiki ne beri Ijekọvụ. Ịrẹyị ọ́ maanị tu wa agụvị ka ẹnịnị ẹ yị sị ayị ọnya saasa ọnị.

Iruuku 12:37

Ezida ọnị ọga ẹnịnị ọ̀ọ vavọọ vẹ, di o ve tù wa ka ệ ha, eyee zí ọnị nị, ẹ vaa daa jẹ. Dị ma kà a wụ nịnị, ka vị ọga ọnọọ ee tenyi obo anịị sụ́ ọtẹ, dị ọ ka ezida ẹnẹẹ ẹ̀ yaayịtẹ, dị ọnị ụvọta aa sị ịsaa yị wa nị.