Ịjọọnụ 12:13 - IWE ỌNỊNỊ

¹³ Dị ẹ na jị adambara, dị ẹ kụ́ ọ rị ụvọ aa naa gẹrị ọọ nị. Di eyee nowu ka, “Ihosana! Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị, ana vị Ohinọyị Anisirẹrị.”

Ịjọọnụ 12:13 Referans Kwoze

Ẹtore 15:3

Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka: Ananyị yị, Ohomorihi Ochẹtẹngụ, ụkọrọ awụ ộ banyị, di o re hí ọza irenu nị. Ẹwa vị ohinọyị anẹhẹ nị, oze awụ vị ịzẹyịza, ẹ yị nyị ireche ịnị anị.

Ẹtore 7:9

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Imatiwu 23:39

Dị ma kà a wụ nịnị ka we mē vene re mi nịnị pooro dị ụ waa kà a ka: ‘Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị!’ ”

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ịjọọnụ 19:15

Di e nowu zẹtẹ, dị ẹ ka, “Sị ọọ hụrẹ oze! Sị ọọ hụrẹ oze! Na kanyị ọọ za apavahị!” Dị Ipayireti họ̀ wa ka, “Ma kanyị ohinọyị awụ nịnị za apavahịị?” Di ohirẹsụ ẹbanyị irehi Ohomorihi tụ́ ohi, dị ẹ ka, “Yẹ yị nyị ohinọyị ọsa, ẹ̀ yị vị ohinọyị Aniroomi.”

Ịzẹhwanaya 3:15

Ẹnẹyịmavara ọ raà za ụya awụ nịnị jẹẹ. Ộ sị ọnịvị awụ nịnị dụ kwooze. Ẹnẹyịmavara ana vị ohinọyị Anisirẹrị jẹ wụ nịnị ịrẹma. Ẹ yị nyị ka we kuku hí angwa nịnị.

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”

Ayịsaya 44:6

Ẹnẹyịmavara, Ohinọyị Ísirẹrị ana dọ wa ha, Ẹnẹyịmavara Ochẹtẹẹngụ ka: Ẹma vị ọnịpaapa nị, ẹma rẹ vị ọdịrẹma nị. Ẹmị ịnya ọ vị Ohomorihi nị. Ịrẹma amị, ẹ yị nyị Ohomorihi ọsa.

Ireevi 23:40

Ọ kà ịhị ọnọọ, ẹnịnị ẹ̀ há ẹtụtụ ene ozoza hu hụụnị ọchị ẹnịnị, dị ẹ̀ jị avụda ọnịrị avọ́ ọchị avị-avị; ẹnịnị ẹ̀ rẹ ká avị ana nyị ododo hụrị ụtọ okuha, dị ẹnịnị ẹ̀ ya ọvịdị Ẹnẹyịmavara ẹkụhị ịhịmba dị ee hine ayị.

Ịjọọnụ 12:15

“Asị u hí angwa, ẹwụ ozi ọnẹẹ Anịzayọnị! Wee re, Ohinọyị awụ aa vẹ, ộ tụra ozi ịkẹrịkẹtẹ.”

Imatiwu 27:42

“Ọọ̄ dọ aza ẹnẹsa há, ama ọ yị zụ dọ ẹngụ anị há. Ọ kà ọnị ọ vị Ohinọyị Anisirẹrị nị; ò chí hụrẹ ịrẹsụ apavahị vẹ booro aanị kẹ, di yee re e, dị ya dọ ọ wụ́.

Ịjọọnụ 12:14

Ijeesu ô re ozi ịkẹrịkẹtẹ ọnya, dị ọ tụra a nị, anka Íwe Ohomorihi mẹ̀ vịdị kà a ka: