Ịjọọnụ 12:25 - IWE ỌNỊNỊ

²⁵ Ọza ene èe sì ịrẹyị ụhwẹ anị, vi ee vú ọọ nị; ama ọza ene èe hí ayị ụhwẹ anị ịnị ẹhẹ ọnọnị, ọnị ụ́hwẹ anị vaa yàra nị, dị ọ yàra ịdị Ohomorihi pooro zịna-zịna.

Ịjọọnụ 12:25 Referans Kwoze

Imatiwu 10:39

Ọza ana àa ka ọnị aa sị ụhwẹ anịị tẹ, vi ee vú ọọ nị. Ọza ene èe ne ụhwẹ anị ta agụvị amị, vị aa sị ọọ tẹ nị.

Iruuku 17:33

Ọza ene èe sì ka oni èe tenyi ụhwẹ anịị tẹ, vi ee vú ọọ nị. Ọza ene èe ne ụhwẹ anị ta, ọnị ọ sị ọọ tẹ nị.

Ịmaakị 8:35

Ọza tụra ọza ana àa kà a ka ọnị ee tenyi ụhwẹ anịị tẹ, vi ee vú ọọ nị. Ama ọza ene èe hí ayị ẹngụ anị agụvị amị ọnịrị agụvị enube ọyịza, ọnị ụ́hwẹ anị vaa há nị.

Imatiwu 16:25

Ọza tụra ọza ana aa ka oni ee tenyi ụhwẹ anịị tẹ, vi ee vú ọọ nị; ama ọza ene èe ne ụhwẹ anị ta agụvị amị, vị aa sị ọọ tẹ nị.

Iruuku 14:26

“Ọza ana àa vẹ ịdị amị, di ò yi hí ayị ada anị ọnịrị ọnyị anị beri ose anị ọnịrị ozi anị ọnịrị ẹyịnyara anị ọnẹẹ ọnịrị ọnọrụ, dị ọ̀ yị rẹ hyakụ hí ayị ẹngụ anị ụvọta nị, ọza ọnọọ ọ yị zụ vị ozirẹma amị.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Imatiwu 19:29

Ọza ọ̀ọ navọ irehi anị, àa vị ẹyịnyara anị anọrụ, àa vị anẹẹ, ọ̀ọ navọ ada anị, àa vị ọnyị anị, ọ̀ọ navọ ose anị, àa vị ezi anị, ọ̀ọ navọ aarẹ tịtẹ agụvị ịrẹha amị, Ohomorihi rẹ vaa sị ịsa ene huna avọọ oze ẹchẹhị-ẹchẹhịị sí ọọ atọ, dị ọza ọnọọ rẹ yàra pooro zịna-zịna.

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Ịrẹyị Ọzwọzịsa 2:17

Avọọ ẹhẹ ọnọnị ộ nyị ọnị ịhyẹrẹ agụvị ka ọnị oo re avaba ịsị aa mẹ ịnị ẹhẹ, ẹngụkata kẹnẹ ẹ kụ tu ọnị nị. Avaba anị vị osusu, vị ọza aa dụ ahị kẹnẹ nị.

Odeyi 21:13

Dị Ịpọọrụ ka, “Sụ waa mẹ nịnị aanị, dị waa jị òrèrè nịnị? U wee sì ka we du mi ayị nịnị nịị? Mê tenyi ẹngụ ka à wụ̀ mị Íjerusarẹmị agụvị ịrẹha Ijeesu Ananyị yị, ayị vị ka à sụ́ mi orupa kẹnẹ.”

Anihiburu 11:35

Anyẹnẹẹ ẹnyị ê re ka aza ẹnịnị ene vịdị sú, ẹ sị ha hụụnị isu và ká wa vẹ. Â sị ụya rị aza ẹnyị ẹtẹẹtẹrẹ, ẹ yị dọ ka à hụrẹ ẹnị ụvọ, agụvị ka eyee zí eyi ka ẹnị vaa haa kwẹẹtẹ dị ẹnị ẹ̀ ngụ ịnị ẹhẹ ene zoza hu aanị.